कुलुस्सियों 2:18 - Sirmouri

¹⁸ कुँऐं भे जुण्जा गंरबाई के देखावे खे, अरह् स्वर्गदूत्तों की पूजा करदा मंगन रंह्; अरह् से तुओं तियों दौड़ के ईनाँम शे दूर ने करी दियों; किन्देंखे के ऐष्णा आदमी देंखी अंदी बातो दा लागा अंदा रंह्; अरह आप्णी जाँण्कारी संहम्झ़ दा बैकार शियाँगियों।

सिरमौरी नौवाँ नियम

^18-19 सै शोरीर का मुंड औसौ। ऐजौ तैसकै दवारा हौंव कै शोरीर कै सौबी अंगो कै दैखभाल हौंव औरौ तिनु ऐक साथै राखी। तौ ऐजौ तैशैखै बौढ़ौ जैशै पौरमेशवर चांव कै ऐजौ बौढ़ौ। कोसी लैई बै आपणै बैज्जती नै कौरांव औरौ स्‍वर्गदूतौ कै आराधना कौरेयौ बैकार नै बौणौ। ऐशणै लोग दर्शनों दै शामिल हौंव, जू तिनु तिनकै मानसिक सोंच की बौजैह शै मूर्ख तरीकै शै घमण्‍ड शै भोरै दैंव। तिनुऐ मसीह कै छोड़े दिया।

कुलुस्सियों 2:18 ပူးပေါင်းရင်းမြစ်များ

मत्ती 24:24

“किन्देखे के झूठें मसीया अरह् झूठे पंणमिश्वर की बरंम्बाणीं कर्णो वाल़े, खड़े हले, अरह् से असरदार चींन-नीशाँणी दे:खाले, जे ऐशो हलो, तअ चूणें-छाँटे अंदे भे भरमाँऐं ज़ाले।

रोमियों 1:25

किन्देंखे के तिन्ऐ पंणमिश्वर के सचाऐ बद्ल़ियों झुठी बंणाई दिती, अरह् सृष्टि-धर्ती की सेवा करी, ना के तेसी सृजनहार पंणमिश्वर की जू सदा भागोईत असो! आमीन।

रोमियों 16:18

किन्देंखे के ऐष्णे लोग अमाँरे प्रभू मसीया के ने, परह् आप्णे पेटो के सेवा करह्; अरह् लट-पटी बातो लई सिधे-साधे मंन के लोग बह्काऐ दियों।

1 कुरिन्थियों 13:4

पियार सबैर असो, अरह् कृपा कर्णो वाल़ा असो; पियार डाह्-जल़्ण ने करदा; पियार आप्णी बड़ियाऐं ने करदा, अरह् शियाँगिन्दा ने आथी,

1 कुरिन्थियों 3:3

किन्देंखे के तुँऐं ऐभी तोड़ी भे बै-बिश्वाषी असो। हेबी भी तुँओं मुँझी डाह, झगड़े असो, तअ कियों तुँऐं हेभी तोड़ी भे आप्णा पाप मंऐं बिचार दे आथी ने? अरह् कियों तुँऐं हेभी भी आदमी के अज्ञाँ-निय्म दे चाल्दे ने?

1 कुरिन्थियों 4:18

कऐयों लोग तअ तिऐं ज़ूगै शियाँगी रूऐ, के जैष्णाँ हाँव तुँओं कैई कद्दी ने आँदी।

1 कुरिन्थियों 4:6

हे मेरे भाऐ बंईणों, मुँऐ ईनू बातो तुँवारी ताँईऐं अनाँणें दी बुली, के जुण्जों तुँऐं किऐ मुँह अरह् अपुल्लोस कैईं शो शिखी थुओ, के पबित्र-ग्रन्थों दो जुण्जो किऐ लिखी थो, तिन्दें शे उडे-पुडे ने टल़ै, अरह् ना ऐकी के पक्क्ष दे, अरह् ना ओकी के बिरोध कर्णो दा किऐ तारीफ करे।

1 कुरिन्थियों 8:1

ऐबे मुर्त्तियों के साम्णें चड़ाई अंदी बल़ी, के बारे दो आँमें जाँणों के आँमों सोभी कैई ज्ञाँन असो। अरह् ज्ञाँन लई तारीफ पय्दा हों; परह् पियारो लई आप्णी बड़ोत्री हों।

1 कुरिन्थियों 9:24

कियों तुँऐं जाँण्दे ने के रेस-दऊँड़ दे तअ बैजाऐ दऊँड़ो, परह् ईनाँम ऐके झोंणाँ नियों? परह् तुँऐं भे तियों रेस-दऊँड़ दे तिऐं दऊड़ो जू जित्ती ज़ाँव।

2 कुरिन्थियों 11:3

पर हाँव डरूऐं के जैष्णी शंगाव ऐं आप्णी चलाकी शी हव्वा बकाऐ थी, तैष्णें ही तुवाँरे मंन तियों सच्चाई, अरह् पबित्रता शे जू मसीया की गईलो हऐ चेंई, तिन्दें शे भ्रष्ट ने करी दियों।

2 कुरिन्थियों 12:20

किन्देंखे के मुँह डरह् असो, कद्दी ऐशो ने हईयों के हाँव आऐयों जेष्णों चहाँऊ, तेष्णें तुँओं ने दे:खू; अरह् मुँह भी जेष्णाँ तुँऐं ने चहाँदें तेष्णा ही दे:खो; अरह् तुँओं मुंझी झगड़ा, डाह, कोरूध, बिरोध, रीष, चुगली, घमन्ड, अरह् बखैड़ा हों;

इफिसियों 4:17

ईदेखे हाँव ऐजो बुलू, अरह् प्रभू दी ढाल-अरज करू; के जैष्णें गऐर यहूदी लोग आप्णें मंन की बै-कार रिती गाशी चालो, तुँऐं हेबी शुबे हजो ऐष्णें ने चालो।

इफिसियों 5:6

कुँऐं तुँओं खे बै-कार बातो शा धोखा ने दियों, किन्दें खे के ईनही काँम-काज़ के जाँणें; पंण्मिश्वर की सजा का कुरूध अज्ञाँ ना माँनणों वाल़े गाशी भड़को।

फिलिप्पियों 3:14

अरह् नीशाँणें के ढबे दोऊँड़दा ज़ाँऊ, जू सेजा ईनाँम पाऊँ, जिन्दे की ताँईऐं पंण्मिश्वर मुँह मसीया यीशू दा ऊँबा बय्दी थुवा।

कुलुस्सियों 2:23

ईनू बिद्धियों दे आप्णीं हिछ़्या के मुँताबिक बंणाँऐ अंदी, भगत्ती की रित्ति, अरह् गंरबाई, अरह् शारीरिक सभाव के भाव शा ज्ञाँन का नाँव तअ असो ऐ; परह् शारीरिक हिछयाँ रूक्णों खे ईन्दा किऐ भे फ़ाय्दा ने आथी।

कुलुस्सियों 2:4

हाँव ऐजो ईन्देंखे बुलू, के कुँऐं आदमी तुँओं लल़्चाणों वाल़ी बातो लई; तुओं खे धोखा ने दियों।

कुलुस्सियों 2:8

ईन्दें चौक्क्ष रूऐ, के कुँऐं तुँओं ईनू देखावे के ज्ञाँन अरह् बै-कार के धोखे दे आप्णें बष दे ने करी पाँव; जुण्जी के आदमी के रित्ति-रूवाज अरह् संईसारी के पुराँणी शिक्क्षा असो, जुण्जी के मसीया के हिसाब शी ने आथी।

1 तीमुथियुस 1:7

ऐ ऋषी-मूसा का निय्म-रूवाज के शिखाणें वाल़े तअ बंण्णों चहाँव, परह् जूण्जो किऐ ईन्ऐं बुली लो; अरह् जिनू बातो गाशी ईन्ऐं जोर देऐयों बुली लई, ईनू बातो ऐ आपु भे सम्झोंदे ने।

1 तीमुथियुस 4:1

परह् पबित्र-आत्त्मा ऐ साफ-साफ बुलो, के आँणो वाल़े बख्ते कैतोड़े लोग भरमाँणो वाल़ी आत्त्माओं के शिक्क्षाओं गाशी आप्णा मंन लाऐयों बिश्वाष शे भट्की ज़ादे।

2 पतरस 2:14

तिनकी आ:खी दे चोरी-जारी ही बसी अंदी हों, से चंचल मंन वाल़े लोग ही बकाँव, से लाल़्च कर्णो के आदी हऐ रूऐ, से पाप कर्णो शे रूकी ने सक्दे, अरह् से फींट्कारे-श्राप के अलाद असो।

1 यूहन्ना 2:26

ऐजो सब-कुछ मुँऐं तुँओं खे तबे लिखी थो, के कुँऐं तुँओं सच्चाई की बाटो शे भट्काणों के कोशिष करह्;

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 13:14

तिनू चींन-नसाँणी के जाँणें, जिनू तेथू बुणेंरों के जिऐ देखाणों का हंक-अधिकार थिया सेजा तेथ्खे दिया गुवा, से धर्ती दे रंहणों वाल़े भरमाँव थिया, अरह् धर्ती दे रंहणों वाल़े खे बुलो थिया, के जेसी बुणेंरो दी तरवारो की लागी रंऐ थी, सेजो ऊबो जीऊँदो हऐ रूवो, तेथ्की मुर्ती बाँणों।

प्रकाशितवाक्य 13:8

धर्ती के सेजे बादे रंहणों वाल़े, तैथू बूणेर के पुजा करह्, जिनके नाँव माँरे अंदे छ़ैल़्टे के जीवन की कताबे दे संईसारी की उत्पत्ति के बख्तो शे ऊँबे लिखे अंदे ने आथी।

प्रकाशितवाक्य 19:10

ईन्देंखे हाँव स्वर्गदूत्त खे नंमष्कार कर्णो खे लाँम्बा पसरियों तिनके लातो गाशी पड़ा। तिन्ऐ मुँखे बुलो, “देख, ऐष्णों ने करे, हाँव तेरा अरह् तेरे भाईयों का संगी दास असो, जू प्रभू यीशू की गुवाऐ-शाज़्त्त देंदा संईसारी दा आऐ रूवा। पंण्मिश्वर ही के लातो गाशी पसरियों नमंष्कार करह्;” किन्देंखे के प्रभू यीशू के गुवाऐ-शाज़्त्त ही ऋषियों के आत्त्मा असो।

प्रकाशितवाक्य 3:11

हाँव शीघा ही आँणों वाल़ा असो; जू किऐ ताँव कैई असो, तैथू थाँम्बड़ों अंदो थुऐं, जू कुँऐं तेरो मुँकुट-ताज ताँव कैई शो आगू ने द्ढ़ो।