इफिसियों 2:1 - Sirmouri

¹ ऐक बख्त थिया, जबे तुऐ लोग अपराध अरह् पापो के जाँणें आत्त्मिक रूप शे मँरे अँदे थिऐं

सिरमौरी नौवाँ नियम

¹ आगै तुऔं कैई पौरमेशवर कै ढौबौशा नौवाँ जीवन नी थी; आपणै बुरै काम औरौ पापौ की बौजैह शै तुऐं मौरेयौंदे लोगौ कै जैशणै थिए।

इफिसियों 2:1 ပူးပေါင်းရင်းမြစ်များ

मत्ती 8:22

प्रभू यीशू ऐ तेस्खे बुलो, “तू मुँह पाछी आ, अरह् मुँड़्दे आप्णें मुँड़्दे दाबणों दे।”

लूका 15:24

किन्देंखे के मेरा ऐजा बैटा मंरी जिया रूवा थिया, ऐ पाऐ रूवा थिया; परह् ऐबे हजो पाछू भेटी गुवा, अरह् से आँनन्द-खुशी मंनाँदे लागें।’

लूका 15:32

परह् ऐबे खुशी मनाँणी पड़ो, किन्देंखे के तेरा काँण्छा भाऐ जू अमाँरी लेख्हे मंरी जिया रूवा थिया; परह् ऐ ऐबे जीऊँदा असो, जू पाँऐ रूवा थिया, से आँमों पाछू भेंटी गुवा।’”

यूहन्ना 10:10

चोर कोसी ओकी काँम शा ने आँदा, से तअ सिर्फ चूरी करदा, हंत्त्या करदा, अरह् नाँष करदा आँव; परह् हाँव ईन्देंखे आऐ रूवा, के तुँओं खे जीवन भेटो; अरह् भर-पुरी का जीवन भेंटो।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 5:21

जेष्णें पंरम-पिता मँरे अँदे ऊबे जीऊँदें करह्, तेष्णे ही बैटा भे जेस्खे जीवन देंणाँ चहाँव तिन खे सदा का अमर-जीवन देऐ दियों।

यूहन्ना 5:25

“हाँव तुँओं खे ऐक खास बात बुलू: के सेजा बख्त्त आँदा लागा, परह् आऐ गुवा; जबे मँरे अँदे लोग पंण्मिश्वर के बैटे की धाव शुँण्ल़े; अरह् जुण्जे सेजी धाव शुँण्ले, तिनखे जीवन भेट्ला।

रोमियों 8:2

किन्देंखे के आत्त्मा के निय्म जुण्जे यीशू मसीया के जाँणें, आँमों खे जीवन दियों; से मुँखे पाप अरह् मंऊँती के बष शी मुँक्त्ति दियों।

1 कुरिन्थियों 15:45

पबित्र-ग्रन्थों दो लिखी भे थो, के “आगला आदमी, मतल्व आदम जीऊँदा जींव बंणा” अरह् आखरी आदम जीवन देणों वाल़ी आत्त्मा बंणी।

2 कुरिन्थियों 5:14

किन्देंखे के मसीया को पियार आँमों मजबूर-बै-बस करी दियों; ईन्देंखे के आँमें ऐजो जाँणों के जबे ऐक सोभी की ताँईऐं मरे, तअ बादे मरी गुऐ।

इफिसियों 4:18

किन्देंखे के तिनकी बुद्धी अकल माड़ी हऐ रंऐ, अरह् तियों बैसम्झी के जाँणें; जू तिनदी असो, अरह् तिनके मंन की कुठूरता के जाँणें; से पंण्मिश्वर के जीवन शे ज़ोई करे अंदें असो,

इफिसियों 5:14

अरह् जुण्जो देखियों पर्गट हों, से आपु भे त्तेज-प्रकाश बंणों, ईदेखे पबित्-ग्रन्थों दो लिखी थुओं: के “हे सुतणों वाल़े, नींज़ो शे ऊबे बिऊँजो, अरह् मँरे अंदे मुझ्शे ऊबे जियों, मसीया का त्तेज-प्रकाश तुँओं गाशी चंम्मकोदा लागा।”

कुलुस्सियों 2:13

पंण्मिश्वर तुँओं भे, जू आप्णे देह्-शरीर के खतना के बिना मँरे अँदे जिऐ थिऐं, तिन्ऐं अमाँरे बादे पाप माँफ़ करियों तुँओं भे मसीया आरी ऊबे जीयाल़ी दिते।

1 तीमुथियुस 5:6

परह् जुण्जी बिध्वा भोग-बिलास दे पढ़ी गऐ, से जीऊँदी हंऐयों भे मँरी गंऐ।

1 यूहन्ना 3:14

आँमें जाँणोऐं, के आँमें मऊँत्ती के बष शे दुर्के हऐयों अमर-जीवन दे पंऊँची रूऐ; किन्देंखे के आँमें आपु मुझी ओका ओकी शो पियार थंह्। परह् जुण्जा कुँऐं ओका ओकी शो पियार ने थंह्दा से हजो भे मऊँत्ती की बष दा असो।

प्रकाशितवाक्य 3:1

“सरदीस नंगर की कलीसिया के दूत्त खे ऐजो लिख: “जेस कैई पंण्मिश्वर की सात्त आत्त्मा अरह् सात्त तारे असो, से ऐजो बुलो के हाँव तेरे काँम-काज़ जाँणू ऐ: ताँव्खे जीऊँदा तअ बुली ऐ, परह् तू असो ऐ मँरा अँदा।