कुलुस्सियों 3:11 - Sirmouri

¹¹ तिदा ना तअ कुऐं यूनानी रंई, अरह् ना यहूदी; ना खतना वाल़े, अरह् ना खतना के बिना, ना जागल़ी, ना स्कूती, ना दास, अरह् ना अजाद: सिर्फ मसीया ही सब-कुछ असो, अरह् सोभी दा बसा अंदा असो।

सिरमौरी नौवाँ नियम

¹¹ ऐसी बौजैह शै ऐक यूनान देश कै रौणौवाल़ै लोगौ कै बीच कुणजाई भैदभाव ना आथी औरौ ना यहूदी लोगौ मुंजी, ना खतना कौरणौवाल़ौ मुंजी, ना बिना खतना कौरवाणौवाल़ै लोगौ मुंजी, ना विदेशी लोगौ मुंजी, ना असभ्य लोगौ मुंजी, ना दास औरौ ना गुलामो मुंजी कुणजाई भैदभाव औसौ, पौरौ मसीह ही सौबै ठुँ औसौ औरौ सै आपणै सौबी लोगौ मुंजी रौंव।

कुलुस्सियों 3:11 ပူးပေါင်းရင်းမြစ်များ

यूहन्ना 14:23

प्रभू यीशू ऐ तेस्खे जबाब दिता, “जुण्जा कुँऐं मुँह आरी प्यार करला, से मेरे बचन का पाल़्ण करदा; अरह् मेरा बाबा तेसी आरी प्यार करदा, अरह् आँमें तेसी कैई आऐयों तेस्की गंईलो रंह्ऊँबे।

यूहन्ना 15:5

“हाँव दाख्ह अँगूरोह् की बाल असो: अरह् तुँऐं डाल़ी असो! जुण्जा कुँऐ मुँह्दा पाक्का बंणा अंदा रंह्, तअ हाँव तेस्दा बसा अंदा रंह्ऊ; अरह् हाँव तेस्दे बैजाऐ फ़ल देंऊँ, किन्देंखे के तुऐ मुँह शे ज़ोई रंह्ऐयों किऐ ने करी सक्दे।

यूहन्ना 17:23

तुऐं मुँह्दे, अरह् हाँव तिनदा, जू से पुरे ढंग शे ऐक हंऐ ज़ाँव; जिन्दें लई ईयों संईसारी दो ऐजो साफ़ हंऐ ज़ाँव, के तुऐं ही मुँह डेयाल़ी थुवा थिया; अरह् तुऐं ईनू आरी भे तेष्णों ही प्यार करह्, जेष्णों प्यार तुऐं मुँह आरी करह्।

प्रेरितो कै काम 15:17

ईन्देंखे के ओके गऐर यहूदी लोग जिनू मुँऐ आप्णें नाँव शे आप्णें बंणाँऐ थुऐ, सेजे ही लोग प्रभू जुह्ले,

प्रेरितो कै काम 28:2

तेथै के रंहणों वाल़े लोगे ऐं आँमों आरी बैजाऐ आछ़ा बर्ताव करा; जबे अस्माँनों शो पाँणीं लागी रूओं थियों, अरह् तेथै बैजाऐ शेल़ौ-जाड़ो पड़ी रूओं थियों; तबे तेथै के लोगे ऐं आँमों खे आग बाल़ियों दित्ती, अरह् आमों सोभी लोग सेकाऐ दिते।

प्रेरितो कै काम 28:4

तबे तेथै तेसी टापू गाशी रंहणों वाल़े, लोग आपु मुँझी देखियों बुल्दे लागे, के सोत्तिखे “ऐजा कुँऐ जरूर पापी हंत्त्यारा आदमी असो; किन्देंखे के ऐ संमुँन्द्रो शा तअ बंची गुवा, परह् नियाँव कर्णों वाल़ी देबी ऐ ऐसी आदमी जीऊँदा ने रंहणों दिती।”

रोमियों 1:14

हाँव यूनानियों अरह् गुवाँर लोगो का, अरह् अकल वाल़ें अरह् बै-अकलें का कर्जदार असो।

रोमियों 10:12

यहूदियों अरह् यूनानियों दा किऐ भेद्-भाव ने आथी, किन्देंखे के सोभी का प्रभू ऐक ही असो; अरह् आप्णे बादे नाँव जप्णों वाल़े खे से दिल खुलियों आशिर्बाद दियों।

रोमियों 3:22

मतल्व जुण्जे यीशू मसीया गाशी बिश्वाष करह्, सेजे पंणमिश्वर की नंजर दे बै-कसूर असो, तिनू मुँझी किऐ भेद्-भाव ने आथी;

रोमियों 3:29

कियों पंणमिश्वर सिर्फ यहूदियों का ही असो? कियों गऐर यहूदी का आथी ने? होर, पंणमिश्वर गऐर यहूदी का भे असो।

1 कुरिन्थियों 12:13

किन्देंखे के आँमें सभिऐं भाँव यहूदी भाँव यूनानी, भाँव दास भाँव अजाद, ऐकी पबित्र-आत्त्मा के जाँणें ऐक देह्-शरीर हंणों खे नहाँण-नहाँऐं थो, अरह् आँमों सोभी कैई शी ऐक ही आत्त्मा पियाऐं थऐ।

1 कुरिन्थियों 14:11

ईन्देंखे जे हाँव कोसी भाषा का मतल्व ने सम्झू, तअ बुल्णों वाल़े की नजरी दा प्रदेशी बंण्दा, अरह् सेजा बुल्णों वाल़ा भे मेरी नंजरी दा प्रदेशी बंण्दा।

1 कुरिन्थियों 7:19

ना तअ खतना किऐ आथी, अरह् ना खतने के बिना किऐ आथी; परह् पंणमिश्वर के अज्ञाँ माँन्णी ही सब-कुछ असो।

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

इफिसियों 1:23

कलीसिया मसीया की देह्-शरीर असो, अरह् तिन्ही की बादी भरपुरी शो असो, जू सोभी दो सब-कुछ पुरो करह्।

इफिसियों 2:14

किन्देंखे के मसीया ही शाँण्त्ति असो, अरह् से ही अमाँरा पंण्मिश्वर आरी मेल कराँणों वाल़े असो; अरह् तिन्ऐं ही यहूदियों अरह् गऐर यहूदियों दुन्नै ऐक करे, अरह् जुण्जी दुईं मुँझ़ी भेद्-भाव कराणों वाल़ी जंड़ दुवाल थी, सेजी तिन्ऐं ही ढाल़ी दित्ती, आप्णीं मँऊँत्ती अरह् बल़ी दाँण के जाँणें।

इफिसियों 2:15

प्रभू यीशू मसीया ऐ आप्णी मऊँत्ती के जाँणें बादे निय्म के बिधान रद् करी दिते, ईन्दीखे तिन्ऐं यहूदी अरह् गऐर यहूदियों का मेल कराऐयों तिनके बीचों के रंन्ज-खुन्द्क मिटाऐ दिती, अरह् तिनू दुई डूँग पंणमिश्वरो आरी ऐक ज़ुट करी दिते।

इफिसियों 3:17

अरह् बिश्वाष के जाँणें मसीया तुवाँरे दिल-सासो दे बंसो, अरह् हाँव तुवाँरी ताँईऐं ऐजी प्रार्थना करू, के तुँऐं प्यार दे ज़ड़ पाक्ड़ियों आप्णी पह्-नींव पाक्की करह्,

इफिसियों 3:6

सेजा गुप्त भेद् ऐजा असो, के खुषख्बरी के जाँणें यहूदियों की गईलो गऐर यहूदी लोग भे पंण्मिश्वर के राज्य के बारीस, अरह् पुरे हंकदार बंणी गुऐ; अरह् से दुन्ने ड़ूंग ऐक ही देह्-शरीर का अंग असो, अरह् प्रभू यीशू मसीया के जाँणें करे गुऐ बाय्दे के साथी बंणें।

इफिसियों 6:8

किन्देंखे के तुँऐं जाँणोंऐं के जू कुँऐं जेष्णाँ आछा काँम-काज़ करला, भाव से दास हों, भाँव अजाद हों; से प्रभू शा तेष्णा ही तिन्दें का फल़ पाँदा।

कुलुस्सियों 2:10

अरह् तुँऐं तिनही दे भर-पुर हंऐ गुऐ, जुण्जें हाकम अरह् हंक-अधिकारियों का मुँख्या असो।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।

2 यूहन्ना 1:9

जुण्जा कुँऐं मसीया की शिक्क्षा के दाएरे दा ने रंह्दा, अरह् तैसी दाएरे शा बाऐरा ज़ाँव, तैसी कद्दी भे पंण्मिश्वर ने भेट्दी, परह् जुण्जा कुँऐं तियों शिक्क्षा के दाएरे दा रंह्; तैस कैई स्वर्गो का पिता भे असो, अरह् तिनका बैटा भे असो।