इफिसियों 4:14 - Sirmouri

¹⁴ च़ौक्क्ष रूऐ, के कोसी आदमी की ठग-बाजी शे अरह् छल़-कप्ट शे, अरह् चुगली चलाकी शे, तुँऐं बह्काऐ-दुर्ताऐ ने ज़ाँव, के लोग तुँओं नहाँन्ड़िया जिऐ ने भट्काऐं दियों,

सिरमौरी नौवाँ नियम

¹⁴ ऐबै आमु नानड़िया कै जैशणै नी हौणौ चैंई। ऐबै आमै तिनु किश्तीयों कै जैशणै ना आथी जिनु फालो औगौड़ियौ-पौछौड़ियौ ढकियावं औरौ हावा उंडै पुंडे घुमाव। इथका मतलब ऐजा औसौ कै आमु धोकैबाज लोगौ कै तिनु झूठी शिक्षाओं दै नी फोशणौ चैंई, जू साची जाणियौ।

इफिसियों 4:14 ပူးပေါင်းရင်းမြစ်များ

मत्ती 11:7

जबे सेजे संत्त-यूहन्ना के चैले तेथै शे आगू हुटी गुऐ, तबे प्रभू यीशू संत्त-यूहन्ना के बारेदे लोगो कैई बुल्दे लागे, “तुँऐं जाँगल़ो दे का दे:ख्दे हुटे? कियो बागरिऐ झींकदे सुरूवाँठों देख्दे हुटे थिऐ?

मत्ती 24:11

बैजाऐ भहीते ऐशे लोग हले जू ऐजो बुल़्ले के आँमें पंणमिश्वर की बरंम्बाणीं कर्णो वाल़े असो, से खड़े हले जू झूठें, अरह् लोगों के भरंमाँणों वाल़े असो।

मत्ती 24:24

“किन्देखे के झूठें मसीया अरह् झूठे पंणमिश्वर की बरंम्बाणीं कर्णो वाल़े, खड़े हले, अरह् से असरदार चींन-नीशाँणी दे:खाले, जे ऐशो हलो, तअ चूणें-छाँटे अंदे भे भरमाँऐं ज़ाले।

प्रेरितो कै काम 23:21

परह् तुऐं तिनकी बात ने माँनें, किन्देंखे के तिनू मुँझ़ी किऐ च़ाल़िष शे भे जादा लोग असो; जुण्जे पौलुस की घात्त-माँर्णो की ताक दे तैयार असो; अरह् तिन्ऐं षौह्-कंस्म करी थंई, के आँमें ताँव-तोड़ी किऐ खाँदी ने पींदी, जाँव तोड़ी आँमें पौलुस ने माँरा से तियों ही ठह्ल़णाँई दे असो।”

1 कुरिन्थियों 12:2

तुँऐं जाणोंऐं के जबे तुँऐं गऐर यहूदी अरह् बै-बिश्वाषी थिऐ, तअ लाटी बै-जियाँन मुर्त्तियों पाछी चालो थिऐ, तअ तुँओं जैष्णे चलाऐ ज़ाँव थिऐ, तुँऐं तेष्णें ही चालों थिऐ।

1 कुरिन्थियों 14:20

हे भाईयों-बंईणों, तुऐं सम्झदे बालक ने बंणें, बुराई खे तअ बालक बंणों परह् संम्झदें ठग्ड़े बंणों।

1 कुरिन्थियों 3:19

किन्देंखे के ईयों संईसारी का ज्ञाँन पंणमिश्वर की नंजरी दा मुरूख्ता असो, जैष्णों के पबित्र-ग्रन्थों दो लिखी थो, के “पंणमिश्वर ज्ञाँनी लोग तिनकी ही चलाकी दे फशाँऐं दियों”

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

2 कुरिन्थियों 4:2

परह् आँमें बै-शर्मी की अरह् चुप्पी की काँम-काज़ छ़ुड़ी दिती, ना चपलुसी शे चाल्दे, अरह् ना पंण्मिश्वर के बचन दी किऐं मिलावट कर्दे; परह् सच्चाऐ पर्गट करियों, पंण्मिश्वर के साम्णें ऐक नाँम आदमी के मंन दी आप्णी भलाऐ बईठाल़ो।

गलातियौं 3:1

ओ, बै-अकले गलातियों के लोग, तुँओं कैथु ऐ भूचै? तुँवारी तअ आँ:खी के सहाम्णें प्रभू यीशू मसीया शुँल़ी-फ़ाँशी चड़ाऐयों दे:खाऐं थुऐ थिऐ!

इफिसियों 6:11

पंण्मिश्वर के बादे हथियार धारण करह्, के तुँऐ दुष्ट-शैतान की चालाकी के पलाँण के संहाम्णें खह्ड़े रंऐ सको।

1 तीमुथियुस 3:6

से ऐक नुवाँ चैला ने हुवा चैई, किन्देंखे के से आप्णी तारिफ़ शुँणियों; आपु गाशी घमंड करियों तैसी शैतान का जैष्णा संजा का भागीदार ने बंणों।

2 तीमुथियुस 1:15

तुओं कैई ऐजा तअ पता ही हंला, के आसिया ईलाके के बादे बिश्वाषी भाऐ लोग मुँह शे दुर्के हऐ गुऐ; अरह् तिन्ही मुँझी भाऐ-फूगिलुस अरह् भाऐ-हिरमुगिनेस भे असो।

2 तीमुथियुस 3:13

परह् दुष्ट अरह् बकाँणों वाल़े, धुखा देंदे अरह् धुखा खाँदे बिगड़ी ज़ाँदे।

2 तीमुथियुस 4:3

किन्देंखे के ऐशा बख्त्त आला, के लोग आछ़ी शिक्क्षा संऐन ने करी सको, परह् काँन के काचे हंणों के कारण आप्णी मंन की हिछ़या के मुँताबिक शे आप्खे बैजाऐ भहिते शिक्क्षा देणों वाल़े कठै कर्ले,

इब्रानियों 13:9

बदल़ी अंदी कंई किस्म की शिक्क्षा के बंहकावे दे ने आऐ; अरह् अमाँरे दिल खे ऐजो ठीक असो, के कृपा के कारण तेसी पाक्का करा ज़ाँव; ना के खाणों-पीणो की चीजो के जाँणें; किन्देंखे के खाणों-पीणों के रित्ति-रूवाज के जाँणें कोसी का किऐ भे भला ने हंदी।

याकूब 1:6

सिर्फ बिश्वाष आरी माँगों। दाँणिक भे षक ने करा चेंई। परह् जिनके षक हो, से संमुन्द्रो की फालो जेष्णाँ हों, जू ढोंढ-बागूरिऐ खिदर-बदर हऐयों जिदो-किदो ज़ाँव।

याकूब 3:4

दे:खो, सँमुन्द्रों जहाजो भे बैजाऐ बड़े-बड़े हों, अरह् प्रचंन्ड बागूरी लई से चलाऐं ज़ाँव, तबे भे तिनू ऐकी नहाँन्ड़ी पतवार-फाऊँड़ी लई माँझी आप्णी हिछ़या लई घूमाव चलाँव ऐ।

2 पतरस 2:18

से बै-कार के तारीफ की बातो करी-करियों चप्लूसी की काँम-काज़ के जाँणें, तिनू लोग देह्-शरीर की हिछ़या दे फशाँऐं दियों, जू भट्के अंदे मुझ्शे हेभी नीकल़ी ही ने रंई।

1 यूहन्ना 2:19

मसीया का बिरोधी आँमों ही मुँझ्शा असो, परह् से सोतिखे अमाँरा साथी ने, किन्देंखे के जे से सोतिखे अमाँरा साथी हंदा, तअ अमाँरी गईलो रंह्दा। परह् तेने आँमों छुड़ी दिते, जू से ऐजो दे:खाऐ सको, के तिन मुँझ्शा कुँऐं भे सोतिखे अमाँरा साथी ने आथी।

1 यूहन्ना 2:26

ऐजो सब-कुछ मुँऐं तुँओं खे तबे लिखी थो, के कुँऐं तुँओं सच्चाई की बाटो शे भट्काणों के कोशिष करह्;

1 यूहन्ना 4:1

हे प्यारों, सोभी आत्त्मा का बिश्वाष ने करे, परह् आत्त्मा के परख करह्, के सेजी आत्त्मा पंण्मिश्वर की असो ऐ, के आथी ने; किन्देंखे के बैजाऐ झूठे ऋषी संईसारी दे ऋषी बंणियों चाल पड़े।

यहूदा 1:12

ऐजे लोग तुँवारी पियार की खुम्ल़ी दो तुँवारी गईलो खाँदें, पींन्दें रंह्, ऐजे लोग संमुन्द्रो दी छुपी कऐड़ी जेई असो; अरह् बै-झीझ्क बै-धड़क आप्णों पेट-ओजरा भरो; से बिना पाँणी के बाद्ल़ो जिऐ असो, जुण्जे बागूरिऐ ऊड़ाऐ ज़ाँव; ऐ बै-मोस्मी फल़ की जेई डाली जुण्जी दूबंई मंरी गुऐ अरह् जंड़ शै ऊखलियों हुटे।

प्रकाशितवाक्य 19:20

सेजो बुँणेंर, अरह् तेस्की गईलो सेजे झूठे ऋषी, थाँम्बड़े गुवे, जेथू ऐ तेसके सहाँम्णें संईसारी दी ऐशी चींन-नींषाणीं देखाऐ थी, जिन्दे के जाँणें तेने तिनू भरंमाँऐं-दुरंताँऐ जिनू गाशी तेथू बईच़ीं की छाप-मुँहर थी, अरह् जुण्जे तेथू बुँणेर की पूजा करह् थिऐ। तिनू जीऊँदे ही तियों आगी की झील नंरक दे, जू गंन्धक शी जल़्दी रंह्, तिनू बादे तिन्दें पाऐ गुऐ।