कुलुस्सियों 2:23 - Sirmouri

²³ ईनू बिद्धियों दे आप्णीं हिछ़्या के मुँताबिक बंणाँऐ अंदी, भगत्ती की रित्ति, अरह् गंरबाई, अरह् शारीरिक सभाव के भाव शा ज्ञाँन का नाँव तअ असो ऐ; परह् शारीरिक हिछयाँ रूक्णों खे ईन्दा किऐ भे फ़ाय्दा ने आथी।

सिरमौरी नौवाँ नियम

²³ इनु नियमौ दै आपणै इछा कै हिसाब शै बाणैयोंदै भोक्‍ती कै भौवार, औरौ झूठी दीनता, औरौ आपणै शोरीर कै साथै कठोर बर्ताव कौरणा ही ऐक ज्ञानी हौणौ का ढोंग कौरौ, पौरौ हकीकत दै ऐजै नियम लोगौ कै तिनकी बुरै इछावं कै काबू कौरणौ दै मौदद ना कौरौ।

कुलुस्सियों 2:23 ပူးပေါင်းရင်းမြစ်များ

रोमियों 13:14

परह् प्रभू यीशू मसीया धारण करह्, अरह् आप्णें पापी सुभाव की हिछ़या पुरी कर्णो की कोशिष ने करह्।

इफिसियों 5:29

किन्देंखे के कुँणिऐं कद्दी आप्णी देह्-शरीर शो बईर ने करी, परह् तिन्दे का पाल्ण-पोष्ण करह्; मसीया भी कलीसिया आरी ऐष्णों ही करह्।

कुलुस्सियों 2:18

कुँऐं भे जुण्जा गंरबाई के देखावे खे, अरह् स्वर्गदूत्तों की पूजा करदा मंगन रंह्; अरह् से तुओं तियों दौड़ के ईनाँम शे दूर ने करी दियों; किन्देंखे के ऐष्णा आदमी देंखी अंदी बातो दा लागा अंदा रंह्; अरह आप्णी जाँण्कारी संहम्झ़ दा बैकार शियाँगियों।

कुलुस्सियों 2:22

(ऐ बादी च़ीज़ो काँम-काज़ दे लाँदें-लाँदें नाष हऐं ज़ाँव) किन्देंखे के ऐ आदमी के ऐजो सब-कुछ़ अज्ञाँ अरह् शिक्क्षा लई हों।

कुलुस्सियों 2:8

ईन्दें चौक्क्ष रूऐ, के कुँऐं तुँओं ईनू देखावे के ज्ञाँन अरह् बै-कार के धोखे दे आप्णें बष दे ने करी पाँव; जुण्जी के आदमी के रित्ति-रूवाज अरह् संईसारी के पुराँणी शिक्क्षा असो, जुण्जी के मसीया के हिसाब शी ने आथी।

1 तीमुथियुस 4:3

से तुँओं सोभी लोगो खे ऐजी मंत्त-शिख्ह देंदे, के तुँऐं जाज्ड़े ने बाँणें, अरह् किऐ खाँणों-पिणों की चींजो भे छाँट्दे के तुँऐं ईनू भे ने खाऐ, किन्देंखे के पंण्मिश्वर ऐ बादी खाँणों की चींजो खाँणों खे ही बाँणीं थई, ईन्देंखे के बिश्वाषी अरह् संच्चाई की पछ़याण कर्णो वाल़े ईनू चींजो खे धन्यबाद देऐयों खाँव।

1 तीमुथियुस 4:8

किन्देंखे के देह्-शरीर के कसरत्त थोड़े देसो खे हों, अरह् ईन्दें लंई किऐ फ़ाय्दा ने हंदा; परह् पंण्मिश्वर की भगत्ति का लाभ सोभी बातो दा जीवन खे हिम्मत्त दियों; ऐसी बख्त्ते अरह् आँणों वाल़े जीवन का बाय्दा भे ईन्दीखे असो।