कुलुस्सियों 3:1 - Sirmouri

¹ तअ: जबे तुँऐं मसीया आरी ऊबे जियाल़ी थुऐं, तअ सवर्गिऐ चींजों की खोज दे रंह्, जेथै मसीया हाजिर असो; अरह् पंण्मिश्वर के सुऐं ढबे बऐठी रंह्।

सिरमौरी नौवाँ नियम

¹ जैशै पौरमेशवरे मसीह कै मौरेयौंदे मुंजीदा जियुंदी कौरा तैशैखैई तुऔं बै जियुंदी कौरे राए, इथकारिए तिनु चीज़ौ कै खोज़ दै लागैयौंदे रौंव जू स्वर्ग दी राखै रैई जिथै मसीह पौरमेशवर कै धोरे सौबिदा आदर वाल़ै जौगैह पांदी बौठै रौआ।

कुलुस्सियों 3:1 ပူးပေါင်းရင်းမြစ်များ

मत्ती 22:44

राजा दाऊद ऐ बुलो, ‘प्रभू ऐ, मेरे प्रभू खे बुलो, मेरे सोऐं ढबे बऐठी ज़ा, जाँव तोड़ी हाँव तेरे बऐरी तेरी लात्तों थाँई, ने करी देऊँ।’

मत्ती 26:64

प्रभू यीशू ऐ तेस्खे जबाब दिता, “तुँऐं ऐजो आपु ही बुली लो; तबे बे हाँव तुओं खे बुली देंऊ, के ईन्दें पाछी तुऐं आदमी का बैटा सर्ब-शँक्त्तिमाँन के सोऐं ढबे बईठा अंदा, अरह् अस्माँनों के बाद्ल़ो मुँझी आँदे दे:ख्ले।”

मत्ती 6:20

परह् आपु खे स्वर्गो दो धंन कोठो करह्, जेथै ना तअ किड़ा लागदा अरह् ना खऐं-जंग, अरह् ना चोर ताक दे रऐयों चोरी कर्दे।

मत्ती 6:33

ईन्देंखे तुऐं सोभी शे आगे ही आगे पंणमिश्वर के राज्य अरह् जुण्जो तिनू आछो लागो, तिन्दें की खोज करह्, तअ ऐजी बादी चींजो तुँओं भेंटी ज़ाली।

मरकुस 12:36

परह् राजा दाऊद ऐ, पबित्र-आत्त्मा, दो मंगन हऐयों बुलो थियो: ‘प्रभू ऐ, मेरे प्रभू शो बुलो, मेरे सोऐं ढबे बऐठी ज़ा; जबे तोड़ी के हाँव तेरे बऐरी, तेरी लातो थाँई, के तेरे अधींन ने करी देऊँबा।’

मरकुस 14:62

प्रभू यीशू मसीया ऐ बुलो, “होर, हाँव ही असो! तुँऐं आदमी का बैटा सर्वशंक्त्तिमान के सोऐं ढबे बईठा अंदा अरह् असमाँनों शा बाद्ल़ो मुँझी आँदे दे:ख्ले।”

मरकुस 16:19

जबे प्रभू यीशू मसीया ऐ तिनू आरी ऐजी बातो करी पाई, तअ तिनू स्वर्गो दे ऊबे थागे; अरह् तेथै से स्वर्गो दे पंणमिश्वर के सोऐं ढबे बऐठी गुवे।

लूका 12:33

आप्णी बादी संम्पत्ति बीकियों, गरीबों खे दाँण करी दियों; अरह् आपु खे ऐशे बोटू बाँणों, जू कोद्दी ने खीणिदे ना चींरिदे, ईन्देंखे स्वर्गो दो धंन कट्ठो करह्; तेथै ना तअ चोर पड़्दे, अरह् ना किऐ कीड़ा-सुल़्की लाग्दी।

लूका 20:42

किन्देंखे के भजन संहिता की ग्रन्थों दो राजा दाऊद आपु बुलो: ‘के प्रभू ऐं मेरे प्रभू खे बुलो: तुँऐं मेरे सिंगास्णों के सूंऐ ढबै बंईठो।

लूका 22:69

परह् ऐत्त्‍लो शा ऊबा आदमी का बैटा सर्वशक्त्तिशाली पंण्मिश्वर के सूऐ ढबे बईठाल़ा ज़ाला।”

प्रेरितो कै काम 2:34

राजा दाऊद स्वर्गो दा ने हुटी, परह् से आपु बुलो: प्रभू ऐं! मेरे प्रभू खे बुलो! तुऐ ताँव तोड़ी मेरे सुऐं ढबै बंईठै अँदे रूऐ;

प्रेरितो कै काम 7:55

तबे: स्तिफ़नुस ऐ पबित्र-आत्त्मा शा भरियों, स्वर्गों के ढबै नंजर-झ़ैठ पाऐ, अरह् पंण्मिश्वर की बड़ियाऐ अरह् पंण्मिश्वर के सुऐ ढबै खह्ड़े प्रभू यीशू भे देखे।

रोमियों 8:34

तबे कुँण असो, जू सजा के अज्ञाँ देला? मसीया ही असो, जू मरी गुऐ, परह् मुँड़्दे मुँझ्शे पाछु ऊबे जीँऐं, अरह् पंणमिश्वर के सुऐं ढबे बंईठी गुऐ, अरह् अमाँरी ताँईऐं पंणमिश्वर शी बिनती-अरजी भे करह्।

रोमियों 8:6

किन्देंखे के जूण्जे आदमी आप्णें पाप वाल़े सुभाव दे जीयों, तिन्दें का नंतीजा मंऊँत्त असो, अरह् जुण्जे आदमी पबित्र-आत्त्मा की बातो दा मंन लाँव, तिन्दें का नंतीजा जीवन अरह् शाँण्त्ति असो;

2 कुरिन्थियों 4:18

अरह् आँमें तअ दे:खी अंदी चींजो ने, परह् बिना दे:खी चींजो दे:ख्दें रंह्; किन्देंखे के दे:खी अंदी चींजो ठीक्के ही देसो की असो, परह् बिना दे:खी चींजो हमेंशा बंणी रंह्दी।

इफिसियों 4:10

अरह् जिनू ऊदे डेयाल़े गुऐ, से ऐजे ही असो, जुण्जे बादे अस्माँनों शे भे ऊबे हुटे, के सब-कुछ पुरो हों)।

इफिसियों 5:22

हे घरवाल़ियों, आप्णे-आप्णे घरवाल़े की ऐशी बंष दी रंह् जेष्णी प्रभू के।

कुलुस्सियों 2:20

किन्देंखे के जबे तुँऐं संईसारिक ज्ञाँन की तरफ़ शे मसीया आरी मँरी गुऐ, तअ ऐबे तुवाँरी जीऊँणों के रीत्त ऐष्णीं कैई असो? जेष्णीं के संईसारी के ईनू निय्मों के बष दी हों।

कुलुस्सियों 3:2

धर्ती गाशली ने परह् स्वर्गिऐं चींजो गाशी आप्णा ध्याँन लाओं,

इब्रानियों 1:13

भला कोसी स्वर्गदूत्त खे पंण्मिश्वर ऐ ऐजों बुलो: के “तू मेरे सोऐं ढबे बईठ, जाँव तोड़ी के हाँव तेरे बऐरी तेरी लातो थाई का पीड़ा-पाट्ड़ा ने बाँणीं देऊँ?”

इब्रानियों 1:3

सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

इब्रानियों 10:12

परह् मसीया यीशू तअ अमाँरे सोभी के पाप खे ऐकी ही बंई आप्णाँ बल़ीदाँण चड़ाऐयों पंण्मिश्वर के सुऐं ढबे ज़ाऐयों बैऐठी गुऐ।

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

इब्रानियों 8:1

ऐबे जुण्जी बातो आँमें बुली लई, तिन मुँझ्शी ऐजी सोभी शी बड़ी बात असो; के अमाँरा ऐशा महाँ-याजक असो, जुण्जा स्वर्गो गाशी महाँ-प्रतापि के सिंगास्हणों के सुऐं ढबे बऐठी रूआ

1 पतरस 3:22

प्रभू यीशू स्वर्गो दे ज़ाऐयों पंणमिश्वर के सोऐं ढबे बऐठी गुऐ; अरह् स्वर्गदूत्त अरह् अधिकारी अरह् शक्त्तिशाली तिनके बष दे करे गुऐ।