कुलुस्सियों 2:8 - Sirmouri

⁸ ईन्दें चौक्क्ष रूऐ, के कुँऐं तुँओं ईनू देखावे के ज्ञाँन अरह् बै-कार के धोखे दे आप्णें बष दे ने करी पाँव; जुण्जी के आदमी के रित्ति-रूवाज अरह् संईसारी के पुराँणी शिक्क्षा असो, जुण्जी के मसीया के हिसाब शी ने आथी।

सिरमौरी नौवाँ नियम

⁸ चौकश रौव कै कुणिए तुऔं तैसी बैकार कै ज्ञान औरौ झूठै धौखै कै दवारा फशाए नी दैंव जू आदमी कै भौवारो औरौ दुनिया की दैएयौंदी शिक्षा कै हिसाब शै औसौ, पौरौ मसीह कै हिसाब शै ना आथी।

कुलुस्सियों 2:8 ပူးပေါင်းရင်းမြစ်များ

मत्ती 10:17

परह् लोगो शे सकने-चौक्क्ष रूऐ, किन्देखे के से तुँओं बड़ी खुम्ल़ी दे देले, अरह् तेथै आप्णी खुम्ल़ी दे तुओं दे कुड़े मराले।

मत्ती 16:6

तेख्णीं तेसी ही बख्ते प्रभू यीशू ऐ तिन कैई शो चित्ते कराऐयों बुलो, “यहूदी भाट-बाँम्ण अरह् संदूकियों के खमीर कऊँट्ल़ों शे सक्न्ने च़ौक्क्ष रूऐ।”

मत्ती 7:15

“झूठी बरंम्बाणीं कर्णो वाल़े, ऋषी शे सकने-चौक्क्ष रूऐ, जुण्जे भेंढ़ो के भेष दे तुँओं कैई आँव, परह् से भित्रो शे भूखे भेड़िऐ हों, जू बख्तो गाशी ऊपाड़ियों खाँव।

प्रेरितो कै काम 17:18

तबे इपिकूरी अरह् स्तोईकी दर्शण देख्णों वाल़े लोग, भे तेस्की गईलो सवाल जबाब कर्दे लागे; अरह् कंई लोगे ऐ बुलो, “ऐजा बकबादी का बुल्णों चहाँव?” परह् ओकी ऐ बुलो, के “ऐ कोसी ओकी देव्त्ते का प्रचार कर्णो वाल़ा हंणाँ” किन्देंखे के संत्त-पौलुस प्रभू यीशू का अरह् दुज़ाल़िऐं ऊबे जीऊँणों की खुषख्बरी शुँणाँव थिया।

प्रेरितो कै काम 17:32

मरियों ऊबे जीऊदें हणों वाल़ी बातो शुँणियों, बादे आदमी ठाठे पाड़दे लागे; अरह् कंई ऐं बुलो, “ऐजी बातो आँमें ताँव कैई शी हजो जादा शुँण्णीं चहाँव।”

रोमियों 16:17

ऐबे हे भाऐ बंईणों, हाँव तुँओं खे ढाल-अरज करू के जू लोग तियों शिक्क्षा के बिरूध असो, जुण्जी तुँओं भेटी रंई, फूट पाँणों खे अरह् ढैस-ठूकर का कारण बंणों, तिनू ताड़ी पाव, अरह् तिन्शे दुर्के रूऐ।

1 कुरिन्थियों 10:12

ईन्देंखे जुण्जा कुँऐं ऐशो जाँणों के “हाँव बिश्वाष दा बिलकुल पाका असो,” सेजा च़ौक्क्ष रंह्; जू कद्दी से बिश्वाष शा टल़ी ने ज़ाव।

1 कुरिन्थियों 8:9

परह् च़ौक्क्ष रूऐ! कद्दी ऐशो ने हऐयों, के तुँवारी ऐजी अजादी कोसी कंंमजोर आदमी खे ठोकर-ढैस का कारण ने बंणों।

2 कुरिन्थियों 10:5

ईन्देंखे आँमें बिचारों का अरह् ऐक नाँम बड़ी बातो का, जू पंण्मिश्वर की पह्च्छयाँण खे रूकाव्ट दी खड़ी हों, तिन्दें का बिरूध करह्; अरह् ऐक नाँम भावना कय्द करियों मसीया खे अज्ञाकारी बंणाँऐं दियों,

गलातियौं 1:14

आप्णे जात्ती वाल़े, जुण्जे मेरी ऊमरी के थिऐ; तिनू हाँव यहूदी मंत्त दे बैजाऐ बंड़ाऊँ थिया; अरह् आप्णे नाँना-बाबा के रिती-रूवाज के मुँताबिक बैजाऐ होंस्ले दा थिया।

गलातियौं 4:3

अमाँरे भे तेष्णीं ही हाल हों, किन्देंखे के आँमें भे जाँव तोड़ी नहाँन्ड़िया थिऐं, ताँव-तोड़ी संईसारी के निय्म-रूवाजो के बष दे रंह्।

गलातियौं 4:9

परह् ऐबे तुँऐं पंण्मिश्वर पछ़याँणी पाया; मतल्व पंण्मिश्वर ऐ तुँओं पछ़याँणें; तअ तुँऐं तिनू कंमजोर अरह् निकारे रूवाज-निय्म दे कैई फष्दे लागे; अरह् कैई तिन्दें पाछु ज़ाँदे लागे; कियों तुँऐं हजो तिनके दास बंणों चहाँव।

गलातियौं 5:15

परह् जे तुँऐं ओका ओकी दे झ़ाटी दियों, अरह् धूणियों ऊपाड़ियों खाँव, तअ च़ौक्क्ष रूऐ, के ओका ओकी को ऊगाल़ी ने दियों।

इफिसियों 2:2

किन्देंखे के तुवारा चाल-चल्णँ आगे ऐसी ज़ूगौ के रित्ति-रूवाज के मुँताबिक, जू अस्माँनों दा हंक-अधिकार जमाँनों वाल़े, हाकमों के मुँताबिक थिऐ; जुण्जे तियों आत्त्मा के बंष दे थिऐ, जुण्जी आत्त्मा हेभी तोड़ी पंण्मिश्वर के बिरोधियों आरी काँम-काज़ करह्।

इफिसियों 4:20

परह् तुँओं मसीया कैई शी ऐष्णी शिक्क्षा ने भेटी।

इफिसियों 5:6

कुँऐं तुँओं खे बै-कार बातो शा धोखा ने दियों, किन्दें खे के ईनही काँम-काज़ के जाँणें; पंण्मिश्वर की सजा का कुरूध अज्ञाँ ना माँनणों वाल़े गाशी भड़को।

फिलिप्पियों 3:2

बुरे काँम-काज़ कर्णो वाल़े कुत्ते जैष्णें लोगो शे च़ौक्क्ष रूऐ, जू अंग छुलियों खतना करह्;

कुलुस्सियों 2:18

कुँऐं भे जुण्जा गंरबाई के देखावे खे, अरह् स्वर्गदूत्तों की पूजा करदा मंगन रंह्; अरह् से तुओं तियों दौड़ के ईनाँम शे दूर ने करी दियों; किन्देंखे के ऐष्णा आदमी देंखी अंदी बातो दा लागा अंदा रंह्; अरह आप्णी जाँण्कारी संहम्झ़ दा बैकार शियाँगियों।

कुलुस्सियों 2:20

किन्देंखे के जबे तुँऐं संईसारिक ज्ञाँन की तरफ़ शे मसीया आरी मँरी गुऐ, तअ ऐबे तुवाँरी जीऊँणों के रीत्त ऐष्णीं कैई असो? जेष्णीं के संईसारी के ईनू निय्मों के बष दी हों।

कुलुस्सियों 2:22

(ऐ बादी च़ीज़ो काँम-काज़ दे लाँदें-लाँदें नाष हऐं ज़ाँव) किन्देंखे के ऐ आदमी के ऐजो सब-कुछ़ अज्ञाँ अरह् शिक्क्षा लई हों।

कुलुस्सियों 2:23

ईनू बिद्धियों दे आप्णीं हिछ़्या के मुँताबिक बंणाँऐ अंदी, भगत्ती की रित्ति, अरह् गंरबाई, अरह् शारीरिक सभाव के भाव शा ज्ञाँन का नाँव तअ असो ऐ; परह् शारीरिक हिछयाँ रूक्णों खे ईन्दा किऐ भे फ़ाय्दा ने आथी।

1 तीमुथियुस 6:20

हे तीमुथियुस, ताँव कैई जू देऐ थो, तिन्दे के देख-भाल़ करह्; अरह् बै-कार की संईसारीक बातो शा बंचियों रंह्, परह् तू झ़ूट्ठै ज्ञाँन के बिश्वाष शा दुरका ही रूऐ,

2 तीमुथियुस 3:13

परह् दुष्ट अरह् बकाँणों वाल़े, धुखा देंदे अरह् धुखा खाँदे बिगड़ी ज़ाँदे।

इब्रानियों 13:9

बदल़ी अंदी कंई किस्म की शिक्क्षा के बंहकावे दे ने आऐ; अरह् अमाँरे दिल खे ऐजो ठीक असो, के कृपा के कारण तेसी पाक्का करा ज़ाँव; ना के खाणों-पीणो की चीजो के जाँणें; किन्देंखे के खाणों-पीणों के रित्ति-रूवाज के जाँणें कोसी का किऐ भे भला ने हंदी।

इब्रानियों 3:12

हे भाऐ-बंईणों च़ौक्क्ष रूऐ, के तुँओं मुँझी कुँऐं बुरे अरह् बै-बिश्वाषी मंन के ने हों, जू तुँओं से जीऊँदे पंण्मिश्वर शे दुर्के ने नींयों।

1 पतरस 1:18

किन्देंखे के तुँऐं जाँणों ऐ के तुवाँरा निकारा चाल-चल़्ण जू तुवाँरे बुड़ाईको शा ऊँबा असो, तिन्दे लई तुवाँरा मुँक्त्ति सुन्नें, चाँदी अरह् नाँष बाँन चीजो के जाँणें ने हऐ रंई;

2 पतरस 3:17

ईन्देंखे हे प्यारे साथियों, तुँऐं लोग आगे ही ईनू बातो जाँणियों च़ौक्क्ष रंह्, जू अ-धर्मी-पापी के जाल़ो दे फशियों आप्णी दृड्ता आप्णें हाथे ने गुवाँल़ों।

2 यूहन्ना 1:8

आप्णे बारेदे च़ौक्क्ष रंह्, के जू मेंह्नत्त आँमें करी थऐ, सेजी तुँऐं गुवाऐ ने दियों, परह् तिन्दे का आछ़ा फल़ पाँव।