कुलुस्सियों 3:4 - Sirmouri

⁴ जबे मसीया जू अमाँरा जीवन असो से पर्गट हंदा; तबे तुँऐं भे तिनकी गईलो बड़ियाऐ आरी पर्गट करे ज़ाँदे।

सिरमौरी नौवाँ नियम

⁴ मसीह जू तुऔं नोऐं जिन्दगी दैंव, जोबै सै इयौं धोरती पांदी औटेयौ पाछु आन्दा, तोबै तुऐं बै तैसकै साथै आन्दै औरौ तैसकै महिमा दै शामिल हौए जांदै।

कुलुस्सियों 3:4 ပူးပေါင်းရင်းမြစ်များ

मत्ती 13:43

तेसी बख्त्ते धर्मी लोग आप्णें पिता के राज्य दे सुरूज जिऐ चम्कोले; जिनके शुण्णों खे काँन हों से शुणी पाँव।”

लूका 17:30

अरह् तैसी देसे भे ऐष्णों ही हंदो; जैसी देसे आदमी का बैटा पर्गट हला।

यूहन्ना 11:25

प्रभू यीशू ऐ बुलो, “दुज़ाल़िऐं ऊबो जीऊँणों अरह् जीवन ‘हाँव’ ही असो; जुण्जा कुँऐं मुँह गाशी बिश्वाष करला, सेजा मँर्णो गाशी भे जीऊँदी रंह्दा।

यूहन्ना 14:3

तेथै ज़ाऐयों हाँव तुओं खे जागा तियार करियों, हजो पाछ़ू आँऊबा; अरह् तुओं भे आप्णी गंईलो तेथै नींह्ऊँबा जेथै हाँव असो, अरह् तबे तुऐं भे मेरी गंईलो तैथी ही रंह्ले।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 17:24

हे बाबा! मेरी हिछ़्या ऐजी असो, के ऐजे लोग भे जिनू तुऐं मुँह कैई देऐ थुऐ; ऐ भे मेरी गंईलो, तेथी रंह्; जेथै हाँव असो, के ऐ मेरी सेजी बड़ियाऐ देखी सको; जुण्जी तुऐं मुँखे देऐ थंऐ थी, किन्देंखे के ईयों संईसारी की रंचणाँ कर्णो शो आगे भे तुऐं मुँह आरी प्यार करह् थिऐ।

यूहन्ना 20:31

परह् ईन्दें का बखाँण ईन्देंखे दिया गुवा, जिन्दें लंई तुऐं बिश्वाष करह्; के यीशू ही पंण्मिश्वर का बैटा मसीया असो; अरह् आप्णें ऐसी ही बिश्वाष के कारण तिनके नाँव शा अमर-जीवन पाँव।

प्रेरितो कै काम 3:15

तुँऐं जीवन देंणों वाल़े माँरी दित्ते; परह् पंण्मिश्वर ऐं तिनू मँरे अँदे मुँझ्शे पाछ़ू ऊँबे जीयाल़े; जिन्दें के आँमें भे गुवाह्-शाज़्त्त असो।

रोमियों 8:18

किन्देंखे के मेरे जाँणियों के ऐसी बख्तो की अमाँरी परेशानी अरह् कल़ेष तियों बड़ियाऐं के साम्णें किऐं ने आथी, जुण्जी के आँमों गाशी पर्गट हणों वाल़ी असो।

रोमियों 8:19

किन्देंखे के बादी संईसारिऐं बेजाऐ भूर्षे की नंजर शी पंणमिश्वर की अलाद पर्गट हंणों की बाट जुई लई।

1 कुरिन्थियों 1:7

अरह् जाँव तोड़ी तुऐं अमाँरे प्रभू यीशू मसीया के पर्गट हणों के बाट जुह्दें रंह्, ताँव-तोड़ी तुवाँरें कस्सी भी आत्त्मिक बर्दांन की कमी ने हों।

1 कुरिन्थियों 15:43

तियों बिना आदर दी बऐ ज़ाँव, अरह् त्तेज-प्रकाषो आरी ऊभी जींयों; अरह् कंम्जूरी आरी बऐ ज़ाँव अरह् से शक्त्ति आरी ऊबे जींयों।

2 कुरिन्थियों 4:17

किन्देखे के अमाँरा ऐगड़ी का दाँणिंक जिया कल़ेष आँमों खे बैजाऐ प्रभू यीशू के अरह् हमेशा की बड़ियाऐं पय्दा करदा ज़ाँव जिन्दें बरा-बरी ने करी ज़ादी;

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

फिलिप्पियों 3:21

से आप्णी शक्त्ति के तेसी असर के मुँताबिक शे जिन्दे के जाँणें, से बादी चींजो आप्णी बंष दी करी सको; अमाँरी नाँष बाँन देह्-शरीर का रूप बद्ल़ियों, आप्णी बड़ियाऐ की देह्-शरीर के जैष्णें बंणाऐं देंदे।

1 थिस्सलुनीकियों 4:17

तबे आँमें जू जीऊँदे अरह् बंचे अंदे असो, आँमों भे तिनकी गईलो बाद्ल़ो मुझी ऊबे टिप्दे, के बाद्ल़ो दे प्रभू कैई शे भेंटिऊँबे; अरह् तेषे दाँई आँमें प्रभू आरी संदा रह्ऊबे।

1 तीमुथियुस 6:14

के तुऐ अमाँरे प्रभू यीशू मसीया के पर्गट् हणों तोड़ी, ईयों अज्ञाँ दी किऐ कंम्मी ने आणों दिऐ, अरह् ईदा नीरर्दोष बंणियों चाला अंदा रंह्।

2 तीमुथियुस 1:1

पौलुस के ढबे शे जू, मसीया यीशू दा तेसी जीवन के बाय्दे के मुँताबिक, पंण्मिश्वर की हिछ़या के कारण प्रभू यीशू मसीया का खास-चैला असो,

2 तीमुथियुस 4:8

आँणों वाल़े बख्तो दो मुँखे तअ धार्मिक्त्ता को मुँकुट थऐ थो, जैथु प्रभू ऐ, जू धर्मी अरह् नियाँव कर्णो वाल़ा असो, से मुँखे तेसी देसे देंदे, अरह् मुँखे ही ने, परह् तिनू सोभिखे भे जुण्जे तिनकों पर्गट हंणों प्यारो जाँणों।

तीतुस 2:13

अरह् तेसी धन्यबाद के भुर्षें दे मतल्व आप्णे बड़े पंण्मिश्वर अरह् छुट्कारे देणों वाल़े प्रभू यीशू मसीया कि बड़ियाऐं के पर्गट हंणों की ताक दे रंह्।

इब्रानियों 9:28

तेष्णा ही मसीया भे भहीते के पापो थागणों खे ऐकी बई बल़ीदाँण हुऐ, अरह् जुण्जे लोग तिनकी बाट-बाट जुहों, तिनके पाप के छ़ुट्कारे खे, हजो से दुज़ाल़िऐ बिना पाप के थागी देखाई पड़्दे।

1 पतरस 1:13

ईन्देंखे आप्णी-आप्णी बुद्धी-सम्झ शे च़क्क्ष रूवे, आप्णें आपै दे रूवे, तियों कृपा गाशी पाक्का भूर्षा थुऐ, जू प्रभू यीशू मसीया के पर्गट हंणों गाशी तुँओं खे दिया ज़ादा।

1 पतरस 5:4

जबे सेजा बड़ा जगवाल़ा पर्गट हला, तअ तुँओं खे बड़ियाऐं को मुँकुट-ताज दियो ज़ालो; जू कोद्दी भे मुँल़शाँन्दो ने।

1 यूहन्ना 2:28

हे प्यारे नहाँन्ड़िया, तिन्दी पाक्के बंणें अंदे अट्ल़ रूऐ, के जबे प्रभू पर्गट हों, तअ आँमें निडर हुऐ चेंई, अरह् तिनके आँव्णों गाशी आँमें शर्मिन्दें ने हुऐ चेंई।

1 यूहन्ना 3:2

हे प्यारों, ऐबे आँमें पंण्मिश्वर की अलाद असो, अरह् हेबी तोड़ी ऐजो पर्गट ने हऐ रई, के आँमें आँणों वाल़े बख्तो दे का हंदे! परह् आँमें ऐजो जाँणों ऐ, के जबे से पर्गट हले, तअ आँमें भे तिनके जिऐं हंदे, किन्देंखे के तिनू आँमें तैष्णें ही दे:ख्दे जैष्णें से असो ऐ।

1 यूहन्ना 5:12

जैस्दा पंण्मिश्वर के बैटे का बास असो, तैस कैई अमर-जीवन असो; अरह् जैस्दा पंण्मिश्वर के बैटे का बास ने आथी, तैस कैई अमर-जीवन भी ने आथी।

यहूदा 1:24

ऐबे: जुण्जा तुँओं ठूकर लागणों अरह् रिड़णों शे बंचाऐ सको, अरह् आप्णी बड़ियाई के साम्णें खुशी-आँनन्द मंनाऐयों तुवों नीरदोष बंणाँणों ज़ूगा हों,

प्रकाशितवाक्य 2:7

जिनके काँन हों से शुँणी पाव, के पबित्र-आत्त्मा कलीसियों खे का बुलो। के जुण्जा जींत्ती ज़ाँव, हाँव तैस्खे तेसी जीवन के बड़े डाल़-पेड़ मुँझ्शो जू पंण्मिश्वर के स्वर्गो दा असो, तिन्दें के फल़ खाणों देऊँबा।”

प्रकाशितवाक्य 22:1

तबे ईन्दें पाछ़ी तेने स्वर्गदूत्तें मुँह कैई शी जीवन के जल की नंदी देखाऐ, जुण्जी बिल्लौर के जेष्णी छ़लक्दी, साफ सीसै हार्षी की जेऐ थी, जुण्जी पंण्मिश्वर अरह् छ़ैल़्टे के सिगाँस्ण शी बंह्दें नींक्ल़ों थी।

प्रकाशितवाक्य 22:14

“भागोईंत्त असो! सेजे जिन्ऐं आप्णें चाल-चल्ण के खोट्णों जिऐ धूई पाँऐ; किन्देंखे के से जीवन के डाल़ो के हंकदार, अरह् से कुवाड़ो बाटी सुऐं करियों तेसी नंगर दे हाजीर हंदें।