कुलुस्सियों 3:15 - Sirmouri

¹⁵ मसीया की शाँण्त्ति तुवाँरें दिल-सासो दो राज करह्, ईयों ही शाँण्त्ति खे; तुँऐं ऐक देह्-शरीर के अंग बणियों बय्दी थुऐ, अरह् तुँऐं सदा धन्यबाद कर्दे रंह्।

सिरमौरी नौवाँ नियम

¹⁵ औरौ सैजै शान्तै जू मसीह दैंव तियौं आपणै दिल दै राज कौरणौ दैव जिथुकै तुऐं सौबै ऐकैई शोरीर कै अंग औसौ। इथकारिए तुऔं ऐकी दुजैआरी शान्तै शै रौणौ कारिए बौएदै राए। औरौ सौदा पौरमेशवर का धन्यवाद कौरदै रौव।

कुलुस्सियों 3:15 ပူးပေါင်းရင်းမြစ်များ

यूहन्ना 14:27

तुओं खे हाँव शाँण्त्ति देऐ देंऊँ, मंतल्व आप्णी शाँण्त्ति हाँव तुओं खे छूड़ी देऊँ; तेष्णीं ने जेष्णी संईसारी दियों, तुऐं आप्णें मंन ब्याकुल अरह् डरोह् दे ने रंहणों दिऐ।

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

रोमियों 1:21

ईन्देकी ताँईऐं के पंणमिश्वर जाँण्णों गाशी भे तिन्ऐ पंणमिश्वर ज़ुगी बड़ियाऐं अरह् धन्यबाद ने करी, परह् बेकार के बिचार कर्दें लागे, ऐथै तोड़ी के तिनका बे-अकला मंन बुराई शा भरी गुवा।

रोमियों 14:17

किन्देंखे के पंणमिश्वर को राज खाँणों-पिणों ने, परह् नियाँव, अरह् मेल-मिलाप, अरह् सेजा आँनन्द-खुशी असो, जू पबित्र-आत्त्मा शा हों।

रोमियों 15:13

पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

रोमियों 5:1

तबे: जबे आँमें बिश्वाष शे पंणमिश्वर की नंजरी दे बै-कसूर बंणें, तअ आप्णे प्रभू यीशू मसीया के जाँणें पंणमिश्वर की गईलो मिली-चालियों रंह्,

1 कुरिन्थियों 10:17

ईन्देंखे के ऐक ही रूटी असो, तबे भे आँमें जू बैजाऐ भहीते असो, ऐक हे देह्-शरीर असो: किन्देंखे के आँमें बादे झुणे ऐकी ही रोटी दे हिस्सेदार असो।

1 कुरिन्थियों 7:15

परह् जे कुँऐं बै-बिश्वाषी घरवाल़ा आप्णी बिश्वाषी घरवाल़ी शा ज़ई रहणों चाँव; के कुँऐं बै-बिश्वाषी घरवाल़ी आप्णे बिश्वाषी घरवाले शो ज़ई रहणों चाव तअ रहणों दियो; किन्देंखे के ईनू हालत दे कुँऐं भे बिश्वाषी भाऐ के बिश्वाषी बईण कोसी बंन्द्णों ने आथी, किन्देखे के पंणमिश्वरे घरवाल़ा अरह् घरवाल़ी मिली-झुलियों रहणों खे बंणाँऐं थुऐ।

2 कुरिन्थियों 4:15

किन्देंखे के बादी चींजो तुँओं खे असो, जू कृपा भहिते के जाँणें बैजाऐ हऐयों पंण्मिश्वर की बड़ियाऐ खे धन्यबाद भी बढ़ाव।

2 कुरिन्थियों 9:11

ऐशे दाँई तुँऐं हर प्रकार के धंन शे भरपुर हऐयों दिल-खुलियों देंणों ज़ुगे हले; अरह् तुवाँरे दिते दाँण, जू अमारे जाँणें बाँडियों पंण्मिश्वर खे धन्यबाद का कारण बंण्ला;

इफिसियों 4:16

मसीया दी ही बादी देह्-शरीर खे तागत भेटो, अरह् देह्-शरीर के बादे अंग जुड़दे ज़ाँव, अरह् ऐक नाँम अंग आप्णा-आप्णा काँम-काज़ ठीक-ठीक करह् जुण्जा तिन्दे का हों; अरह् से आप्णें आप बड़दे ज़ाँव, के से प्यार दे भे बड़्दे ज़ाँव।

इफिसियों 4:4

तुँऐं ऐक ही देह्-शरीर, अरह् ऐक ही पबित्र-आत्त्मा, अरह् ऐक ही भूर्षा जिन्देखे तुँओं बय्दी थुऐ।

इफिसियों 5:1

हे, प्यारे नहाँन्ड़िया तुँऐं पंण्मिश्वर के अलाद असो, ईन्देंखे तिनके जिऐ बंणों;

इफिसियों 5:20

अरह् सदा बादी बातो खे अमाँरे प्रभू यीशू मसीया के नाँव शे पंण्मिश्वर का धन्यबाद कर्दे रंह्।

कुलुस्सियों 1:12

अरह् परंम-पिता पंण्मिश्वर का धन्यबाद कर्दे रह्, तिन्ऐ आँमों ईन्देंखे ज़ुगे बाँणी थुऐ, के चंम्क-तेज दे पबित्र लोगो की गईलो हंकदार के साथी बंणों।

कुलुस्सियों 2:7

अरह् तिनही दे तुऐं जुड़े अंदे, अरह् मसीया दे बड़्दे, अरह् आप्णें बिश्वाष दे पाक्कै हंऐ ज़ाव; ठीक तेष्णें ही जेष्णीं तुओं खे शिक्क्षा देऐ थंऐ, अरह् तुऐं धन्यबाद की हिछ़या दे जादा शे जादा बंड़्दे ज़ाँव।

कुलुस्सियों 3:17

तुँऐं भाँव किऐ बुलो, भाँव किऐ करह्, सब-कुछ प्रभू यीशू के नाँव शो करिया करह्, तुँऐं तिन्ही के जाँणें पिता पंण्मिश्वर खे धन्यबाद देंदे रंह्।

1 थिस्सलुनीकियों 5:18

बादी बातो दा प्रभू का धन्यबाद करह्; किन्देंखे के तुँओं खे प्रभू यीशू मसीया दी पंण्मिश्वर की ऐजी ही हिछ़या असो।

1 तीमुथियुस 2:1

ईन्देखे सोभी शी आगे मेरी ऐजी ढाल-अरज असो, के सोभिखे बिन्त्ती, प्रार्थनाऐं, अरह् अर्जी, अरह् धन्यबाद ऐक नाँम आदमी की ताँईऐ करा ज़ाँव।

1 तीमुथियुस 6:12

बिश्वाष की आच्छ़ी कुष्ती लड़, अरह् सेजा अमर-जीवन पा, जिन्देकी ताँईऐं ताँव खास-करियों बय्दी थुवा; अरह् तुऐं भहिते गुवाह्-शाज़्त्त के सहाँणें कबूल करियों माँनी भे पाव थियों।

इब्रानियों 13:15

तअ: आओ आँमें प्रभू यीशू के कारण पंण्मिश्वर खे सतुत्ति रूपी बल़ीदाँण मतल्व तिनके नाँव की बड़ियाऐं करणों वाल़े ओठों का फल़ हमेशा चड़ाँदे रंह्।

प्रकाशितवाक्य 7:12

“आमीन! अमाँरें पंण्मिश्वर के स्तुति अरह् बड़ियाऐं अरह् ज्ञाँन अरह् धन्यबाद अरह् आदर अरह् पराकर्म अरह् शक्त्ति ज़ूगौ-ज़ूगौ तोड़ी बंणी रंह्। आमीन!”