कुलुस्सियों 3:25 - Sirmouri

²⁵ किन्देंखे के जू बुरो करह्, से बुराई का फल़ पादा, तेथै कोसी का पक्क्षपात्त ने हंदी।

सिरमौरी नौवाँ नियम

²⁵ जिथुकै जू कुणिए बुराई कौरदा रौंव, पौरमेशवर तैसी सौजा दैंदा। पौरमेशवर कोसी का भैदभाव ना कौरौ।

कुलुस्सियों 3:25 ပူးပေါင်းရင်းမြစ်များ

मत्ती 16:27

आदमी का बैटा आप्णे पिता की बड़ियाऐ दे आप्णें स्वर्गदूत्त की गईलो आला, तबे से ऐक नाँम आदमी खे तिनके काँम-काज के मुताबिक प्रतिफल़ देले।”

लूका 20:21

तिनू शड़यन्त्र रंचणों वाल़े लोगे ऐं, प्रभू यीशू शो पुछो; “हे गुरू जी! आँमें जाँणों ऐं, के तुँऐं साच्ची बुलो, अरह् सेजे ही शिक्क्षा भे दियों; किन्देंखे के तुँऐ मुँओं दे:खियों ने बुल्दे, परह् संच्चाई शी पंण्मिश्वर के बाटो के शिक्क्षा दियों।

प्रेरितो कै काम 10:34

तबे संत्त-पतरस ऐं बुल्णों शुरू करो, “ऐबे हाँव बिलकुल संहम्झीं गुवा; के पंण्मिश्वर कोसी आरी भी पक्षपात्त-अपणोंट ने करदा।

रोमियों 2:11

किन्देंखे के पंणमिश्वर कोसी आरी भेद्-भाव ने करदा।

2 कुरिन्थियों 5:10

किन्देंखे के जरूरी असो, के आँमों सोभी का हाल मसीया के नियाँव के सिगास्णों के साम्णें खुली ज़ाँदा, के ऐक नाँम आदमी आप्णी-आप्णी भली बुरी काँम-काज़ का बद्ल़ा, जू तिन्ऐं देह्-शरीर के जाँणें करी थुवा, तिन्दें का लेखा दियों।

इफिसियों 6:8

किन्देंखे के तुँऐं जाँणोंऐं के जू कुँऐं जेष्णाँ आछा काँम-काज़ करला, भाव से दास हों, भाँव अजाद हों; से प्रभू शा तेष्णा ही तिन्दें का फल़ पाँदा।

इफिसियों 6:9

हे माँलिको, तुँऐं भे घूर्की देणी छुड़ी दियों; अरह् आप्णें दास आरी आच्छ़ा बर्ताव करह्; किन्देंखे के तुँऐं जाँणों ऐं, के तिनका अरह् तुँवारा दुई का ऐक ही माँलिक असो; जुण्जा के स्वर्गो दा असो, अरह् से कोसी का किऐ भे पक्ष-पात ने करदा।

कुलुस्सियों 4:1

हे माँलिकों, आप्णे-आप्णे दास की गईलो नियाँव अरह् ठीक-ठीक बर्ताव करह्; ऐजो सम्झियों के स्वर्ग दा तुँवाँरा भी ऐक माँलिक असो।

1 थिस्सलुनीकियों 4:6

के ईयों बातो दे कुँऐं आप्णे बिश्वाषी भाऐ-बंऐणीं ने ठगे, अरह् ना तिनखे किऐ चाल-चाले, किन्देंखे के प्रभू ईनू सोभी पापो का बद्ल़ा लोंणों वाल़ा असो; जेष्णों के आँमें तुँओं कैई शो आगे ही चिताऐं थुओ थियो।

2 थिस्सलुनीकियों 1:6

किन्देंखे के पंण्मिश्वर के नंजीक ऐजा नियाँव असो, के जू तुँओं खे कल़ेष दियों, तिनखे बद्ल़े का कल़ेश दिया ज़ाँदा।

फिलेमोन 1:18

जे ऐने तेरा किऐ नुकसाँन करी थुवा, के तेरो किऐ ऐस कैई असो ऐ, तअ मेरी नाव दो ऊबो लिखे।

इब्रानियों 2:2

पंण्मिश्वर आप्णे स्वर्गोदूत्तो के जाँणें, इस्राएली लोगो खे आप्णी अज्ञाँ दिती, सेजी बादी अज्ञाँऐं बैजाऐ दब-दबे वाल़ी थी, परह् इस्राएली लोगे तिनकी सेजी अज्ञाँ ने माँनी, ईन्देंखे पंण्मिश्वर ऐ तिनखे ठीक संजा दिती;

1 पतरस 1:17

अरह् जे तुवाँरे ऐक नाँम लोगो के कर्मों के मुताबिक बिना अप्णोंट के नियाँव कर्णो वाल़े पंणमिश्वर खे तुँऐं हे पिता करियों पुकारो, तअ ईयों धर्ती गाशी रंहणों के बख्त भऐ-डर शा आप्णा जीवन बिताव।

यहूदा 1:16

से सेजे लोग असो, जुण्जे तुड़-खुड़ा दें रंह्, अरह् सदा गलती निंकाल़्दें रंह्, अरह् से आप्णी हिछ़्या शे कू-कर्णी के लूभी-लाल़्चि, अरह् घमंन्डी अरह् आप्णें फाय्दे खे चाप-लुसी कर्णों वाल़े हों।