इफिसियों 2:14 - Sirmouri

¹⁴ किन्देंखे के मसीया ही शाँण्त्ति असो, अरह् से ही अमाँरा पंण्मिश्वर आरी मेल कराँणों वाल़े असो; अरह् तिन्ऐं ही यहूदियों अरह् गऐर यहूदियों दुन्नै ऐक करे, अरह् जुण्जी दुईं मुँझ़ी भेद्-भाव कराणों वाल़ी जंड़ दुवाल थी, सेजी तिन्ऐं ही ढाल़ी दित्ती, आप्णीं मँऊँत्ती अरह् बल़ी दाँण के जाँणें।

सिरमौरी नौवाँ नियम

¹⁴ जिथुकै मसीहे अमारै बीच शान्तै बाणै राए कै बीतै सौमय दो, ऐजौ ऐशै थियु जैशै ऐक दीवारे यहूदी लोगौ औरौ बैगानै यहूदी लोगौ कै जौई कौरे राए थिए, सै ऐकी दूजै शै नफरत कौरौ थिए। पौरौ ऐबै मसीहे तियौं दीवार कै ढाल़ै राए औरौ दो झुंडो कै ऐक कौरे राए।

इफिसियों 2:14 ပူးပေါင်းရင်းမြစ်များ

लूका 1:79

किन्देंखे के ईनाँरो अरह् मंऊँत्त की छ़या दे बंईठणों वाल़े, गाशी से प्रकाष दियों; अरह् अमाँरी भीखो संही सीधी बाटो दी चलाव।”

लूका 2:14

“अस्माँनों दे पंण्मिश्वर के बड़ियाऐं, अरह् धर्ती गाशी तिनू आदमी गाशी जिन शे से खुशी असो, तिनू शाँण्त्ति भेंटली।”

यूहन्ना 10:16

मेरे ऊँकी भे भैड़ो असो, जुण्जी हेबी तोड़ी ईयों भैंड़शाल़ दी ने रंह्दी; ऐबे मेरे तिनू भैंड़ो भे ऊँडी आँण्णीं, अरह् तबे से भे मेरो चूचकर्णो अरह् बुलाँणों शुँण्दी ऐ; तबे मेरी बादी भैंड़ो को ऐक ही रैऊँड़ बंणी ज़ालो; अरह् ऐक ही तिन का हाँव भैंड़वाल़ा हंदा।

यूहन्ना 11:52

ऐ सिर्फ यहूदी जात्ति खे ने, परह् ईन्देंखे भे के से खिदर-बिदर हंऐ अंदी; पंण्मिश्वर के अलाद कंट्ठी करह्।

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

प्रेरितो कै काम 10:28

तबे: संत्त-पतरस ऐं तिनखे बुलो, “तुँऐं जाँणों ऐं के गऐर यहूदी की संगत्ती कर्णी, के तिनू कागी ज़ाँणों यहूदी निय्म के बिरूध असो; परह् पंण्मिश्वर ऐं मुँखे ऐजो बुली थो, के कोसी भे आदमी खे अ-शुद्ध के पापी ने बुल्दे।

प्रेरितो कै काम 10:36

पंण्मिश्वर ऐं इस्राएलियों खे आप्णा आच्छ़ा शुझ़ा दिता, अरह् यीशू मसीया के जाँणें, जुण्जे सोभी के प्रभू! पंण्मिश्वर असो: तिन कैई ही शाँण्त्ति की खुषख्बरी शुँणाँणों खे दिती।

रोमियों 5:1

तबे: जबे आँमें बिश्वाष शे पंणमिश्वर की नंजरी दे बै-कसूर बंणें, तअ आप्णे प्रभू यीशू मसीया के जाँणें पंणमिश्वर की गईलो मिली-चालियों रंह्,

गलातियौं 3:28

ऐबे कोसी दा किऐं फर्क ने रंई, किन्देंखे के ना तअ कुँऐं यहूदी रूवा, ना यूनानी, ना कुँऐं दास ना कुँऐं अजाद ना कुँऐं नंर अरह् ना कुँऐं नारी, किन्देंखे के तुँऐं बादे यीशू मसीया दे ऐक असो।

इफिसियों 2:15

प्रभू यीशू मसीया ऐ आप्णी मऊँत्ती के जाँणें बादे निय्म के बिधान रद् करी दिते, ईन्दीखे तिन्ऐं यहूदी अरह् गऐर यहूदियों का मेल कराऐयों तिनके बीचों के रंन्ज-खुन्द्क मिटाऐ दिती, अरह् तिनू दुई डूँग पंणमिश्वरो आरी ऐक ज़ुट करी दिते।

इफिसियों 2:17

तिन्ऐं आऐयों तुँऐं लोग जू दुर्के थिऐ, अरह् सेजे लोग जू नंजीक थिऐ, तिनू दुई डूंगों खे शाँन्त्ति की खुषख्बरी शुँणाऐं।

इफिसियों 3:15

जिन्दे लई स्वर्ग अरह् धर्ती गाशी, ऐक नाँम घराने को नाँव थुओ ज़ाँव,

इफिसियों 4:16

मसीया दी ही बादी देह्-शरीर खे तागत भेटो, अरह् देह्-शरीर के बादे अंग जुड़दे ज़ाँव, अरह् ऐक नाँम अंग आप्णा-आप्णा काँम-काज़ ठीक-ठीक करह् जुण्जा तिन्दे का हों; अरह् से आप्णें आप बड़दे ज़ाँव, के से प्यार दे भे बड़्दे ज़ाँव।

कुलुस्सियों 1:20

अरह् शुँल़ी-फ़ाँषी गाशी लह्ऊँ बुवाणों के कारण शाँण्त्ति के मेल-झोल कराऐयों, तिनके ही जाँणें संसारीक हों भाँव स्वर्गिऐ तिन्ऐं आपु ही आरी बादा मेल-मिलाप कराया।

कुलुस्सियों 2:20

किन्देंखे के जबे तुँऐं संईसारिक ज्ञाँन की तरफ़ शे मसीया आरी मँरी गुऐ, तअ ऐबे तुवाँरी जीऊँणों के रीत्त ऐष्णीं कैई असो? जेष्णीं के संईसारी के ईनू निय्मों के बष दी हों।

कुलुस्सियों 3:11

तिदा ना तअ कुऐं यूनानी रंई, अरह् ना यहूदी; ना खतना वाल़े, अरह् ना खतना के बिना, ना जागल़ी, ना स्कूती, ना दास, अरह् ना अजाद: सिर्फ मसीया ही सब-कुछ असो, अरह् सोभी दा बसा अंदा असो।

कुलुस्सियों 3:15

मसीया की शाँण्त्ति तुवाँरें दिल-सासो दो राज करह्, ईयों ही शाँण्त्ति खे; तुँऐं ऐक देह्-शरीर के अंग बणियों बय्दी थुऐ, अरह् तुँऐं सदा धन्यबाद कर्दे रंह्।

इब्रानियों 13:20

जिन्ऐं भैड़ो का सेजा बड़ा भैड़वाल़ा मतल्व अमाँरा प्रभू यीशू मसीया के हमेशा के वाचा को लह्ऊँ के कारण मँरे अंदे मुँझ्शे आँमों ऊबे जीयाल़े तेसी सदा के बाय्दे गाशी मुहर लाऐयों सेजा शाँण्त्ति का दाता पंण्मिश्वर ही असो,

इब्रानियों 7:2

अरह् बाबा-अब्राहम ऐ तैस्खे तिनू बादी चींजो का दषंवाँ-भाग दिता, जू तेने राजाओं कैई शो लड़ाई दो जीती थुओ थियों; याजक-मलिकीसिदक के नाँव का मतल्व (“धार्मिक्त्ता का राजा” अरह् शालेम का राजा, मंतल्व “शाँण्त्ति का राजा” असो)।