इफिसियों 4:10 - Sirmouri

¹⁰ अरह् जिनू ऊदे डेयाल़े गुऐ, से ऐजे ही असो, जुण्जे बादे अस्माँनों शे भे ऊबे हुटे, के सब-कुछ पुरो हों)।

सिरमौरी नौवाँ नियम

¹⁰ मसीह जू धैनै ओऊवा, औरौ सै सैजाई औसौ जू सारै गौयण दा ऊबा चौढ़ै गौआ। तैणै ऐशै इथकारिए कौरौ ताकि हर जौगैह मोजूद हौए सौकौ।

इफिसियों 4:10 ပူးပေါင်းရင်းမြစ်များ

मत्ती 24:34

हाँव तुओं खे खास बात बुलू, के जाँव तोड़ी ऐजी बादी बातो पुरी हंदें ने दे:खो, ताँव-तोड़ी ईयों पीढ़ी ज़ूगौ का अंत्त ने हंदी।

लूका 24:44

तबे प्रभू यीशू ऐ चैले खे बुलो, “मुँऐं तुवाँरी गंईलो रंह्दे बख्त्ते तुओं खे का बुलो थियों; के जुण्जो किऐ ऋषी-मूसा खे भेंटे गुऐं अज्ञाँ-निय्म दो, अरह् ऋषियों के ग्रन्थों दो; अरह् भजन-संहिता दो मेरे बारे दो लिखी थो, सेजो बादो सब-कुछ़ पुरो हंणों जरूरी असो।”

यूहन्ना 1:16

किन्देंखे के तिन की भर-पुरी के कारण आँमों सोभी कृपा गाशी कृपा ही भेंटो।

यूहन्ना 19:24

ईन्देंखे तिनू सपाईऐं आपु मुँझी बुलो, ऐसी “चौगा चिरे ने; परह् ईन्दें की ताँईऐ आँमें आपु मुँझी पार्ची पाऊँबे; के ऐजा च़ौगा कोस्खे भेट्दा।” ऐष्णों ईन्देंखे हुओ, के पबित्र-ग्रन्थों का सेजा लिखा पुरा हों: के से मेरे खोट्णों आपु मुँझी बाँडी पाँह्ले, अरह् मेरे च़ौगे खे पार्ची पाँह्दें; अरह् तिनू सपाई ऐं भे तेष्णों ही करह्।

यूहन्ना 19:28

ईन्दें पाछ़ी जबे प्रभू यीशू ऐ ऐजो जाँणीं पाव, के ऐबे सब-कुछ पुरो हऐ गुओं; तअ पबित्र-ग्रन्थों का सेजा लेख्ह पुरा कहर्णो खे बुलो; “हाँव च़ींषा असो”।

यूहन्ना 19:36

ऐष्णो ईन्देंखे हुओ, के पबित्र-ग्रन्थों दो जुण्जो बुलो गुओ थियों, सेजो पुरो हों, के “तिनकी कुँण्जी भे हाड़की ने च़ूड़ी ज़ाँव।”

प्रेरितो कै काम 1:11

अरह् तिनखे बुल्दे लागे, “ओ गलीली मंर्दो! तुँऐं खह्ल़ियों अस्माँनों की ढबे कैई देखी लों? सेजा ही प्रभू यीशू जिनू तुवाँरे बीच शे ऊँबे स्वर्गो दे थागी थुऐ; तिनू तुऐं ऐष्णें ही स्वर्गो शे हजो ऊँदे आँदे भे देख्ले, जेष्णें तुऐं तिनू स्वर्गो दे ऊँबे ज़ाँदे देखी थुऐ।”

प्रेरितो कै काम 1:9

ऐजो बुलियों प्रभू यीशू खास-चैले के देख्दे-देख्दे ही ऊबे स्वर्गो दे थागे गुऐ; अरह् ऐकी बाद्ल़े ऐं प्रभू यीशू खास-चैले के आखी कैई शे चूरी दित्ते।

प्रेरितो कै काम 2:33

ऐबे से पंण्मिश्वर के सोऐं ढबै खास पद्-भार गाशी बंईठियों, अरह् पंरम-पिता कैई शी सेजी पबित्र-आत्त्मा भेटियों, जिन्दें का बाऐदा पंण्मिश्वरे ऐं आगे ही करी थुवा थिया; तियों पबित्र-आत्त्मा तिन्ऐं आँमों गाशी ऊँदी-पैरी दित्ती; जियों तुऐं आपु देंखी, अरह् शुँणीं लंऐ।

प्रेरितो कै काम 3:18

पंण्मिश्वर ऐ ऐशा दाँई आप्णाँ बुल्णाँ पुरा करा, जिन्दे के मुँताबिक तिनके मसीया खे दु:ख्ह भोगणाँ थिया; अरह् जेसी तिन्ऐं सोभी ऋषियों के मुँख्ह शा आगे ही घोषित्त करी थुवा थिया।

2 कुरिन्थियों 12:2

हाँव मसीया का ऐक भगत्त जाँणू, जेसी च़ौऊँदो साल आगे च़ींज़ै स्वर्गो तोड़ी ऊबा टीपा गुवा; देह्-शरीर दा के बिना देह्-शरीर का; ऐजो हाँव ने जाँण्दा, परह् पंण्मिश्वर जाँणों।

इफिसियों 3:19

अरह् मसीया को सेजो प्यार जाँणी पाँव, जुण्जो अमाँरे ज्ञाँन-सम्झ शो बाईरो असो; के तिन्दें लंई तुँऐं पंण्मिश्वर के बादी भरपुरी लंई शुरे-पुरे हऐ ज़ाँव।

कुलुस्सियों 1:19

किन्देंखे के पिता की खुशी ईन्दी असो, के तिनदी ही बादी भरपुरी बास करह्;

कुलुस्सियों 2:9

पंण्मिश्वर की बादी भरपुरी जुण्जी के मसीया दा देह्-शरीर दा रूप धारंण करियों सदा बास करह्;

1 तीमुथियुस 3:16

ईदा किऐ षक-शुभा ने आथी, के भगत्ति का भेद् गऐरा असो: मंतल्व से जू देह्-शरीर दे पर्गट हुऐ, अरह् पबित्र-आत्त्मा दे धर्मी बंणें; अरह् से स्वर्गदूत्तो कैई शे ऊडे देखाई पडे, अरह् गंऐर यहूदियों मुँझ़ी तिनका प्रचार हुआ; अरह् संईसारी दा तिनू गाशी बिश्वाष करा गुवा, अरह् बड़ियाऐ आरी तिनू स्वर्गो दे ऊबै टीपै गुऐ।

इब्रानियों 4:14

किन्देंखे के जबे अमाँरा ऐष्णा बड़ा महाँ-याजक असो, जू स्वर्गो दा हुटा, मतल्व पंण्मिश्वर का बैटा प्रभू यीशू, तअ आव आँमें आप्णे धारण करे अंदे बिश्वाष दे पाक्कै अरह् डटे-अंदें रंह्ऊँबे।

इब्रानियों 7:26

तअ: ऐष्णाँ ही महाँ-याजक आँमों ज़ूगा थिया, जू पबित्र, नीर-दोष, नीष-कंल़्क, अरह् पापियों शे ज़ोई, अरह् स्वर्गो शे भे ऊगले करे गुऐ हों।

इब्रानियों 8:1

ऐबे जुण्जी बातो आँमें बुली लई, तिन मुँझ्शी ऐजी सोभी शी बड़ी बात असो; के अमाँरा ऐशा महाँ-याजक असो, जुण्जा स्वर्गो गाशी महाँ-प्रतापि के सिंगास्हणों के सुऐं ढबे बऐठी रूआ