कुलुस्सियों 2:16 - Sirmouri

¹⁶ ईन्देंखे के तुवाँरे खाँन-पाँन, के मैल़ा, के नुँऐं चाँद, के बिषाँव को देस दा, से तुवाँरा किऐ भे फ़ंऐस्ला ने करी सको।

सिरमौरी नौवाँ नियम

¹⁶ इथकारिए कोसी खै बै तुऔं धौखा ना दैणौ दैंव, औरौ खाणौ पिणौ की चीज़ौ या तैयार या नौवाँ चांद कै या विशांव कै दूस कै बारै मुंजी कोसी कै बै तोंवारा न्याय नै कौरणौ दैंव।

कुलुस्सियों 2:16 ပူးပေါင်းရင်းမြစ်များ

मत्ती 15:11

खाँणों-पीणों की चींजो लई आदमी पंणमिश्वर के नंजर दा अशुद्ध ने हंदी, परह् जुण्जो किऐं आदमी की ज़ात्ति शो निंक्ल़ों, तिन्दें लई आदमी पंणमिश्वर की नंजर दा अशुद्ध हों।”

मरकुस 7:19

किन्देंखे के सेजी चींज तेसी आदमी के सासो दे ने, परह् तेसके पेटो दे ज़ाँव, अरह् सेजी चीज तेस्के हगदी बई गूओ आरी निक्ल़ी ज़ाँव? ऐजो बुलियों प्रभू यीशू ऐ बादी खाँणों के चींजो शुद्ध बाणी।

प्रेरितो कै काम 15:20

परह् पत्र लीखियों तिन खे बुली दियों: के तुऐं लोग मुर्त्तियों की गंन्दगी शे, अरह् च़ूरी-जारी शे, अरह् गल़ा घूट्टै हलाल करें अंदे बंईच़ियों के माँस शे, अरह् लह्ऊँ के खाँणों-पीणों शा, पहरेज करियों दुर्के ही रूऐ।

रोमियों 14:10

तू आप्णे भाऐ-बंईण कसूरबार कैई बाँणें? अरह् कैईं तू आप्णा भाऐ-बंईण छुटे जाँणें? आँमें बादे के बादे पंणमिश्वर के नियाँव के सिगास्णों के साम्णें खड़े हंदें।

गलातियौं 4:10

तुँऐं आपु खे कुँऐ खास देस, अरह् कुँऐं खास भीना, अरह् कुँऐ खास पर्भे, अरह् कुँऐ खास बर्ष कैई माँनों।

कुलुस्सियों 2:20

किन्देंखे के जबे तुँऐं संईसारिक ज्ञाँन की तरफ़ शे मसीया आरी मँरी गुऐ, तअ ऐबे तुवाँरी जीऊँणों के रीत्त ऐष्णीं कैई असो? जेष्णीं के संईसारी के ईनू निय्मों के बष दी हों।

इब्रानियों 13:9

बदल़ी अंदी कंई किस्म की शिक्क्षा के बंहकावे दे ने आऐ; अरह् अमाँरे दिल खे ऐजो ठीक असो, के कृपा के कारण तेसी पाक्का करा ज़ाँव; ना के खाणों-पीणो की चीजो के जाँणें; किन्देंखे के खाणों-पीणों के रित्ति-रूवाज के जाँणें कोसी का किऐ भे भला ने हंदी।

इब्रानियों 9:10

ईन्देंखे से सिर्फ खाँणों-पीणों की चींजो अरह् भाँत्ती-भाँत्ती के नहाँण की बिदी-निय्म के मुँताबिक देह्-शरीर खे अज्ञाँ-निय्म असो; जुण्जे सुधार के बंख्त्तो तोड़ी बंणाँऐ गुऐ थिऐ।

याकूब 4:11

हे भाऐ बंईणों, ओका ओकी के बदनाँमी ने करे, किन्देंखे के जुण्जे भाऐ बंईणों ओका ओकी के नीदया-बदनाँमी करह्, के आप्णें भाऐ कसूरबार बाँणों; से अज्ञाँ-नीय्म के बदनाँमी करह्; अरह् अज्ञाँ-नीय्म कसूरबार बाँणों; अरह् जे तू अज्ञाँ-नीय्म दा चाल्णों वाल़ा ने, परह् तिन्दे का नींयाँईच़ू बंणें।