इफिसियों 2:2 - Sirmouri

² किन्देंखे के तुवारा चाल-चल्णँ आगे ऐसी ज़ूगौ के रित्ति-रूवाज के मुँताबिक, जू अस्माँनों दा हंक-अधिकार जमाँनों वाल़े, हाकमों के मुँताबिक थिऐ; जुण्जे तियों आत्त्मा के बंष दे थिऐ, जुण्जी आत्त्मा हेभी तोड़ी पंण्मिश्वर के बिरोधियों आरी काँम-काज़ करह्।

सिरमौरी नौवाँ नियम

² तैसी सौमय तुऐं इयौं दुनिया कै लोगौ कै तरीको कै पौछौड़ियौ चालौ थिए औरौ तुऐं शैतान कै आज्ञा कै मानौ थिए यानी तैसी प्रधान का जू आकाश दा दुष्टआत्माओं पांदी राज कौरौ, जू ऐबै बै तिनु लोगौ कै मनो दा काम कौरौ जू पौरमेशवर कै आज्ञा ना मानौ।

इफिसियों 2:2 ပူးပေါင်းရင်းမြစ်များ

मत्ती 11:19

आदमी का बैटा खाँव-पीयों ऐ, अरह् ईन्ऐं पाको करी पाव, के ऐ ऊजराँऐ अरह् पियाकड़ असो; अरह् ऐ तअ चूंगी-कंण लोणों वाल़े, अरह् पापी आदमी का साथी असो! परह् ज्ञाँन आप्णी काम शा साचा बंणायाँ ज़ादा।”

मत्ती 13:22

सेजी जीम्मीं जेथै सेजो बींज़ झाल-झाड़ी मुँझी पड़ो, से सेजा आदमी असो, जुण्जा बचन की खुषख्बरी का प्रचार तअ शुणों ऐ; परह् से संईसारी का फिकर, अरह् धनं का धोखा, तेसी बचन तेस्की सासो दा ही दबाँऐ दियों, अरह् से तिन्दें के फल़ के बिना ही रंह्।

मत्ती 13:38

खैच़ संईसारी असो, अरह् आछो बींज़ पंणमिश्वर के राज्य के लोग असो, अरह् जागल़ी बींज़ दुष्ट शैतान के लोग असो।

मरकुस 4:19

अरह् संईसारी का फिकर करियों, अरह् धंन दोंल्त का धोखा, अरह् कंई चींजो का लोभ-लाल़्च तिनके मंन दा समाँऐंयों, सेजा बचन दबाऐ दियों, अरह् से निंषफल़ हऐ ज़ाँव।

लूका 16:8

तेने सैठ माँलिक ऐं तैसी चंतूर आगु गाड़े अंदे आप्णें खजाँन्च़ी खे शबाशी दित्ती; किन्देंखे के तेने च़तूराई वाल़ी चाल-चाली, ईन्देंखे ऐसी ज़ूगो के अलाद भे आप्णी ईयों पीड़ी की गईलो, आप्णी लेंण-देंण की चाल-चल़्ण दे जादा चंत्तूर असो!

लूका 22:31

प्रभू यीशू ऐं बुलो, “शमौन, हे शमौन! देख्ह, शैताने तुओं लोग माँगी थुऐ; के से तुओं गींहू जिऐ पुछ़ड़ो।”

यूहन्ना 12:31

ऐबे ईयों संईसारी के नियाँव का बख्त्त आऐ गुवा; अरह् ऐबे ईयों संईसारी का हाकम आगु गाड़्दा;

यूहन्ना 13:2

जबे प्रभू यीशू ऐं आप्णें चैले आरी बियाल़ी खाऐ लऐ थी, तबे शैतान ऐ शमौन के बैटे यहूदा इस्करियोती के मंन दा ऐशा पाप पर्गट करा, के तू यीशू धोख्हे शे थंह्म्बड़ाऐ दे।

यूहन्ना 13:27

जेई सेजा रोटी का टुक्ड़ा यहूदा इस्करियोती ऐ आगु करा, तेई शैतान तेख्णीं तेस्दा संमाँया; अरह् तबे प्रभू यीशू ऐं तेस्खे बुलो, “तेरे जुण्जो किऐ कर्णो ऐं सेजो शींघौ करह्।”

यूहन्ना 14:30

“ऐबे हाँव तुओं कैई ईन्दें शो जादा किऐ ने बुल्दी, किन्देंखे के ईयों संईसारी का हाकम आँदा लागा; परह् से मेरो किऐ ने करी सक्दा।

यूहन्ना 15:19

किन्देंखे के जे तुँऐं संईसारी के हंदे, तअ संईसारी तुओं आरी बंईर ने कर्दी थी; ऐजों जाँणिंयों के तुँऐं आप्णें ही असो; किन्देंखे के मुँऐ तुओं ईयों संईसारी मुँझ्शे च़ूणी-छ़ाँटी थुऐ, ईन्देखे संईसारी तुओं आरी बंईर कर्दी।

यूहन्ना 16:11

नियाँव के बारे दो; ईन्देंखे के संईसारी का हाकम शैतान दोषी-कसूरबार बंणाँऐ पाया।

यूहन्ना 7:7

संईसारी तुँओं आरी बईर ने कर्दी, परह् से मुँह आरी बईर करह्, किन्देंखे के हाँव ईयों संईसारी के बादे दी ऐजी गुवाऐ-शाज़्त्त देंऊँ, के ईनके काँम-काज़ बुरे असो।

यूहन्ना 8:23

प्रभू यीशू ऐ तिनखे बुलो, “तुँऐं धर्त्ती के असो, अरह् हाँव स्वर्गो का असो; तुँऐं संईसारी के असो, अरह् हाँव संईसारी का आथी नें।

यूहन्ना 8:44

तुऐं आप्णें बाबा शैतान के असो, अरह् तुऐं आप्णें बाबा के हिछ़या पुरी कर्णी चहाँव; से शुरू शा ही ऊँबा हत्त्यारा असो। अरह् से सच्चाई का हिस्सा कंद्दी ने बंणीं, किन्देंखे के तेस्दी सच्चाऐ ने आथी; किन्देंखे के जबे भे से झुठो बुलो, तअ से आप्णें ही सभाव के कारण बुलो; किन्देंखे के से झुठा, अरह् झुठे का बाबा असो।

प्रेरितो कै काम 19:35

तबे बंड़ियाई कर्णों वाल़े ऐं लोगों के भींड़ शाँण्त्त करियों बुलो, “इफिसुस नंगर के जानें-माँने लोगो! ऐजो कुँण आदमी ने जाँण्दा, के इफिसुस नंगर की महती देवी, अरतिमिस के देऊँठी, अरह् ज्यूस की ढबे शी घेरी अंदी, अस्माँनों शी ऊदी पंड़ी अंदी मुँर्ती का रंख्वाल़ा असो।

प्रेरितो कै काम 5:3

ईन्दें गाशी संत्त-पतरस ऐ बुलो, के “ओ हनन्याह! कियो शैतान ऐ तेरे मंन गाशी ऐत्रा हंक-अधिकार करा, के तुऐ पबित्र-आत्त्मा शो झुठो बुलो; अरह् जुण्जे जीम्मीं तुऐं बीकी तिन्दें के दाँम किम्मत्त मुँझ़्शो तुऐ किऐ धन चुप्पी आपु कैई थुओ?

रोमियों 12:2

ईयों संईसारी के जेष्णें ने बंणें; परह् तुवाँरे मंन नुऐं हंणों लई, तुवाँरा चाल-चल़्ण भे बद्ल़ी दियों, जू तुवाँरे जाणियों के पंणमिश्वर तुँओं खे का चहाँव, अरह् तिनकी नंजरी दो का आछ़ो भाव्णों वाल़ो, अरह् परीपुर्ण असो।

1 कुरिन्थियों 5:10

मेरा ऐजा मंतल्व तअ बिलकुल ने थी, के तुऐं ईयों संईसारी के ईनू बादे आदमी शे, जुण्जे बुरे बिचकै काँम-काज़ कर्णो वाल़े अरह् लुभी, ठंग, के अनियाँऐं कर्णो वाल़े जुण्जे दुष्ट-मुँर्त्ती पुज्णों वाल़े असो; तुँऐं ईनू आरी आप्णा किऐ भे नाँता रिष्ता ने थुऐं; तबे तअ तुऐं ईयों संईसारी दे रंऐ ही ने सक्दे, परह् तबे तअ ऐजी संईसारी तुँओं हमेशा खे छुड़ी ही देंणी पड़ो।

1 कुरिन्थियों 6:11

अरह् तुँओं मुझी ऐष्णें बेजाऐ थिऐ, परह् ऐबे तुँओं प्रभू यीशू मसीया के नाँव शे, अरह् अमाँरे पंणमिश्वर की आत्त्मा शे धुऐ गुऐ, अरह् तुँऐं पबित्र हुऐ अरह् पंणमिश्वर की नंजरी दे बै-कसूर बंणें।

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

गलातियौं 1:4

तिन्ऐ ही आपु-आप्खे अमाँरे पापो की ताँईऐं देऐ दिता, के जू कुँऐं अमाँरे पंण्मिश्वर के हिछ़या, के मुताबिक आँमों ईयों बुरी संईसारी शे छुड़ाऐ दियों।

इफिसियों 1:21

पंण्मिश्वर मसीया खे सोभी हाकमों अधिकारियों अरह् शक्त्ति, अरह् शक्त्तिशाली लोगो गाशी का हंक देऐ थुवा, ऐजो सिर्फ ऐसी ज़ूगौ खे ही ने परह् आणों वाल़े ज़ूगौ-ज़ूगौ खे भे असो;

इफिसियों 2:11

ईदेखे ऐजो चित्ते थुऐ, के तुँऐं जुण्जे हंदेणू शे ही ऊँबे गऐर यहूदी असो, जिनखे खतना कराँऐ अंदे लोग, बिना खतने के बुलो; सेजा खतना जुण्जा के टंडकै का पय्दे हंदे ही आठ देसो बित्तणों पाछ़ी ही आदमी के जाँणें कराया ज़ाँव।

इफिसियों 2:13

आगे तुँऐं पंण्मिश्वर शे बैजाऐ दुर्के थिऐ, परह् ऐबे तुँऐं मसीया के बल़ीदाँण के जाँणें; प्रभू यीशू गाशी बिश्वाष करियों पंण्मिश्वर के नंजीक आऐ गुऐ।

इफिसियों 2:3

आँमें लोग भे आगे तिनही अपराधियों के साथी-संगाथीं थिऐ; जबे आँमें आप्णी देह्-शरीर की बासना के बष दे थिऐ; अरह् आप्णी मंन की हिछ़या पुरी करह् थिऐ, तअ आँमें भे ओकी ही जैष्णें आप्णें सभाँव के कारण पंण्मिश्वर की सजा ज़ूगै थिऐ।

इफिसियों 4:17

ईदेखे हाँव ऐजो बुलू, अरह् प्रभू दी ढाल-अरज करू; के जैष्णें गऐर यहूदी लोग आप्णें मंन की बै-कार रिती गाशी चालो, तुँऐं हेबी शुबे हजो ऐष्णें ने चालो।

इफिसियों 4:22

के तुँऐं पाछले चाल-चल्ण के पुराँणी इंनसाँनिय्त खे जू भर्मांणों वाल़ी हिछ़या के मुँताबिक भ्रष्ट हंदी ज़ाँव; तियों बद्ल़ी दियों।

इफिसियों 5:6

कुँऐं तुँओं खे बै-कार बातो शा धोखा ने दियों, किन्दें खे के ईनही काँम-काज़ के जाँणें; पंण्मिश्वर की सजा का कुरूध अज्ञाँ ना माँनणों वाल़े गाशी भड़को।

इफिसियों 5:8

किन्देंखे के तुँऐं तअ आगे ईनाँरे दे थिऐं, परह् ऐबे प्रभू के त्तेज-प्रकाश दे असो; तअ: त्तेज-प्रकाश की अलाद के संमाँन चालो;

इफिसियों 6:12

किन्देंखे के अमाँरा ऐजा मल़-ज़ूध, आदमी आरी ने; परह् हाकमों शा, अरह् अधिकारियों शा, अरह् ईयों संईसारी की अंधेर कर्णो वाल़े, अरह् अस्माँनों की दुष्ट-आत्त्माँओं आरी असो;

कुलुस्सियों 1:21

तुँऐं लोग आप्णें कू-कर्मो के जाँणें पंण्मिश्वर शे दुर्के हऐ गुऐ थिऐ, अरह् तिनके खिलाफी थिऐ;

2 तीमुथियुस 4:10

किन्देंखे के भाई-देमास ऐ तअ ईयों संईसारी प्यारी जाँणियों मुँह छुड़ी दिता, अरह् थिस्सलुनीकियों नंगर खे हुटी गुवा, अरह् भाऐ-क्रेसकेंस गलातियों नंगर के ढंबै हुटा, अरह् संत्त-तीतुस दलमतिया ईलाके खे हुटा।

याकूब 1:27

परंम-पिता पंणमिश्वर के साम्णें साची अरह् शुद्ध भगत्ति सेजी ही असो, जू अनाँथों अरह् बिधवा के सु:ख-दु:ख दे मंदत करह्, अरह् आपु दा किऐ संईसारिक कल़ंक ने लागणों दियों।

याकूब 1:7

ऐष्णा आदमी ईयों ने जाँणें, के मुँह प्रभू कैई शो किऐ भेंट्दो ऐ।

याकूब 4:4

ओ कू-कर्मी बिगड़े अंदे लोगो, कियों तुँऐं जाँण्दें ने, के संईसारी शी मित्रता कर्णी, पंणमिश्वर आरी बईर कर्णो असो? अरह् जुण्जा कुँऐं संईसारी का मित्र-दोस्त्त बंण्णा चाँव; से आपु आप्खे पंमिश्वर का बऐरी बाँणों।

1 पतरस 1:14

अज्ञाँ कारी नहाँन्ड़िया जेष्णें तेसी बख्तो की बुरी हिछ़्या के मुताबिक आपु तेसी ढाल़ो दे ने ढल़ै, जेष्णें तुँऐं आगे थिऐ, जबे तुँऐं अजाँण्दे थिऐं।

1 पतरस 4:3

किन्देंखे के अ-बिश्वाषी लोगो की जैई काँम-काज़ ने करे, अरह् चलाकी, की बुरी हिछा, मतवाल़ापंण, बुरो हस्णों-खेल्णों, पिय्कड़पंण, अरह् शंगाँव्णी मुर्त्तियों पूजा दा जेथै तोड़ी आँमें आगे बख्त गुवाऐ थुवा, सेजा भे बैजाऐ असो।

2 पतरस 2:14

तिनकी आ:खी दे चोरी-जारी ही बसी अंदी हों, से चंचल मंन वाल़े लोग ही बकाँव, से लाल़्च कर्णो के आदी हऐ रूऐ, से पाप कर्णो शे रूकी ने सक्दे, अरह् से फींट्कारे-श्राप के अलाद असो।

1 यूहन्ना 3:10

पंण्मिश्वर की अलाद अरह् शैतान की अलाद के पछ़याण ईन्दें लई हों; के कुँऐं भे आदमी, जैस्का जीवन धार्मिक ने आथी, अरह् से आप्णें भाई-बंईणीं आरी पियार ने करदा सेजा आदमी पंण्मिश्वर का जंण ने आथी।

1 यूहन्ना 3:8

पाप कर्णो वाल़ा आदमी शैतान का असो, किन्देंखे के शैतान शुरू शा ही ऊबा पाप करदा रंह्; परह् पंण्मिश्वर का बैटा ईन्देंखे पर्गट हुवा, के शैतान की बादी काँम-काज़ का नाष करी दियों।

1 यूहन्ना 4:4

हे प्यारे नहाँन्ड़िया, तुँऐं पंण्मिश्वर के असो, झूठे ऋषी तुँऐं हराऐ पाऐ; किन्देंखे के जुण्जा तुओं दा बास करह्, से तैच़्छ़ा बड़ा असो; जुण्जा संईसारी दा असो।

1 यूहन्ना 5:19

आँमें जाणो ऐ, के आँमें पंण्मिश्वर के असो; अरह् बादी संईसारी तैसी शैतान के बष दी असो।

1 यूहन्ना 5:4

जुण्जा पंण्मिश्वर शा पय्दा हऐ रूवा, से संईसारी गाशी जीत्त पाँव; ऐजी जीत्त जुण्जी संईसारी गेशी जीत्ती रंऐ, से ऐजी असो: मतल्व अमाँरा बिश्वाष ही जीत्त असो।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 13:14

तिनू चींन-नसाँणी के जाँणें, जिनू तेथू बुणेंरों के जिऐ देखाणों का हंक-अधिकार थिया सेजा तेथ्खे दिया गुवा, से धर्ती दे रंहणों वाल़े भरमाँव थिया, अरह् धर्ती दे रंहणों वाल़े खे बुलो थिया, के जेसी बुणेंरो दी तरवारो की लागी रंऐ थी, सेजो ऊबो जीऊँदो हऐ रूवो, तेथ्की मुर्ती बाँणों।

प्रकाशितवाक्य 13:8

धर्ती के सेजे बादे रंहणों वाल़े, तैथू बूणेर के पुजा करह्, जिनके नाँव माँरे अंदे छ़ैल़्टे के जीवन की कताबे दे संईसारी की उत्पत्ति के बख्तो शे ऊँबे लिखे अंदे ने आथी।

प्रकाशितवाक्य 16:17

सात्तवें स्वर्गदूत्तें आप्णा बैलुवा बागुरी दा पेरी दिता, अरह् देऊँठी के सिंगाँस्ण शा ऐजा बड़ा गूँह्ज हुआ, “पुरो हुवो!”

प्रकाशितवाक्य 20:2

तेने तेसी बड़ा पाँखो वाल़ा अजंगर, मतल्व पुराँणा शंगाव, इबलीस, जुण्जा शैतान असो, तेसी थाँम्बड़ियों हजार साल्ह खे बाँनी दिता,