कुलुस्सियों 3:12 - Sirmouri

¹² ईन्देंखे पंण्मिश्वर के चूणें-छाँटे अंदें जैष्णें जू पबित्र अरह् प्यारे असो, बड़ी कृपा, भलाऐ, अरह् गरबाई-नींम्ताई, अरह् सय्नशिलता धारणा करह्।

सिरमौरी नौवाँ नियम

¹² पौरमेशवरे तुऔं आपणै पवित्र लोग हौणौ कारिए चोणे राए औरौ सै तुऔंआरी प्यार कौरौ इथकारिए बौड़ै दया औरौ भोलाए, दीनता औरौ नम्रता औरौ सैहन शीलता धारण कौरौ।

कुलुस्सियों 3:12 ပူးပေါင်းရင်းမြစ်များ

मत्ती 24:22

जे सेजे देसो, घटाऐं ने ज़ाँदें तअ कुँऐं भे जींव-पराँणी ने बच़्दा थिया, परह् चूणें-छ़ाँटे अंदे के कारण सेजे देसो घटाऐ ज़ाले।

मत्ती 24:24

“किन्देखे के झूठें मसीया अरह् झूठे पंणमिश्वर की बरंम्बाणीं कर्णो वाल़े, खड़े हले, अरह् से असरदार चींन-नीशाँणी दे:खाले, जे ऐशो हलो, तअ चूणें-छाँटे अंदे भे भरमाँऐं ज़ाले।

मत्ती 24:31

आदमी का बैटा आप्णें स्वर्गदूत्त कनाँल़ी की बड़ी गूँह्ज आरी डियाल़्ला, जुण्जे चोऊँ धुंरीं शे अस्माँनों के ऐकी कुँणें शे ओकी कुँणें दे ज़ाऐयों प्रभू के चूणें-छ़ाँटे अंदे लोग कठे कर्ले।

मरकुस 13:20

जे प्रभू ईनू देसो ने घटाँदे, तअ कसी के भे पराँण ने बंच़्दीं थी, परह् ईनू छाँटे-चूणें अंदे के कारण जिनू प्रभू ऐ आपु चूँणी-छाँटी थुऐं, ईनके कारण ऐजे देसो घटाऐं गुऐ।

मरकुस 13:22

किन्देंखे के झूठे-मंसीही अरह् झूठे बरंम्बाणीं कर्णो वाल़े ऋषी पय्दा हंदे, जुण्जे असरदार चींन-नीशाँणी दे:खाले, अरह् नोंखे काँम-काज़ कर्ले, अरह् से चैले जुण्जे चूणें-छाँटे अंदे असो, तिनू भे भरमाऐयों भट्काऐ देले।

मरकुस 13:27

तेसी बख्तो से आप्णे स्वर्गदूत्त स्वर्गो भेज्यों धर्ती के ऐकी धुरी शे ओकी धुरी तोड़ी, चौऊँ धुरी शे आप्णे च़ूणें-छाँटे अंदे लोग कठै कर्लें।

लूका 1:78

ऐजो अमाँरे पंणमिश्वर की तियों बड़ी कृपा के कारण स्वर्गो शा आँमों गाशी प्रकाषमाँन हुवा।

लूका 18:7

ईन्देंखे कियो पंण्मिश्वर आप्णे छाँटे अंदें, का नियाँव करदा ने; जुण्जे लोग रात्ती-देसो प्रभू के नाँव का जाप कर्दे रंह? कियों से तिनू लोगो के बारे दी किऐ देर कर्दे? ऐशो ने हंदी।

रोमियों 1:7

तिनू सोभी के नाँव जू रोम दे पंणमिश्वर के प्यारे असो, अरह् पबित्र लोग बण्णों खे बय्दी थूऐ: अमाँरे परमं-पिता पंणमिश्वर अरह् प्रभू यीशू मसीया की ढबे शी तुँओं खे कृपा अरह् शाँण्त्ति भेट्दी रंह्।

रोमियों 13:14

परह् प्रभू यीशू मसीया धारण करह्, अरह् आप्णें पापी सुभाव की हिछ़या पुरी कर्णो की कोशिष ने करह्।

रोमियों 9:11

बालक पय्दा भे हई ने रंई थी, अरह् तिन्के किऐं भे भले-बुरे कर्णो शो आगे, रिबेका खे ऐजो बुलो गुओं; के “जैठा बैटा, काँण्छ़ै बैटे के बष दा रंह्दा।” ऐष्णों ईन्देंखे हुओं, के पंणमिश्वर का फय्सला बंणा अंदा रंह्, अरह् पंणमिश्वर का फय्सला आदमी के काम कर्मों दा ने, परह् तिन्के चूणें-छ़ाटे अंदें के हिसाब शा तिन्ही गाशी दारमदार असो।

1 कुरिन्थियों 13:4

पियार सबैर असो, अरह् कृपा कर्णो वाल़ा असो; पियार डाह्-जल़्ण ने करदा; पियार आप्णी बड़ियाऐं ने करदा, अरह् शियाँगिन्दा ने आथी,

2 कुरिन्थियों 6:6

पबित्रता दे, ज्ञाँन दे, सबेर दे, कृपा दे, पबित्र-आत्त्मा दे,

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

इफिसियों 1:4

जेष्णें तिन्ऐं आँमों संईसारी की शुरूवात शे आगे मसीया की गंईलो चुँणी-छ़ाँटी थुऐ थिऐ, के आँमें तिनके नंजरी शे प्रेम दे पबित्र अरह् नीरदोष बंणों।

इफिसियों 4:2

मतल्व पुरी गरबाई आरी, अरह् नंरमाँऐं आरी, सबैर थईयों प्यार शे ओका ओकी की ऊदी सुऐ;

इफिसियों 4:24

अरह् नंऐं ईन्साँनियत धारण करह्, जू पंण्मिश्वर के मुँताबिक सच्चाई की धार्मिक्त्ता अरह् पबित्रता दे बँणाऐ थुऐ।

इफिसियों 4:32

ओका ओकी खे दया-रंय्म कर्णो वाल़े हों, अरह् जैष्णें पंण्मिश्वर ऐ मसीया दे तुवाँरे कसूर माँफ करे, तेष्णें ही तुँऐं भे ओका ओकी के कसूर माँफ करह्।

फिलिप्पियों 1:8

ईदा पंण्मिश्वर मेरा गुवाह्-शाज़्त असो, के हाँव मसीया प्रभू यीशू का जिया प्यार करियों; हाँव तुँओं सोभी की हिछ़या करू।

कुलुस्सियों 3:10

अरह् नुऐं इंनसाँनिय्त धारण करी थऐ, जू आप्णे पय्दा कर्णो वाल़े के सरूप के मुँताबिक ज्ञाँन पाणों खे नुवाँ बंण्दा ज़ाँव।

1 थिस्सलुनीकियों 5:15

सकन्नै रूऐ! कुँऐं कोसी आरी बुराई के बद्ल़े बुराऐ ने करह्; परह् सदा भलाई की ताक दे रंह्, आपस मुझी अरह् बादे आरी भलाई की ही कोशिष करे।

2 तीमुथियुस 1:9

जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

2 तीमुथियुस 2:10

ईन्देंके कारण हाँव च़ूंणें-छाटे अंदें लोगो की ताँईऐं सब-कुछ सऐन करू, के से भे तेसी छ़ुट्कारा जुण्जा के मसीया यीशू दा असो; से तेसी भे सदा की बड़ियाई आरी पाँव।

तीतुस 1:1

संत्त-पौलुस की ढबे शी जू पंण्मिश्वर का दास अरह् यीशू मसीया का खास-चैला असो, पंण्मिश्वर के छाँटे अंदे लोगो का बिश्वाष अरह् तियों सच्चाई की पछ़याँण के मुँताबिक असो, जू भगत्ति के मुँताबिक शो असो,

1 पतरस 1:2

अरह् परमं-पिता पंणमिश्वर के हंणों वाल़े ज्ञाँन के मुताबिक, पबित्र-आत्त्मा के पबित्र कर्णो के जाँणें, प्रभू खे ज़ई करी थुऐ, सेजे मसीया प्रभू यीशू के अज्ञाकारी बंणों, अरह् तिनके लह्ऊँ का छ़िड़काँव लों: अरह् तुओं कृपा, अरह् शाँन्त्ति बैजाऐ भेटदी रंह्।

2 पतरस 1:10

ईन्देंखे हे भाऐ बंईणों आप्णे बईद्णों गाशी, अरह् चूणें-छ़ाटे अंदे खे साचे कर्णो खे आछ़ी-भली कोशिष कर्दे ज़ाव, किन्देंखे के जे तुऐं ऐष्णों कर्ले, तअ तुँऐं कद्दी भी ठूकर ने खाँदी;

1 यूहन्ना 4:19

आँमों दा पियार-भाव ईन्देंखे असो; के आगे तिन्ऐं आँमों आरी पियार करी थो।

2 यूहन्ना 1:13

तुँवारी चूणीं-छाँटी अंदी बंईणों के नहाँन्ड़िया भे तुँओं खे नमंष्कार करह्।

प्रकाशितवाक्य 17:14

से छैल़्टे आरी लड़्दे, परह् छैल़्टा तिन शा जींत्ती ज़ाँदा, किन्देंखे के से प्रभूओं का प्रभू, अरह् राजाओं का राजा असो, अरह् जू बईदे अंदे, अरह् चूणें-छाँटे अंदे अरह् बिश्वाषी असो, से तेस्की गईलो असो; से भे राज्य पाँदें।”