इफिसियों 3:13 - Sirmouri

¹³ ईन्देंखे हाँव तुओं लोगो खे ऐजी ढाल-अरज करू, के जू कल़ेश तुँवारी ताँईऐं मुँह भेट्दे लागे, तिनके जाँणे तुँऐं हिम्त्त ने हारे, किन्देंखे के तिन्दी ही तुँवारी बड़ियाऐ असो।

सिरमौरी नौवाँ नियम

¹³ इथकारिए हांव बिन्ती कौरु कै जू कौल़ेश तोंवारै खातिर मुखै हौए रौवै, तिथकै बौजैह शै निराश नी हौणौ चैंई ऐजौ सौबै तोंवारै ही फायदै कारिए औसौ।

इफिसियों 3:13 ပူးပေါင်းရင်းမြစ်များ

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

2 कुरिन्थियों 1:6

जे आँमों दु:कल़ैष भेटो, तअ से तुँवारी शाँण्त्ति अरह् छुट्कारे की ताँईऐं असो; जिन्दें का असर लई तुँऐं धीरज-सबैर करियों सेजे दु:ख-कल़ैष संऐ पाव, जुण्जे आँमों भे सहणें पड़ो।

2 कुरिन्थियों 4:1

ईन्देंखे के जबे आँमों गाशी ऐष्णी कृपा हऐ, के आँमों ऐजी सेवा भेटी; तअ आँमें हिम्मत्त ने च़ूड़ो।

गलातियौं 6:9

आँमें आच्छ़ी काँम-काज़ कर्णो के दीड़-हिम्मत ने छुड़ो, किन्देंखे के जे आँमें रीले ने पड़ो तअ ढीक बख्तो गाशी शाख सलाऊँबे।

इफिसियों 3:1

ईन्दीखे हाँव पौलुस जू तुँओं गऐर यहूदी की भलाई की ताँईऐं मसीया यीशू दा कय्दी असो,

फिलिप्पियों 2:18

तेष्णें ही तुँऐं भे खुशी हों, अरह् मेरी गईलो आँनन्द-खुशी मनाँव।

कुलुस्सियों 1:24

ऐबे हाँव तिनू दु:खो के जाँणें आँनन्द करू, जू हाँव तुँवारी ताँईऐं ऊठाऊँ; मसीया ऐ आप्णी देह्-शरीर मतल्व कलीसिया की ताँईऐं जू दु:ख भोगी थुवा, तिन्दी जुण्जी किऐ कंम्मीं-पैशी रंऐ रई, हाँव तियों आप्णी देह्-शरीर दी पुरी करूबा।

2 थिस्सलुनीकियों 3:13

तुँऐं, हे भाऐ-बंईणों, भलाई कर्णो शी दीड़-हिम्मत ने छुड़े।