इफिसियों 4:13 - Sirmouri

¹³ जाँव तोड़ी के आँमें बादे के बादे पंण्मिश्वर के बिश्वाष दे अरह् पंण्मिश्वर के बैटे के ज्ञाँन दे ऐक साच्चै सीद्ध-पाक्कै आदमी ने बंणी ज़ाँव, अरह् मसीया के पुरी बड़ियाऐ तोड़ी ने बड़ी ज़ाँव।

सिरमौरी नौवाँ नियम

¹³ ऐजौ तांव तौड़ी जारी रौंदौ जांव तौड़ी कै आमै आपणै बिशवाश औरौ पौरमेशवर कै बैटै कै बारै मुंजी आपणी सौमझ दै एकजुट ना हौए जोऊं। तांव तौड़ी आमै मोजबूत हौए जांदै, जैशैकै मसीह औसौ, औरौ आमु पूरी तरह शै तैसकै जैशणै हौए जांदै।

इफिसियों 4:13 ပူးပေါင်းရင်းမြစ်များ

मत्ती 11:27

“मेरे पिता पंणमिश्वर ऐ मुँखे सब-कुछ देऐ दितो; अरह् कुँऐं बैटा ने जाँण्दा, सिर्फ तेसी पिता ही जाँणों; अरह् कुँऐं पिता ने जाँण्दा सिर्फ सेजा बैटा ही जाँणों; अरह् सेजा जाँणी सको जेसी गाशी बैटा पर्गट कर्णो चहाँव।”

यूहन्ना 1:16

किन्देंखे के तिन की भर-पुरी के कारण आँमों सोभी कृपा गाशी कृपा ही भेंटो।

यूहन्ना 16:3

से ऐजा कुँकंर्म ईन्देखे कर्ले, के तिन्ऐं ना तअ बाबा जाँणीं; अरह् ना तिन्ऐं मुँह जाँणी;

यूहन्ना 17:21

हे बाबा! ऐजे बादे झुणें ऐक हों; जेष्णें तुऐं मुँह्दे, अरह् हाँव तुओं दा; तेष्णें ही ऐ बादे झुणें, आँमों आरी ऐक हों; जिन्दें लंई ऐजी संईसारी बिश्वाष करह्, के मुँह डेयाल़्णों वाल़े तुँऐं ही असो।

यूहन्ना 17:3

अमर-जीवन ऐजा ही असो, के तुँऐं सिर्फ ऐक साच्चै पंण्मिश्वर असो; जिन्ऐं आप्णाँ बैटा यीशू मसीया जेसी तुऐं डेयाल़ी थुवा, तिनू सेजी बादी जात्ती, अरह् बादे प्राँणीं जाँणों अरह् पंह्छ़ियाँणों।

यूहन्ना 6:69

आँमें बिश्वाष करह्, के तुँऐं ही ‘पंण्मिश्वर के पबित्र जंण’ असो।”

प्रेरितो कै काम 4:32

बिश्वाषियों के मँडल़ी ऐक चींत्त ऐक मंन, अरह् ऐक प्राँण थिऐ; तिनू मुँझी कुँऐ भे आप्णीं जंजाऐत्त खे आप्णी ने संहम्झों थिऐ, अरह् जुण्जो किऐ तिन कैई थियों; तिन्दा सोभी का ऐक्भाँता बरा-बुर साजा थिया।

1 कुरिन्थियों 1:10

हे मेरे भाऐ बंईणों, हाँव तुँओं शी अमाँरे प्रभू यीशू मसीया के नाँव शी ढाल-अरज करू, के तुँओं मुझी फुट् ने पड़ो, तुऐं ऐक ही मंन अरह् ऐक ही बात अरह् ऐक ही मत्त दे मिली-झुलियों रंह्।

1 कुरिन्थियों 14:20

हे भाईयों-बंईणों, तुऐं सम्झदे बालक ने बंणें, बुराई खे तअ बालक बंणों परह् संम्झदें ठग्ड़े बंणों।

1 कुरिन्थियों 2:6

तबे भे संम्झदार लोगो मुँझी आँमें ज्ञाँन की बात शुणाँव, परह् ऐजा ईयों संईसारी का अरह् ईयों संईसारी के नाँष हंणों वाल़े हाक्मों का ज्ञाँन ने आथी;

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

गलातियौं 4:19

हे मेरे नहाँन्ड़िया! जाँव तोड़ी तुँऐं मसीया का रूप जिया ने बणे, ताँव-तोड़ी मुँऐं सुणों की जेई पिड़ो सह्ऐ लई।

इफिसियों 1:17

के अमाँरे प्रभू यीशू मसीया का पंण्मिश्वर जू शक्त्तिशाली पिता असो; से तुओं खे ज्ञाँन अरह् बखाँण के आत्त्मा दियों; जिन्दें लंई तुऐ सोत्तिखे पंण्मिश्वर आच्छ़े ढंग शा जाँणीं सको।

इफिसियों 1:23

कलीसिया मसीया की देह्-शरीर असो, अरह् तिन्ही की बादी भरपुरी शो असो, जू सोभी दो सब-कुछ पुरो करह्।

इफिसियों 2:15

प्रभू यीशू मसीया ऐ आप्णी मऊँत्ती के जाँणें बादे निय्म के बिधान रद् करी दिते, ईन्दीखे तिन्ऐं यहूदी अरह् गऐर यहूदियों का मेल कराऐयों तिनके बीचों के रंन्ज-खुन्द्क मिटाऐ दिती, अरह् तिनू दुई डूँग पंणमिश्वरो आरी ऐक ज़ुट करी दिते।

इफिसियों 4:12

जिन्दें लंई पबित्र लोग सीद्ध बंणीं ज़ाव, अरह् सेवा का काँम-काज़ करा ज़ाँव; अरह् ईन्दें लंई मसीया की देंह्-शरीर बंड़ोत्री पाँव,

इफिसियों 4:3

अरह् मेल-मेल के बंधणों दे पबित्र-आत्त्मा की ऐक्त्ता दी रंहणों के कोशिष करह्।

इफिसियों 4:5

ऐक ही प्रभू असो, ऐक ही बिश्वाष असो; ऐक ही नहाँण असो,

फिलिप्पियों 3:10

हाँव ऐजो चहाऊँ, के हाँव मसीया जाँणी पाऊँ, अरह् तियों शक्त्ति का तजरबा करणा चहाऊँ, जिन्दे लई से मँरियों पाछु ऊबे जीऐं; अरह् मऊँदी दा तिनू जेष्णाँ बंणियों तिनके दु:ख भोगणों दा साथी बंण्णा चहाऊँ।

फिलिप्पियों 3:8

ऐती ने, परह् हाँव आप्णें प्रभू मसीया यीशू पंह्छ़याँण्णों खे सोभी शा आछा फाय्दा जाँणू; अरह् ऐसी ज्ञाँन की बरा-बरी दी ऐक नाँम चींजो नुकसाँन ही जाँणू, तिनही के कारण मुँऐ हर ऐक च़ीज छ़ुड़ी दित्ती, अरह् सेजो सब-कुछ़ मुँऐ कुडा़-कर्क्ट जाँणों, जिन्दे लई मुँह मसीया भेटी सको;

कुलुस्सियों 1:28

जिनका प्रचार करियों आँमें हर ऐक आदमी च़ौक्क्ष करी दियों, अरह् बादे ज्ञाँन शे ऐक नाँम आदमी कैई शो शिखाँव ऐ, के आँमें ऐक नाँम आदमी खे मसीया दा पाक्का सीद्ध करियों हाजिर करह्।

कुलुस्सियों 2:2

जू तिनके मँन खे होंसला भेटो, अरह् से ओका ओकी के प्यारो दा बंदी ज़ाँव; अरह् बिश्वाष का सेजा बादा धंन जुण्जा साच्चै ज्ञाँन शा भेटो, सेजा धंन तिनू भेटो, मतल्व पंण्मिश्वर की भेद् का साच्चा ज्ञाँन हों; जुण्जा आपु मसीया असो।

इब्रानियों 5:14

परह् नाँज अरह् भारी खाणाँ, तअ बह्ड़े सम्झदार लोगों खे ही हों, जुण्जे ज्ञाँन-संहम्झ़ दे अरह् भले बुरे के भेंद् कर्णो दे संहम्झ़दार हों।

2 पतरस 1:4

जिन्दे के जाँणें तिन्ऐ आँमों खे किम्त्ति बर्दांन देऐ थुऐ, जिनू देणों का तिन्ऐं बाय्दा करी थुवा थिया: जू तुँऐं तिनके जाँणें आपु खे पंण्मिश्वर के जैष्णें बंणी ज़ाँव, अरह् तेसी नाँष शे बंची ज़ाँव, जू लोगो की बुरी हिछ़ा के जाँणें ईयों संईसारी दे असो।

2 पतरस 3:18

परह् अमाँरें प्रभू अरह् बंचाँणों वाल़े, प्रभू यीशू मसीया की कृपा अरह् पछ़याँण दे बढ़्दे ज़ाव। तिन्ही की बड़ियाऐ ऐबे भे हों; अरह् सदा ज़ूगौ-ज़ूगौ तोड़ी हंदी रंह्। आमीन।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।