कुलुस्सियों 3:8 - Sirmouri

⁸ परह् ऐबे तुँऐं भे ईनू बादी बातो मतल्व कुरूध, बईर भाव, नीदिया, अरह् ज़ात्ती लई गाल़ी देणी, ऐजी बादी बातो छुड़ी दियों।

सिरमौरी नौवाँ नियम

⁸ पौरौ ऐबै तुऔं बै इनु सौबै कामौ कै यानी गुस्सा, रुशणौ, बैरभाव, नेंदैया औरौ गाल़ी दैणी बन्द कौरे दैणी चैंई।

कुलुस्सियों 3:8 ပူးပေါင်းရင်းမြစ်များ

मत्ती 5:22

परह् हाँव तुँओं खे ऐजो बुलू, के जू कुँऐं आप्णें भाई गाशी कुरूध करला, से दाल्ती दा सजा ज़ुगा हला। अरह् जुण्जा कुँऐ आप्णें भाई खे निकारा बुल्ला, से बड़ी खुम्ल़ी दा सजा ज़ुगा हला, अरह् जुण्जा कुँऐं बुलो, के ‘ओ मुरूख’, से नंगरक की आगी की सजा ज़ुगा हला।

मरकुस 7:22

लोभ, लाल़्च, दुष्टता, छल़-कप्ट, लूची, बुरी नंजर, नीदया-चुगली, घमन्ड अरह् मुरूख्ता ही निकल़ो।

रोमियों 13:13

जेष्णों देसो खे आछो लागो, तेष्णी ही आँमें साची चाल-चालो, ना के लिला-क्रिढ़ा अरह् ना पियाक्ड़पण दे, ना चोरी-जारी, अरह् ना लुच-पंण दे, अरह् ना झगड़े, डाह् दे।

1 कुरिन्थियों 3:3

किन्देंखे के तुँऐं ऐभी तोड़ी भे बै-बिश्वाषी असो। हेबी भी तुँओं मुँझी डाह, झगड़े असो, तअ कियों तुँऐं हेभी तोड़ी भे आप्णा पाप मंऐं बिचार दे आथी ने? अरह् कियों तुँऐं हेभी भी आदमी के अज्ञाँ-निय्म दे चाल्दे ने?

2 कुरिन्थियों 12:20

किन्देंखे के मुँह डरह् असो, कद्दी ऐशो ने हईयों के हाँव आऐयों जेष्णों चहाँऊ, तेष्णें तुँओं ने दे:खू; अरह् मुँह भी जेष्णाँ तुँऐं ने चहाँदें तेष्णा ही दे:खो; अरह् तुँओं मुंझी झगड़ा, डाह, कोरूध, बिरोध, रीष, चुगली, घमन्ड, अरह् बखैड़ा हों;

गलातियौं 5:15

परह् जे तुँऐं ओका ओकी दे झ़ाटी दियों, अरह् धूणियों ऊपाड़ियों खाँव, तअ च़ौक्क्ष रूऐ, के ओका ओकी को ऊगाल़ी ने दियों।

गलातियौं 5:20

मुर्त्तियों की पूजा, गणाँदी, बईर, झगड़ा, रीष, झोक, बिरोध, फूट, पाप,

गलातियौं 5:26

आँमें घमंन्डी हऐयों ओका ओकी ने छेड़ो, अरह् ना ओका ओकी शी जल़्ण-डाह् करह्।

इफिसियों 4:22

के तुँऐं पाछले चाल-चल्ण के पुराँणी इंनसाँनिय्त खे जू भर्मांणों वाल़ी हिछ़या के मुँताबिक भ्रष्ट हंदी ज़ाँव; तियों बद्ल़ी दियों।

इफिसियों 4:25

ईदेखे झूठो बुल्णों छुड़ियों ऐक नाँम आप्णें पड़ोसी आरी साच्चो बुलो, किन्देंखे के आँमें आपु मुझी ओका ओकी का अँग असो।

इफिसियों 4:26

कुरूध तअ करह्, परह् पाप ने करे, देस ऊछाँणों तोड़ी तुवाँरा कुरूध भे रूआ ने चेंई;

इफिसियों 4:29

किऐ गाँदी बात तुँवाँरे मुँहों शी ने निकल़ो, परह् जरूरत के मुँताबिक सेजी ही बात तुवाँरे मुँहों शी ओकी की भलाई के ताँईऐं तिनकी आत्त्मिक बड़ोत्री खे नीकल़ो, जू तिन्दे शुँण्णों वाल़े गाशी कृपा हों।

इफिसियों 5:4

अरह् ना बैशर्मी ना मुँरूख्ता की बात-चीत्त की, ना ठाठै के; किन्देंखे के ऐजी बादी बातो आछ़ी ने लागदी, बलकी तुँऐं लोग पंण्मिश्वर का धन्यबाद ही देईया करह्।

कुलुस्सियों 3:5

ईन्देंखे आप्णे सेजे अंग माँरी दियो, जू धर्ती के असो, जेष्णाँ मतल्व चुरी-जारी गंन्दगी, बुरी हिछ़या, अरह् लोभ-लाल़्च जू मुर्ती पूजा के बराबर असो।

कुलुस्सियों 3:9

ओका ओकी शो झूठो ने बुले, किन्देंखे के तुँऐं पुराँणी इंनसाँनिय्त अरह् तिन्दे के काँम-काज़ छुड़ी थुऐ।

1 तीमुथियुस 1:13

हाँव तअ आगे पंण्मिश्वर की नीदया कर्णो वाल़ा, सताणों वाला, अरह् अ-नियाँई कर्णो वाल़ा थिया; तबे भे तिन्ऐ मुँह गाशी दया-रंय्म करी, किन्देंखे के अ-बिश्वाष की दशा दा बिना सुच्चै-संमझे हाँव ऐजी काँम करू थिया।

1 तीमुथियुस 1:20

तिनू ही मुँझ शा भाऐ-हुमिनीयुस अरह् भाऐ-सिकन्दर असो, जिनू मुँऐ शैतान खे देऐ थुऐ, के से पंण्मिश्वर की नीदया कर्णी ने शिखो।

इब्रानियों 12:1

ईन्देंखे जबे अमाँरे चोंऊँ ढंबै गुवाह्-शाज़्त्त का ऐक बोड़ो बाद्ल़ जियों छ़ाँऐ रूओं; तअ आँमें भे रूकाव्ट देंणों वाल़ी चींज अरह् ऊल़्झ़ाँणों वाले पाप दूर करियों, सेजी दोऊँड़ जिन्दें अमाँरे दोऊँड़्णो ऐ तिन्दे आँमें धिरज शे दोऊँड़ो।

याकूब 2:7

कियों सेजे ही तेसी नाँव की निदया कर्दे ने, जेसी नाँव शे तुँओं जाँणिऐं?

1 पतरस 2:1

ईन्देंखे बादी साँत्त-भाँत्ती बुराई अरह् बईर भाव, छल़-कप्ट, जल़्ण-डाह्, अरह् नीदया-चुगली आपु शी दुर्की करह्,

2 पतरस 2:18

से बै-कार के तारीफ की बातो करी-करियों चप्लूसी की काँम-काज़ के जाँणें, तिनू लोग देह्-शरीर की हिछ़या दे फशाँऐं दियों, जू भट्के अंदे मुझ्शे हेभी नीकल़ी ही ने रंई।

2 पतरस 2:7

किन्देंखे के धर्मी लूत खे जू पापियों की चाल-चल्ण शा बैजाऐ दु:खी रंह् थिया, तैस्खे छ़ूट्कारा दिता।

यहूदा 1:13

ऐ संमुन्द्रो के प्रचंन्ड फालो जैष्णी हों, जू आप्णी लाजो-शर्मी की शैफो बंणाऐयों छुड़ो: ऐ हिल्दे-झुल्दे तारे मंडल़ असो, जिन खे सदा-सदा तोड़ी घोर-घुप्प ईनाँरो पाक्को अट्ल़ असो।

यहूदा 1:8

तबे भे ऐजे सूईणें दे:ख्णों वाल़े, आप्णी-आप्णी देह्-शरीर अ-शुद्ध करह्, अरह् हंक-अधिकार बैकार छुटा जाँणों, अरह् बड़े पद् वाल़े लोगो खे बुरो-भलो बुलो।

प्रकाशितवाक्य 16:9

ईन्देंखे आदमी तियों बैजाऐ गर्मी शे ऊबल़ियों जल़ी गुऐ, अरह् से पंण्मिश्वर के नाँव शी तिनू बादी बिब्त्ती-ओब्ल़ी गाशी हंक-अधिकार असो, से श्राप देदें लागे, से पसतावा करियों पंण्मिश्वर की बड़ियाऐ कर्णो खे भाजी गुवे।