इफिसियों 1:15 - Sirmouri

¹⁵ प्रभू यीशू गाशी तुवाँरा बिश्वाष अरह् सोभी भगत्तो के बारे दा तुवाँरे प्यार के बारे दो शुँणी थुओ, हाँव तुवाँरे जाँणें पंण्मिश्वर का धन्बाद देदा रंऊँ;

सिरमौरी नौवाँ नियम

¹⁵ पौरमेशवरे जू किछै कौरे राए तिथकी बौजैह शै, हांव बै प्रभु यीशु पांदी तोंवारै बिशवाश औरौ पौरमेशवर कै पवित्र लोगौ कै प्रति तोंवारै प्यार कै बारै मुंजी शोणेयो,

इफिसियों 1:15 ပူးပေါင်းရင်းမြစ်များ

प्रेरितो कै काम 20:21

मुँऐ यहूदियों अरह् यूनानियों के सहाँम्णें साफ-साफ गुवाऐ-शाज़्त्त दिती, के पस्तावा करियों आप्णें पाप शा मंन बद्ल़ो; अरह् पंण्मिश्वर के ढबै आप्णा मंन फिराव, अरह् अमाँरे प्रभू यीशू दा बिश्वाष करह्।

रोमियों 1:8

सोभी शा आगे हाँव तुँओं सोभी खे यीशू मसीया के जाँणें आप्णे पंणमिश्वर का धन्यबाद करू, किन्देंखे के तुवाँरे बिश्वाष के चर्चा बादी संईसारी दी हऐ रंऐ।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

इफिसियों 1:1

इफिसुस नंगर के भगत्तों अरह् यीशू मसीया दे साच्चै बिश्वाषियों के नाँम संत्त-पौलुस के पत्री, जेसी पंण्मिश्वर की हिछ़्या शा प्रभू यीशू मसीया का खास-चैला बंणाँया गुवा:

इफिसियों 3:18

सोभी पबित्र लोगो की गईलो भली-भाँत्ती सम्झणों के शँक्त्ति पाव, के तिन्देकी लंम्बाऐ अरह् चौड़ाऐ का असो, अरह् से कैत्रों ऊगलो अरह् कैत्रो निगूओं असो,

1 थिस्सलुनीकियों 1:3

अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

1 थिस्सलुनीकियों 4:9

परह् भाई के प्यारो के बारे दो ऐजो जरूरी ने आथी, के हाँव तुँओं खे किये लिखू, किन्देंखे के आपु मुँझी प्यार थंणों, आँमें आपु ही पंण्मिश्वर कैई शो शिखी थो;

2 थिस्सलुनीकियों 1:3

हे भाऐ-बंईणों, तुवाँरे बारे दा आँमों हर बख्ते पंण्मिश्वर का धन्यबाद करणा पड़ो, अरह् ऐजो ठीक असो, ईन्देंखे के तुवाँरा बिश्वाष बैजाऐ बढ़दा ज़ाँव, अरह् तुँओं सोभी को प्यार आपु मुझी बैजाऐ बढ़दो लागो।

1 तीमुथियुस 1:14

अरह् अमाँरे प्रभू के बैजाऐ बड़ी कृपा, बिश्वाष अरह् प्यार आरी जू मसीया यीशू दा असो, से बैजाऐ भहिती हऐ।

1 तीमुथियुस 1:5

अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

फिलेमोन 1:5

किन्देंखे के हाँव तेरा प्रभू यीशू गाशी बिश्वाष अरह् सोभी प्रभू के लोगो आरी पियार के बारे दी बातो के चर्चा शुणू,

इब्रानियों 6:10

किन्देंखे के पंण्मिश्वर अनियाँऐ कर्णो वाल़े ने आथी, के तुँवारी काँम-काज़, अरह् सेजो प्यार बिसरी ज़ाव, जुण्जो तुँऐं तिनके नाँव शो ऐशो ढंग शो देखाव, के पबित्र लोगो की सेवा करी, अरह् हजो भे सेवा करी लऐ।

1 पतरस 1:22

तअ: जबे तुँऐं भाईचारे दो नींषकप्ट पियार के मुताबिक सच्चाई के माँन्णों शा आप्णे मंन के आत्त्मा तियार करी थऐ, तअ तंन-मंन लाऐयों ओका ओकी शो बैजाऐ पियार करह्।

1 यूहन्ना 3:17

जे कोसी कैई संईसारी की जजाऐत हंदे भे आप्णें बिश्वाषी भाई-बंईणी की जरूरत के अंण दे:खी करह्; तअ कियों दाँई ऐजो बुलो ज़ाँदों के ऐस्दो पंण्मिश्वर को पियार असो?

1 यूहन्ना 4:21

ऐजी अज्ञाँ आँमों तिन्ही कैई शी भेटी रंऐ, के जुण्जे पंण्मिश्वर आरी पियार करह्, से आप्णें बिश्वाषी भाई-बंईणों आरी भे पियार करह्।