इफिसियों 2:16 - Sirmouri

¹⁶ अरह् शुँल़ी-फ़ाशी गाशी बईरी को नाष कररियों, अरह् दुन्नै डूँग ऐक ही देह्-शरीर दे पंण्मिश्वर आरी मिलाऐ दित्ते; अरह् अमेशा खे तेसी बंईरी को छ़त्तिया नाँष करी दितो।

सिरमौरी नौवाँ नियम

¹⁶ क्रूस पांदी आपणै मौत कै दवारा, मसीहे दो झुंडो कै ऐक कौरे राए, औरौ तिनका मिलाप पौरमेशवर शै कौरवाए राए, ताकि यहूदी लोगौ औरौ बैगानै यहूदी लोगौ कै बीच नफरत मिटै जांव।

इफिसियों 2:16 ပူးပေါင်းရင်းမြစ်များ

रोमियों 5:10

किन्देंखे के बऐरी हणों गाशी भी पंणमिश्वर के बैटे की मऊँती के जाँणें अमाँरा मेल-झोल पंणमिश्वर की गईलो हुआ, तअ तबे मेल-झोल हंणों गाशी, तेसी बैटे के जीवन के जाँणें अमाँरा मुँक्त्ति जरूर हंदे।

रोमियों 6:6

आँमें जाँणोंऐं, के अमाँरा पुराँणा सभाव तिनू आरी शुँल़ी-फ़ाँशी चढ़ाऐ पाँया, जू आँमें पाप के बष दे ने रंह्;

रोमियों 8:3

आदमी सभाव की मंम्जूरी के जाँणें ऋषी-मूसा खे दिता गुवा निय्म जुण्जा कार्य से करीने सकी, सेजा कार्य पंणमिश्वर करा, तिन्ऐं पाप के सजा शे बंचाँणों खे आप्णा बैटा डियाल़ा, जिन्ऐं पापी आदमी के जिऐं, देह्-शरीर धारण करा। ऐशे दाँई पंणमिश्वर आदमी के देह्-शरीर दी पाप खे सजा दिती,

रोमियों 8:7

किन्देंखे के आदमी खे आप्णें पाप वाल़े सुभाव दा मंन लाँणा तअ पंणमिश्वर शो बईर असो, किन्देंखे के ना तअ पंणमिश्वर निय्म के बष दे आथी, अरह् ना ऐष्णों हऐ सक्दो;

1 कुरिन्थियों 10:17

ईन्देंखे के ऐक ही रूटी असो, तबे भे आँमें जू बैजाऐ भहीते असो, ऐक हे देह्-शरीर असो: किन्देंखे के आँमें बादे झुणे ऐकी ही रोटी दे हिस्सेदार असो।

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

इफिसियों 2:15

प्रभू यीशू मसीया ऐ आप्णी मऊँत्ती के जाँणें बादे निय्म के बिधान रद् करी दिते, ईन्दीखे तिन्ऐं यहूदी अरह् गऐर यहूदियों का मेल कराऐयों तिनके बीचों के रंन्ज-खुन्द्क मिटाऐ दिती, अरह् तिनू दुई डूँग पंणमिश्वरो आरी ऐक ज़ुट करी दिते।

इफिसियों 3:6

सेजा गुप्त भेद् ऐजा असो, के खुषख्बरी के जाँणें यहूदियों की गईलो गऐर यहूदी लोग भे पंण्मिश्वर के राज्य के बारीस, अरह् पुरे हंकदार बंणी गुऐ; अरह् से दुन्ने ड़ूंग ऐक ही देह्-शरीर का अंग असो, अरह् प्रभू यीशू मसीया के जाँणें करे गुऐ बाय्दे के साथी बंणें।

इफिसियों 4:4

तुँऐं ऐक ही देह्-शरीर, अरह् ऐक ही पबित्र-आत्त्मा, अरह् ऐक ही भूर्षा जिन्देखे तुँओं बय्दी थुऐ।

कुलुस्सियों 2:14

पंण्मिश्वर ऐ अमाँरे तिनू करजे का लिखा, जुण्जा के अमाँरे बिरूध दा लिखी थुवा थिया; सेजा लिखा तिन्ऐं मसीया की शुँल़ी-फ़ाँषी गाशी कीलियों आगु मिटाऐ दिता।

कुलुस्सियों 3:15

मसीया की शाँण्त्ति तुवाँरें दिल-सासो दो राज करह्, ईयों ही शाँण्त्ति खे; तुँऐं ऐक देह्-शरीर के अंग बणियों बय्दी थुऐ, अरह् तुँऐं सदा धन्यबाद कर्दे रंह्।