कुलुस्सियों 4:1 - Sirmouri

¹ हे माँलिकों, आप्णे-आप्णे दास की गईलो नियाँव अरह् ठीक-ठीक बर्ताव करह्; ऐजो सम्झियों के स्वर्ग दा तुँवाँरा भी ऐक माँलिक असो।

सिरमौरी नौवाँ नियम

¹ ओए रै मालिको, आपणै-आपणै दासो कै साथै न्याय औरौ ऐक जैशणा बर्ताव कौरौ, ऐजौ सौमझेयौ कै स्वर्ग दा बै तोंवारा ऐक मालिक औसौ।

कुलुस्सियों 4:1 ပူးပေါင်းရင်းမြစ်များ

मत्ती 20:4

अरह् तेने तिनखे बुलो, “तुँऐं भे मेरी ‘दाख्ह्-अंगूरोह् की खेच़ौ दे काँम-काज़ कर्दे ज़ाव, अरह् जुण्जी किऐ धियाड़ी ठीक हली सेजी हाँव देऊँबा।’ तअ: से भे आगू हुटे।

लूका 19:15

“जबे सेजा सैठ आदमी राजपद् पाऐयों पाछ़ू आप्णें नंगर दा आया, तअ तेने सेजे दास बंईदे जिन खे तेने बंईपार कर्णों खे धंन देऐ थुओं थियों; अरह् तिनू दास कैई शो ऐजो पुछो के तुँऐ तैसी धनं लऐयों हजो कै-तोड़ो धनं कमाँऐ थुओ।

याकूब 2:13

जुण्जा कुँऐं दया-रंय्म ने करदा, तेस्का नियाँव कर्दे बख्ते पंणमिश्वर भे तेसी गेशी किऐ दया-रंय्म ने कर्दी, किन्देंखे के दया-रंय्म नियाँव शी जींत्ती ज़ाव:

याकूब 5:4

दे:खो, तुवाँरें खेच़ौ दे जिनू धियाढ़ूवाऐं काँम-काज़ करी थऐ, तुँऐं तिनकी धियाड़ी धुखे देऐयों तिन्खे देऐ ने थई, परह् तिन्की सेजी मेंह्नत लेल्याऐ-लेल्याऐयों, तिन्दें के गुवाऐ-शाज़त देऐ लऐ, के जीनू धियाड़ूवाऐं, तुवाँरे खेच़ौ के शाख सलाऐ थी, तिन्की सेजी लेर-पुकार सर्वशक्त्तिमाँन प्रभू के काँनों दी पढ़ी रंऐ।

प्रकाशितवाक्य 17:14

से छैल़्टे आरी लड़्दे, परह् छैल़्टा तिन शा जींत्ती ज़ाँदा, किन्देंखे के से प्रभूओं का प्रभू, अरह् राजाओं का राजा असो, अरह् जू बईदे अंदे, अरह् चूणें-छाँटे अंदे अरह् बिश्वाषी असो, से तेस्की गईलो असो; से भे राज्य पाँदें।”

प्रकाशितवाक्य 19:16

तेस्के खोट्णों अरह् बाँगणी गाशी ऐजो नाव लिखी थो: “राजाओं का राजा अरह् प्रभूओं का प्रभू।”