कुलुस्सियों 3:13 - Sirmouri

¹³ अरह् जे कोसी के कोसी गाशी दोष-ईल़्जाँम लाणों का, मतल्व हों; तअ ओका ओकी की ऊँडी सुवें, अरह् ओका ओकी के कसूर माँफ करह्; जैष्णें प्रभू ऐ तुवाँरे पाप माँफ करे, तेष्णें ही तुँऐं भे करह्।

सिरमौरी नौवाँ नियम

¹³ औरौ जै कोसी आदमी कै कोसी पांदी दोष दैणौ कै बौजैह हौंव तौ ऐकी दूजै कै सैहन कौरौ औरौ ऐकी दूजै कै पाप माफ कौरौ, जैशै प्रभुए तोंवारै पाप माफ कौरे राए, तैशैखैई तुऐं बै कौरौ।

कुलुस्सियों 3:13 ပူးပေါင်းရင်းမြစ်များ

मत्ती 5:44

परह् हाँव तुँओं खे बुलू, के आप्णें बऐरी शो पियार थुऐं, अरह् आप्णे सताँणें वाल़े खे प्रार्थना करह्,

मत्ती 6:12

जेष्णों आँमें आप्णे गुन्हाँगार खे माँफ़ करी थो, तेष्णेंं ही तुँऐं भे अमाँरे, गुन्हाँ माँफ करह्।

मरकुस 11:25

अरह् जबे तुँऐं खड़े हऐयों प्रार्थना कर्लें तअ जे तुवाँरें सासो दा कसी खे किऐ गीला-शिकंवा हों तअ तेस्खे माफ करह्: ईन्देंखे के तुवाँरा पिता जू स्वर्गो दा असो, से भे तुँवारी गलती पाप माफ करला।”

लूका 11:4

अमाँरे पाप माँफ करह्, किन्देंखे के आँमें भे आप्णे अपराधी खे माँफ करह्, अरह् आँमों परख-अजमाँऐष दे ने पाऐ।”

लूका 23:34

(प्रभू यीशू ऐ बुलो, “हे परंम-पिता! ईन खे माँफ करे, किन्देंखे के ऐ ने जाँण्दें के ईन्ऐं का करी लो।”) अरह् तिन्ऐं “पार्ची पाऐयों प्रभू यीशू के खोट्णों आपु मुँझी बाँडी पाऐ।”

रोमियों 15:7

ईन्देंखे जेष्णी मसीया ऐ पंणमिश्वर के बड़ियाऐ खे तुँओं माँनी थुऐ, तेष्णें ही तुँऐं भे ओका ओकी माँनिया करह्।

2 कुरिन्थियों 2:10

जैस्खे तुँऐं कोसी भे बातो दो किऐ माँफ करह्, तैस्खे हाँव भे माँफ करू, किन्देंखे के मुँऐ भे जू कुछ माँफ करो, जे करी थो तअ तुवाँरें जाँणें मसीया हाजीर जाँणियों माँफ करो

2 कुरिन्थियों 6:6

पबित्रता दे, ज्ञाँन दे, सबेर दे, कृपा दे, पबित्र-आत्त्मा दे,

गलातियौं 6:2

तुँऐं ओका ओकी का बोझ थागो, अरह् ऐशो दाँई मसीया का निय्म पुरा करह्।

इफिसियों 4:2

मतल्व पुरी गरबाई आरी, अरह् नंरमाँऐं आरी, सबैर थईयों प्यार शे ओका ओकी की ऊदी सुऐ;

इफिसियों 4:32

ओका ओकी खे दया-रंय्म कर्णो वाल़े हों, अरह् जैष्णें पंण्मिश्वर ऐ मसीया दे तुवाँरे कसूर माँफ करे, तेष्णें ही तुँऐं भे ओका ओकी के कसूर माँफ करह्।

इफिसियों 5:2

प्यार की बाटो दे चालो, जेष्णों मसीया ऐ तुँओं आरी प्यार कोरो, अरह् आच्छ़ी खुष्बू बणियों आपु अमाँरी ताँईऐं पंण्मिश्वर के साम्णिऐं भेंट बंणियों बल़ीदाँण करी दियों।

कुलुस्सियों 3:12

ईन्देंखे पंण्मिश्वर के चूणें-छाँटे अंदें जैष्णें जू पबित्र अरह् प्यारे असो, बड़ी कृपा, भलाऐ, अरह् गरबाई-नींम्ताई, अरह् सय्नशिलता धारणा करह्।

याकूब 2:13

जुण्जा कुँऐं दया-रंय्म ने करदा, तेस्का नियाँव कर्दे बख्ते पंणमिश्वर भे तेसी गेशी किऐ दया-रंय्म ने कर्दी, किन्देंखे के दया-रंय्म नियाँव शी जींत्ती ज़ाव:

1 पतरस 2:21

अरह् तुँओं ईन्देखे बय्दी थुऐं, किन्देंखे के मसीया भे तुँवारी ताँईऐं दु:ख भूगियों तुँओं खेे ऐक शीख देऐ थऐ, के तुँऐ भे तिनके नंक्क्षे-कदम गाशी चालो।