इफिसियों 3:17 - Sirmouri

¹⁷ अरह् बिश्वाष के जाँणें मसीया तुवाँरे दिल-सासो दे बंसो, अरह् हाँव तुवाँरी ताँईऐं ऐजी प्रार्थना करू, के तुँऐं प्यार दे ज़ड़ पाक्ड़ियों आप्णी पह्-नींव पाक्की करह्,

सिरमौरी नौवाँ नियम

¹⁷ ताकि तैसी पांदी बिशवाश कौरणौ कै दवारा मसीह तोंवारै भीतरै हमैशा कारिए बौसै जांव। औरौ हांव प्रार्थना कौरु कै पौरमेशवर कै प्यार दै तुऐं मोजबूत हौयौ औरौ औड़ेयौंदे रौयौ,

इफिसियों 3:17 ပူးပေါင်းရင်းမြစ်များ

मत्ती 13:6

अरह् जेई सुरूज निक्ल़ा अरह् घाम लागा, तेई से बेगेऐ घाम लागियों ज़ल़ी गुओ, किन्देंखे के तेथू बींज़ौ की जड़ी ने संरी रंई थी, अरह् से मुल़षाऐ शुकी गुओ।

लूका 6:48

से तैसी आदमी ओनरा असो, जेने आप्णो घोर बाणों, अरह् तिन्दे के पौ-नींव नींगुऐ खुँणी, अरह् तिन्दें के पौ-नींव पाक्की कंऐड़ी-ऐकोऊँरी जींन गाशी पाऐ दिती। बाढ़ आऐ, अरह् नंदी की फालो तैसी घर दी लागी, परह् तैसी घर को किऐ ने ज़ाई किन्देंखे के से पाक्की जींन गाशी बंणी रूओ थियो।

यूहन्ना 14:17

सच्चाई की आत्त्मा, जियों ईऐ संईसारी ऐ धारण ने करी; किन्देंखे के संईसारी ना तअ तियों देख्दे, अरह् ना तियों जाँण्दे; परह् तुँऐं तअ तियों जाँणों ऐ, किन्देंखे के से तुओं दा बास करह्; अरह् से तुओं दी हमेशा बंसी अंदी रंह्दी।

यूहन्ना 14:23

प्रभू यीशू ऐ तेस्खे जबाब दिता, “जुण्जा कुँऐं मुँह आरी प्यार करला, से मेरे बचन का पाल़्ण करदा; अरह् मेरा बाबा तेसी आरी प्यार करदा, अरह् आँमें तेसी कैई आऐयों तेस्की गंईलो रंह्ऊँबे।

यूहन्ना 17:23

तुऐं मुँह्दे, अरह् हाँव तिनदा, जू से पुरे ढंग शे ऐक हंऐ ज़ाँव; जिन्दें लई ईयों संईसारी दो ऐजो साफ़ हंऐ ज़ाँव, के तुऐं ही मुँह डेयाल़ी थुवा थिया; अरह् तुऐं ईनू आरी भे तेष्णों ही प्यार करह्, जेष्णों प्यार तुऐं मुँह आरी करह्।

यूहन्ना 6:56

अरह् जुण्जा मेरी देह्-शरीर खाँव, अरह् मेरो लह्ऊँ पीयों, से सदा मुँदा बास करदा, अरह् हाँव तेस्दा बसा अंदा रंह्दा।

रोमियों 5:5

अरह् भूर्षें दी निराषा ने हंदी, किन्देंखे के पबित्र-आत्त्मा जू आँमों खे देऐ थऐ, तिन्दे लई पंणमिश्वर को पियार अमाँरे मंन दो पाँऐ थो।

1 कुरिन्थियों 3:6

मुँऐं लाया, अरह् अपुल्लोस ऐ तेसी पाँणी लई सिंजा, परह् सेजा बचन का पौद्धा पंणमिश्वरे बड़ाया।

1 कुरिन्थियों 8:1

ऐबे मुर्त्तियों के साम्णें चड़ाई अंदी बल़ी, के बारे दो आँमें जाँणों के आँमों सोभी कैई ज्ञाँन असो। अरह् ज्ञाँन लई तारीफ पय्दा हों; परह् पियारो लई आप्णी बड़ोत्री हों।

2 कुरिन्थियों 13:5

आपु-आप्खे जाँच्चो-पर्खो के तुँऐं बिश्वाष दे असो ऐ के आथी ने। आपु-आप्खे जाँच्चो-पर्खो। कियो तुँऐं आप्णें बारे दो ऐजो जाँण्दें ने, के यीशू मसीया तुँओं दे असो? ना तअ तुँऐं जाँच्च-परख दे नि-काँम्में निक्ल़ी रूऐ।

2 कुरिन्थियों 6:16

अरह् मुर्तियों आरी पंण्मिश्वर की देऊँठी का नाँता का असो? किन्देंखे के आँमें तअ जीऊँदें पंण्मिश्वर की देऊँठी असो; जैष्णों पंण्मिश्वर बुलो, “हाँव तिनू दा बास करूबा; अरह् तिनू मुझी चाला फिरा करूबा; अरह् हाँव तिनका पंण्मिश्वर हंऊँबा; अरह् से मेरे लोग हंदे।”

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

कुलुस्सियों 1:23

तुँओं बिश्वाष दे पाक्के अरह् अट्ल बंणों अंदो रहणों पड़ो, जू तुँओं खे खुषख्बरी के जाँणें देऐ गऐ, सेजी खुषख्बरी अस्माँनों थाईली बादी संईसारी खे शुँणाऐं गऐ, अरह् हाँव पौलुस तिनका सेवक-दास असो।

कुलुस्सियों 1:27

जिन कैई पंण्मिश्वर ऐ पर्गट करणा चाया, के तिन कैई ऐजा ज्ञाँन हों, के गऐर यहूदी कैई तेसी भेद् की बड़ियाऐ का मोल का असो, अरह् से ऐजो असो, के मसीया जेस्दा बड़ियाऐ का भूर्षा असो, से तुँओं दे बास करह्।

कुलुस्सियों 2:7

अरह् तिनही दे तुऐं जुड़े अंदे, अरह् मसीया दे बड़्दे, अरह् आप्णें बिश्वाष दे पाक्कै हंऐ ज़ाव; ठीक तेष्णें ही जेष्णीं तुओं खे शिक्क्षा देऐ थंऐ, अरह् तुऐं धन्यबाद की हिछ़या दे जादा शे जादा बंड़्दे ज़ाँव।

1 यूहन्ना 4:16

आँमें आप्णें बारे दो पंण्मिश्वर को पियार जाँणी पाँव, अरह् तिन्दा बिश्वाष भे करह्, के पंण्मिश्वर पियार असो; अरह् जुण्जा कुँऐं पियार का पाक्का अट्ल असो, से पंण्मिश्वर दा भे पक्का अट्ल बंणा अंदा रंह्दा।

1 यूहन्ना 4:4

हे प्यारे नहाँन्ड़िया, तुँऐं पंण्मिश्वर के असो, झूठे ऋषी तुँऐं हराऐ पाऐ; किन्देंखे के जुण्जा तुओं दा बास करह्, से तैच़्छ़ा बड़ा असो; जुण्जा संईसारी दा असो।

प्रकाशितवाक्य 3:20

देख, मुँऐं देऊँल़ी कैई खड़े हऐयों दुवार ठक-ठकाऐ लुवो; जे कुँऐं मेरो ठकठकाँणों शुँणियों मुँखें दुवार खुल़्ला, तअ हाँव तेसी कैई भिटा आऐयों, तेस्की गईलो भोजन करूबा अरह् से भे मेरी गईलो भोजन करला।