इफिसियों 1:11 - Sirmouri

¹¹ तिनही दे तिनके पलान के मुँताबिक, जुण्जे आप्णी हिछ़्या के मुँताबिक संब-कुछ़ चलाँव, आँमों आगे ही तिन्ऐं चूणीं-छ़ाँटियों बाबा की जजाऐत्ती दे हंकदार बाँणें।

सिरमौरी नौवाँ नियम

¹¹ पौरमेशवरे आमु यहूदी लोगौ कै मसीह कै साथै ऐक हौणौ की बौजैह शै आपणै लोग बाणणौ कारिए चोणे राए जिथुकै शुरु शै ही तैसकै ऐजै योजना थै। औरौ सै ऐजौ सौबै ठुँ आपणी इछा कै हिसाब शै कौरौ।

इफिसियों 1:11 ပူးပေါင်းရင်းမြစ်များ

प्रेरितो कै काम 13:48

ऐजो शुँणियों गऐर-यहूदी लोग आनन्दित्त-खुशी हुऐ, अरह् प्रभू के बचन की बड़ियाऐं कर्दें लागे; अरह् जैतोड़े लोग अमर-जीवन जीऊँणों खे बंणाँऐ गुऐ थिऐ, तिन्ऐं बिश्वाष करा।

प्रेरितो कै काम 2:23

से पण्मिश्वर की पाक्के पलान अरह् पुरे ज्ञाँन के मुँताबिक थंहम्बड़ाऐ गुऐ, अरह् तुओं लोगो ऐं, पापी गऐर-यहूदियों के हाथै तिनू शुँल़ी-फ़ाँषी गाशी चड़ाऐ अरह् मँराऐ दित्ते।

प्रेरितो कै काम 20:27

किन्देंखे के मुँऐ पंण्मिश्वर की बादी हिछ़्या तुओं कैई पुरे ढंग शी बुल्णों के झ़ीझ्क ने करी।

प्रेरितो कै काम 20:32

ऐबे हाँव, तुँओं लोग पंण्मिश्वर के कृपा अरह् बचन की देह्ख-रेह्ख दे देऐ देऊँ; किन्देंखे के तिन्ऐं तुवाँरी बड़ोत्री कर्णो खे; अरह् तुवाँरी गईलो पबित्र-आत्त्मा के सहाजी हंणों खे, मीरास पाँणों खे थंऐ थुऐ।

प्रेरितो कै काम 26:18

हाँव तिनकी आखी खोल्णों खे, तिनू ईनाँरे शे ज्योत्ति की ढंबै फ़ेर्णो खे; मतल्व शैतान की शक्त्ति शे दुर्के करियों; पंण्मिश्वर की ढबै कर्णो खे, ताँव तिन कैई डेयाल़ूबा; जिन्दें लंई से मुँदा बिश्वाष कर्णो के कारण आप्णें पापों की माफी पाँव, अरह् पबित्र करे अंदे भगत्तों आरी से भे मीरास पाँव।’

प्रेरितो कै काम 4:28

किन्देंखे के जुण्जो किऐ आगे ही तेरी शक्त्ति अरह् हिछा के मुँताबिक थियों तेष्णों ही करह्।

रोमियों 11:34

“प्रभू की बुद्धी कुँणें जाँणी? के तिनका मंत्री कुँण असो?

रोमियों 8:17

अरह् जे अलाद असो, तअ आँमें पंणमिश्वरो के बारिस भे असो, अरह् मसीया की गईलो सग्गै वारिस असो, के जे आँमें तिनू आरी दु:ख भुगबे तअ तिनकी गईलो आँमों बड़ियाऐ भे जरूर भेट्दी।

रोमियों 8:28

आँमें जाँणोंऐं के जू लोग पंणमिश्वर शो पियार करह्, तिनखे बादी बातो मीलियों भलाऐ पय्दा करह्; मतल्व तिनही खे जू तिनकी हिछ़या के मुँताबिक शे बय्दी थुऐ।

रोमियों 8:29

किन्देंखे के पंणमिश्वर ऐजा बीचार करा, के जिनू तिन्ऐं आगे ही आप्णें जाँणा, सेजे तिनके बैटे के सरूप दें बंणाँऐं ज़ाँदे; जिन्दें लई तिनका बैटा सोभी भाईयों मुँझी जैठा बंणों।

रोमियों 8:30

तबे जिनू आगे ही बंणाऐं थुऐ, तिनू बय्दी भे थुऐ; अरह् जिनू बय्दी थुऐ, तिनू आप्णी नंजरी दे बेकसूर भे बंणाऐं, अरह् जिनू आप्णी नंजरी दे बै-कसूर बंणाऐं तिनखे बड़ियाऐं भे दिती।

रोमियों 9:11

बालक पय्दा भे हई ने रंई थी, अरह् तिन्के किऐं भे भले-बुरे कर्णो शो आगे, रिबेका खे ऐजो बुलो गुओं; के “जैठा बैटा, काँण्छ़ै बैटे के बष दा रंह्दा।” ऐष्णों ईन्देंखे हुओं, के पंणमिश्वर का फय्सला बंणा अंदा रंह्, अरह् पंणमिश्वर का फय्सला आदमी के काम कर्मों दा ने, परह् तिन्के चूणें-छ़ाटे अंदें के हिसाब शा तिन्ही गाशी दारमदार असो।

गलातियौं 3:18

किन्देंखे के जे हंक-अधिकार मूसा खे भेटे गुऐ अज्ञा-निय्म गाशी टिका अंदा हंदा, तअ तबे से बाय्दा गाशी ने टिक्दी थी, परह् पंण्मिश्वर ऐ हंक-अधिकार बाय्दे के जाँणें ऐई मुँझी अब्राहम खे दिता थिया।

इफिसियों 1:14

से तिनके मोलै लुऐ अंदे छ़ुट्कारे खे अमाँरी जजाऐती का ऐक बियाना असो; के तिनकी बंड़ीयाई के संतुत्ति हों।

इफिसियों 1:18

हाँव प्रार्थना करू, के आप्णें मंन की आखें के त्तेज-प्रकाष शो तुऐं जाँणी पाँव, के तिनका बुलावे के कारण, तुँओं लोगों का भूर्षा कैत्रा बंडा असो; अरह् तिनू पबित्र लोगो के जजाऐत्त की बंड़ियाई को धंन कैष्णों असो।

इफिसियों 1:5

तिन्ऐं प्यार के जाँणें आप्णी आच्छ़ी हिछ़या के मुँताबिक शुरू दो ही ढाणी थुओं थियों, के आँमों यीशू मसीया के जाँणें तिनके गोद लुऐ बैटे बंण्दे;

इफिसियों 1:8

सेजी कृपा तिन्ऐं आँमों गाशी बैजाऐ करी, अरह् तिन्ऐ बुद्धीमाँनी अरह् संह्म्झ़दारी आँमों खे दिती।

इफिसियों 1:9

किन्देंखे के तिन्ऐं आप्णी हिछ़या का भेद् तेसी भले हिछ़या के जाँणें आँमों कैई बुला, जेसी से मसीया के जाँणें आँमों कैई शा देखाणा चहाँव थिऐ।

इफिसियों 3:11

पंण्मिश्वर ज़ूगौ-ज़ूगौ शा जू मतल्व आप्णें मंन दा जुण्जा पलान करी थुवा थिया, तिन्ऐ सेजा मतल्व अमाँरे प्रभू यीशू मसीया के जाँणें पुरा करा।

कुलुस्सियों 1:12

अरह् परंम-पिता पंण्मिश्वर का धन्यबाद कर्दे रह्, तिन्ऐ आँमों ईन्देंखे ज़ुगे बाँणी थुऐ, के चंम्क-तेज दे पबित्र लोगो की गईलो हंकदार के साथी बंणों।

कुलुस्सियों 3:24

किन्देंखे के तुँऐं जाँणो ऐ, के प्रभू ईनाँमों के रूप दा तुँओं खे हंक-अधिकार देंदा, किन्देंखे के तुँऐं प्रभू मसीया के दास-सेवक असो।

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

तीतुस 3:7

जिन्दे लई आँमें तिनकी कृपा शे पंण्मिश्वर की नंजरी दे बै-कसूर बंणियों, अमर हणों के जीवन के हंकदार बंणों।

इब्रानियों 6:17

ईन्देंखे पंण्मिश्वर तिनू बाय्दे करे अंदें हंकदार खे साफ कर्णो चहाँव थिऐ, के मुँऐं देणों का जुण्जा बाय्दा करी थुवा; से कद्दी भी बद्ल़ी ने सक्दा; ईन्देकी ताँईऐं तिन्ऐं आपु-आप्णी षौह्-कंस्म करी।

याकूब 2:5

हे मेरे प्यारे भाऐ बंईणों शुणों। कियों पंणमिश्वरे ईयों संईसारी के गरीब कंगाल छाँटी ने थई, के बिश्वाष दे सैठ-सहऊँकार अरह् तेसी राज्य के हंक-अधिकारी बण्ल़े, जिन्देका बाय्दा पंणमिश्वर तिनू आरी करा जुण्जे लोग तेछ़ौ पियार करह्?

1 पतरस 1:4

तुँऐं स्वर्गो दा सुवाँ करियों थुवाँ अंदा, सदा-सदा का हंक-अधिकार पाव, जू अ-भिनाँशी, निर्मल, अरह् अटल़, हों सेजा ही तुँओं भेटो;

1 पतरस 3:9

बुराई के बद्ल़े बुराई ने करे, अरह् ना गाल़ी के बद्ल़े गाल़ी दिऐ; परह् गाल़ी के बद्ल़े आशिर्बाद दिऐ, किन्देंखे के तुँऐं आशिर्बाद के हंकदार हंणों खे बय्दी थुऐ।