कुलुस्सियों 4:8 - Sirmouri

⁸ तेसी मुँऐ ईन्देंखे तुँओं कैई डेयाल़ा के तुँओं कैई अमाँरा बादा हाल-चाल का पता लागो, अरह् से तुवाँरे सासो दी शैल़ाऐ पाड़ो।

सिरमौरी नौवाँ नियम

⁸ तैसी मोऐं इथकारिए तोंवारै धोरे छाड़ै राए कै तुऔं पौता चालै जांव कै अमारै साथै का हौंदौ लागै रौ, औरौ सै तुऔं बिशवाश दै मजबूत कौरौ।

कुलुस्सियों 4:8 ပူးပေါင်းရင်းမြစ်များ

1 कुरिन्थियों 4:17

ईन्देंखे मुँऐं तीमुथियुस जू प्रभू दा मेरा प्यारा अरह् बिश्वाषों ज़ूगा बैटा असो, तेसी मुँऐं तुँओं कैई डियाल़ी थुवा। से तुँओं कैई शी मसीया दे मेरी चाल-ढाल चिते कराँदा, जैष्णी के हाँव ढीको हर जागे दी बादी कलीसिया खे शिक्क्षा देऊँ।

2 कुरिन्थियों 1:4

से अमाँरे ऐक नाँम दु:ख-कल़ैष दी शाँण्त्ति दियों; जू आँमें तियों शाँण्त्ति के जाँणें जू पंण्मिश्वर आँमों खे दियों, तिनू ओकी खे शाँण्त्ति देऐ सको; जू साँत्त-भाँत्ते दु:ख-कल़ैष दे पड़े अंदे असो।

2 कुरिन्थियों 12:18

मुँऐं तीतुस समझाऐयों तैस्की गईलो ऐक ओका भे भाऐ डियाल़ा, तअ कियो तीतुस ऐ छ़ल़ करियों तुँओं कैई शो किऐ लुओ? कियों आँमें ऐकी ही आत्त्मा के चलाऐ चाले ने? कियों ऐकी ही खअ-बाटो दे चालो ने?

2 कुरिन्थियों 2:7

ईन्दें शो भलों ऐजो असो, के तैस्के अपराध माफ करह्, अरह् शाँन्ति दियों, ना की ऐष्णा आदमी बैजाऐ ऊदासी दा डूब्बी ज़ाँव।

इफिसियों 6:22

तेसी मुँऐं तुँओं कैई ईदेखे डेयाल़ी थुवा, के तुँऐं अमाँरे हाल-चाल जाँणों, अरह् से तुवाँरे मंन खे शान्त्ति दियों।

फिलिप्पियों 2:28

ईन्देंखे के मुँऐ तेसी डेयाल़्णों के बैगेही कोशिष करी, के तुँऐं तेसी आरी भेंटियों खुशी हऐ ज़ाँव, अरह् मेरा फ़िकर भे कंम हला।

कुलुस्सियों 2:2

जू तिनके मँन खे होंसला भेटो, अरह् से ओका ओकी के प्यारो दा बंदी ज़ाँव; अरह् बिश्वाष का सेजा बादा धंन जुण्जा साच्चै ज्ञाँन शा भेटो, सेजा धंन तिनू भेटो, मतल्व पंण्मिश्वर की भेद् का साच्चा ज्ञाँन हों; जुण्जा आपु मसीया असो।

1 थिस्सलुनीकियों 2:11

तुँऐं जाँणो ऐ के बाबा केष्णाँ आप्णे नहाँन्ड़िया की गईलो बरताव करह्, तेष्णा ही आँमें भे तुँओं मुँझ्षा, ऐकी नाँम खे शिक्क्षा दियों, अरह् शाँण्ति देंदे सम्झाँव थिऐ

1 थिस्सलुनीकियों 3:2

अरह् आँमें तीमुथियुस, जू मसीया की खुषख्बरी दा अमाँरा भाऐ अरह् पंण्मिश्वर का दास असो; तेसी ईन्देंखे डेयाल़ा के से तुँओं पाक्के करह्, अरह् तुवाँरे बिश्वाष के बारे दे तुँओं सम्झाँव।

1 थिस्सलुनीकियों 3:5

ईन्देंखे के जबे मेरे ठहरी ने, तअ तुवाँरे बिश्वाष के बारे दो जाँण्णों की ताँईऐ तीमुथियुस डेयाल़ा, के कद्दी ऐशो ने हईयों के पर्ख्णों वाल़े ऐ तुँवारी परख करी हली, अरह् अमाँरी मेंह्न्त बै-कार हऐ गऐ हली।

1 थिस्सलुनीकियों 4:18

ऐशा ही दाँई ईनू बातो लंई ओका ओकी खे होंस्ला देऐया करह्।

1 थिस्सलुनीकियों 5:11

ईन्देंखे ओकी खे होंस्ला दियों, अरह् ओकी की बड़ोत्री का कारण बंणों; जेष्णों के तुँऐं करी भे लुओ।

1 थिस्सलुनीकियों 5:14

हे भाऐ-बंईणों, आँमें तुँओं सम्झाओं के जू ठीक चाल ने चाल्दे तिनू सम्झाव; अरह् डराड़ो खे दीड़-हिम्मत दियों, कंमजोर संभाल़ो, सोभी आरी संय्नशिल्त्ता देखाव।

2 थिस्सलुनीकियों 2:17

तुवाँरे सासो दी शाँण्ति दियों, अरह् तुँओं ऐक नाँम आच्छ़े काँम-काज़ अरह् बचन दे पाक्कै करह्।