कुलुस्सियों 3:22 - Sirmouri

²² हे दासो, संईसारी दा जू तुवाँरा माँलिक असो, बादी बातो दी तिनकी अज्ञाँ माँनणो का पालण करह्; तुँऐं सिर्फ आदमी के खुश कर्णो के देखावे खे ने; परह् मंन के कऊँट्ल़ों बिना प्रभू गाशी ध्याँन थऐयों ऐष्णों करह्।

सिरमौरी नौवाँ नियम

²² ओए रै गुलामो जू इयौं दुनिया पांदी तोंवारै मालिक औसौ, सौबी बातौ दै तिनकै आज्ञा का पालन कौरौ आदमी कै खुश कौरणौवाल़ौ कै जैशणै दिखाणौ कारिए नी पौरौ मन कै सौचाई औरौ पौरमेशवर कै डौर शै कौरौ।

कुलुस्सियों 3:22 ပူးပေါင်းရင်းမြစ်များ

मत्ती 6:22

“देह्-शरीर का दिवा आँ:ख असो: ईन्देंखे जे तेरी आँ:ख साफ हों, तअ तेरा बादा देह्-शरीर भे ओज्ल़ा हंदा।

मत्ती 8:9

किन्देखे के हाँव भे कोसी अधिकारी थाई काम करू, अरह् मुँह थाँई भी ऊके सपाऐ असो, अरह् जबे हाँव ऐकी खे बुलू, ‘ज़ा!’ तअ से ज़ाँव ऐ; अरह् जबे ओकी खे बुलू, ‘आ!’ तअ से ऊडा आँव; अरह् जुण्जों हाँव आप्णें दास खे बुलू, से सेजो ही करह्!”

लूका 6:46

“जबे तुँऐं मेरा कऐणाँ ने माँन्दे। तअ मुँखे ‘हे प्रभू, हे प्रभू’ किन्दें खे बुलो?

लूका 7:8

हाँव आपु भे कोसी ओकी के अधीन असो, अरह् कंऐयों सपाऐ भे मेरे अधीन असो; अरह् जबे हाँव आप्णे ऐकी सपाई खे बुलू के ‘ज़ा’ तअ से आगु ज़ाँव; अरह् जे कोसी ओकी खे बुलू, के ऊडा ‘आ’, से ऊडा आँव; अरह् जे कोसी आप्णें दास द खे बुलू के ऐष्णों करह्, तअ से भे तैष्णों ही करह्, जैष्णों हाँव चहाँऊ।”

प्रेरितो कै काम 2:46

सेजे बादे बिश्वाषी लोग रोज ऐक मंन हऐयों देऊँठी दे कट्ठै हों थिऐ, अरह् घरह्-घरह् प्रभू भोज की रोटी खाँव थिऐ; अरह् से खुशी-आँनन्द मंनाँव थिऐ; अरह् नींष-कपट् मंन शो से बादे झोणें साथी भोजन करह् थिऐ।

2 कुरिन्थियों 7:1

तअ: हे प्यारे, जबे के आँमों ऐजा बाय्दा भेटी रूवा, तअ आओ, आँमें आपु-आप्णी देह्-शरीर आत्त्मा की बादी गंन्दगी शे शुद्ध करह्, अरह् पंण्मिश्वर का डर थईयों पबित्रता साच्ची बाँणों।

गलातियौं 1:10

कियों ईन्दें लई तुवाँरे ऐशो जाँणियों, के हाँव आदमी की सहाऐता चहाँऊ? के ऐजो, के मुँह पंण्मिश्वर के सहाऐता भेटी चेंई? के हाँव आदमी खुशी कर्णें चहाऊँ? परह् जे हाँव आदमी खुशी करदा तअ हाँव मसीया के दास जेष्णाँ ने हंदा।

कुलुस्सियों 3:20

हे नहाँन्ड़िया, बादी बातो दे आप्णे माँ-बाबा की अज्ञाँ माँने, किन्देंखे के प्रभू ईन्दें शे ही खुशी हों।

1 थिस्सलुनीकियों 2:4

जैष्णें पंण्मिश्वर ऐ आँमों ईन्दें ज़ुगे जाँणियों आँमों कैई ऐजी खुषख्बरी दित्ती, अरह् आँमें तेष्णा ही बखाँण भे करा, आँमें लोगो खुशी कर्णो की कोशिष ने कर्दे, परह् आँमें तअ तेसी पंण्मिश्वर खुशी करह्, जू अमाँरे मंन का भैद् जाँणियों पर्खोऐ।

फिलेमोन 1:16

परह् ऐ हेबी शुबा बैटू-दास जिया ने, परह् दास शा भे आछा, मतल्व भाऐ के जैष्णाँ रंह्, मेरे तअ ऐसी बैगेही प्यारा असो, परह् ऐबे ईन्साँनियत के रूप अरह् प्रभू दा बिश्वाषी हंणों के नाँत्ते भे ऐ तेरा प्रभू यीशू के पियारा हुआ चेंई।