इफिसियों 1:20 - Sirmouri

²⁰ पंण्मिश्वर ऐ मसीया के जाँणें तियों शक्त्ति पर्गट करी, जबे तिन्ऐं मसीया मँरे अँदे मुझ्शे ऊबे जियाल़ियों अरह् स्वर्गो दे आप्णी सुऐं ढबे बईठाल़ी दिते।

सिरमौरी नौवाँ नियम

²⁰ जू तैणै मसीह कै बारै मुंजी कौरे रैई, कै तैसीकै मौरेयौंदे मुंजीदा जियुंदी कौरेयौ स्‍वर्ग कै ठाँव दा आपणै सोऐं ढौबौ बौठालेयो।

इफिसियों 1:20 ပူးပေါင်းရင်းမြစ်များ

मत्ती 26:64

प्रभू यीशू ऐ तेस्खे जबाब दिता, “तुँऐं ऐजो आपु ही बुली लो; तबे बे हाँव तुओं खे बुली देंऊ, के ईन्दें पाछी तुऐं आदमी का बैटा सर्ब-शँक्त्तिमाँन के सोऐं ढबे बईठा अंदा, अरह् अस्माँनों के बाद्ल़ो मुँझी आँदे दे:ख्ले।”

मत्ती 28:18

प्रभू यीशू ऐ तिन कैई आऐयों बुलो, “स्वर्गो अरह् धर्ती का बादा हंक-अधिकार मुँखे दिया गुवा।

मरकुस 14:62

प्रभू यीशू मसीया ऐ बुलो, “होर, हाँव ही असो! तुँऐं आदमी का बैटा सर्वशंक्त्तिमान के सोऐं ढबे बईठा अंदा अरह् असमाँनों शा बाद्ल़ो मुँझी आँदे दे:ख्ले।”

मरकुस 16:19

जबे प्रभू यीशू मसीया ऐ तिनू आरी ऐजी बातो करी पाई, तअ तिनू स्वर्गो दे ऊबे थागे; अरह् तेथै से स्वर्गो दे पंणमिश्वर के सोऐं ढबे बऐठी गुवे।

यूहन्ना 10:18

कुँऐ भे मेरी जीयाँन-प्राण मुँह कैई शी आगु ने करी-द्ड़ी सक्दा, परह् मुँऐ आप्णीं जियाँन-प्राँण आप्णीं ही हिछ़या शे भेंट करी लऐं, अरह् मुँखे हजों आप्णीं जीयाँन-प्राण पाँछ़ू लणों का हंक-अधिकार भे बाबा ऐ आपु ही देऐ थुवा; जुण्जा के मुँह बाबा की ही तरफ़ शा भेटी रूवा।”

यूहन्ना 10:30

‘हाँव अरह् बाबा ऐक जीऊँ असो।’”

प्रेरितो कै काम 10:40

परह् पंण्मिश्वर ऐं तिनू च़ीज़े देसे मंरे अंदे मुँझ्शे ऊबे जीऊँदे करे, अरह् सेजो आँमों कैई शो साक्षात्त देखाव;

प्रेरितो कै काम 26:8

तुँओं लोगो के ईयों बातो शा बिश्वाष कैई ने हंदा; के पंण्मिश्वर मँरे अँदे भे पाछ़ू ऊबे जीऊँदें करी सको?

प्रेरितो कै काम 4:10

तअ: तुँऐं बादे लोग अरह् इस्राएल की बादी जंन्त्ता ऐजो जाँणी पाव, के नासरत गाँव के रंहणों वाल़े यीशू मसीया के नाँव शा ऐजा आदमी च़ाँग्गा हंऐयों तुओं लोगो जेष्णा खह्ड़ा असो; जिन खे तुँऐं शुँल़ी-फ़ाँषी दिती थी, अरह् पंण्मिश्वर ऐ तिनू मँरे अँदे मुँझ्शै पाछ़ू ऊँबै जीऊँदे कंरे।

प्रेरितो कै काम 5:31

तबे पंण्मिश्वर ऐ तिनू ही प्रभू अरह् मुँक्त्ति-दाता का पंद्-भार देऐयों, आप्णें सुँऐं ढबै बंईठाल़ी दित्ते; के से इस्राएलियों खे मंन बद्ल़्णों के शक्त्ति अरह् पापों की माँफी दियों।

रोमियों 1:4

अरह् पबित्र-आत्त्मा के जाँणें से मरे अंदे मुंझ्शा ऊबे जीऊँणों के जाँणें शक्त्ति आरी पंणमिश्वर का बैटा माँना गुवा।

रोमियों 8:34

तबे कुँण असो, जू सजा के अज्ञाँ देला? मसीया ही असो, जू मरी गुऐ, परह् मुँड़्दे मुँझ्शे पाछु ऊबे जीँऐं, अरह् पंणमिश्वर के सुऐं ढबे बंईठी गुऐ, अरह् अमाँरी ताँईऐं पंणमिश्वर शी बिनती-अरजी भे करह्।

इफिसियों 1:3

धन्यबाद हों अमाँरे प्रभू यीशू मसीया के पंण्मिश्वर अरह् बाबा का! जिन्ऐ मसीया के जाँणें आँमों लोगों खे स्वर्गो के साँत्त-भात्ते आत्त्मिक बरदाँन देऐ दित्ते।

फिलिप्पियों 3:10

हाँव ऐजो चहाऊँ, के हाँव मसीया जाँणी पाऊँ, अरह् तियों शक्त्ति का तजरबा करणा चहाऊँ, जिन्दे लई से मँरियों पाछु ऊबे जीऐं; अरह् मऊँदी दा तिनू जेष्णाँ बंणियों तिनके दु:ख भोगणों दा साथी बंण्णा चहाऊँ।

कुलुस्सियों 1:16

किन्देंखे के तेसी के जाँणें बादी चींजो के रंचणाँ हऐ, स्वर्गो की, अरह् धर्ती की, देखी भाँव ना देखी, का सिगाँस्ण, अरह् का हंक-अधीकार, राजा भाँव हाकम सब-कुछ़ तिनकी ही ताँईऐं बंणाँऐं थुओ।

कुलुस्सियों 3:1

तअ: जबे तुँऐं मसीया आरी ऊबे जियाल़ी थुऐं, तअ सवर्गिऐ चींजों की खोज दे रंह्, जेथै मसीया हाजिर असो; अरह् पंण्मिश्वर के सुऐं ढबे बऐठी रंह्।

इब्रानियों 1:3

सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

इब्रानियों 10:12

परह् मसीया यीशू तअ अमाँरे सोभी के पाप खे ऐकी ही बंई आप्णाँ बल़ीदाँण चड़ाऐयों पंण्मिश्वर के सुऐं ढबे ज़ाऐयों बैऐठी गुऐ।

इब्रानियों 13:20

जिन्ऐं भैड़ो का सेजा बड़ा भैड़वाल़ा मतल्व अमाँरा प्रभू यीशू मसीया के हमेशा के वाचा को लह्ऊँ के कारण मँरे अंदे मुँझ्शे आँमों ऊबे जीयाल़े तेसी सदा के बाय्दे गाशी मुहर लाऐयों सेजा शाँण्त्ति का दाता पंण्मिश्वर ही असो,

इब्रानियों 2:9

परह् आँमें प्रभू यीशू जू स्वर्गोदूत्तों शे किऐ दाँणिक बख्त्तो खे ही कंम्म करे गुऐ थिऐ, मऊँती के दु:ख भुगणों के कारण बड़ियाऐं अरह् आदर-ईज्जत्त को मुँकुट-ताज लाव अंदो देखो; जू पंण्मिश्वर की कृपा शे से ऐक नाँम आदमी की ताँईऐ तियों मऊँत्ति का स्वाद भे चाखीं पाँव।

1 पतरस 1:3

अमाँरे प्रभू यीशू मसीया के पंणमिश्वर अरह् परंम-पिता पंणमिश्वर का धन्यबाद हुआ चेंई, जिन्ऐं प्रभू यीशू मसीया मरे अंदे मुझ्शे पाछु ऊबे जियाल़्णों के जाँणे, आप्णी बैशुमाँर बड़ी दया-कृपा शे आँमों खे पाछ़ू ऊबे जीऊँदे भूर्षे खे नुवाँ जन्म दिता,

प्रकाशितवाक्य 1:17

तिनू देखियों हाँव तिनके लात्तो गाशी मँरा अँदा जिया पड़ा; अरह् तिन्ऐं आप्णा सुवाँ हाथ मुँह गाशी थह्ऐयों बुलो: “डरे ने आगला अरह् आखरी हाँव ही असो!”