कुलुस्सियों 2:15 - Sirmouri

¹⁵ अरह् पंण्मिश्वर ऐं हाकमों अरह् अधिकारियों लोग खाली करियों, तिनू आप्णीं जीत्त की खुशी दे खुल्म-खुलै हंस्णों खे करी दित्ते।

सिरमौरी नौवाँ नियम

¹⁵ औरौ पौरमेशवरे मसीह कै क्रूस पांदी मौरणौ कै दवारा दुनिया कै औधिकारो औरौ प्रधानताओं कै हरायो तिनु सौबी कै सामणै बैज्जत कौरे औरौ तिनु पांदी जीतेयो तिनका खुलैआम तमाशा बाणा।

कुलुस्सियों 2:15 ပူးပေါင်းရင်းမြစ်များ

मत्ती 12:29

“भला ऐजो केशो हऐ सको, के कुँऐं आदमी कोसी मुँह्ड़ो को घर मुँह्ड़ाईऐ लुटी सको; अरह् जाँव तोड़ी से आगे तेसी मुँह्ड़ आदमी बाँनी ने दियों? तबे ही से तेस्को घर लुटी सको।”

लूका 10:18

प्रभू यीशू ऐ तिनखे बुलो, “मुँऐं दुष्टो का राजा शैतान बिजूल़ी जैऐ स्वर्गो शी ऊँदी पड़्दे दे:खी थऐ।

लूका 11:22

परह् जे कुँऐं तैच्छ़ा भे बड़ा तागत्तबर आदमी तैसी गाशी हमला करला तअ सेजा ओका बल़वान आदमी तैस्को बादो सब-कुछ लुटियों नींह्दा; अरह् तैस्के सेजे हथ्यार भे जिन्दे गाशी तैसी भूर्षा हों, सेजे भे तैच्छ़ै आगु दड़्दा, अरह् तैस्की बादी धन-संम्पत्ति लुटियों बाँडी देंदा।

यूहन्ना 16:11

नियाँव के बारे दो; ईन्देंखे के संईसारी का हाकम शैतान दोषी-कसूरबार बंणाँऐ पाया।

यूहन्ना 19:30

जबे प्रभू यीशू ऐ तेसी सिरका चाखा तअ बुलो, के “सब-कुछ पुरो हंऐ गो।” अरह् तिन्ऐं आप्णों मुँढ नाँऐयों आप्णें प्राँण छुह्ड़ी दित्ते।

1 कुरिन्थियों 15:24

तबे अंन्त्त हंदा। तेसी बख्ते सेजे बादे हाक्म, अधिकार, अरह् शक्त्ति का अंन्त्त करियों राज परमं-पिता पंणमिश्वर के हाथो दा देऐ देंदे।

2 कुरिन्थियों 2:14

परह् पंण्मिश्वर का धन्यबाद हों, जू मसीया दी सदा आँमों खे जय की खुशी दे नियों फिरह्, अरह् आप्णें ज्ञाँन की खुष्बू अमाँरे जाँणें ढिक्को हर जागे दी फईलाऐ दियो।

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

इफिसियों 3:10

जू ऐबे कलीसिया के जाँणें पंण्मिश्वर का साँत्त-भाँत्ता ज्ञाँन तिनू हाकमों गाशी अरह् अधिकारियों गाशी जू स्वर्गिऐं जागा दे असो, तिनू कैई पर्गट करा ज़ाँव।

इफिसियों 4:8

ईदेखे पबित्र-ग्रन्थों दो ऐजो लिखी थुओं: के “से ऊँबे ऊँगलै हुटे, अरह् कय्दी बानियों नीऐ, अरह् तिन्ऐं आदमी खे दाँण-बरंदाँण दित्ते।”

इफिसियों 6:12

किन्देंखे के अमाँरा ऐजा मल़-ज़ूध, आदमी आरी ने; परह् हाकमों शा, अरह् अधिकारियों शा, अरह् ईयों संईसारी की अंधेर कर्णो वाल़े, अरह् अस्माँनों की दुष्ट-आत्त्माँओं आरी असो;

कुलुस्सियों 1:16

किन्देंखे के तेसी के जाँणें बादी चींजो के रंचणाँ हऐ, स्वर्गो की, अरह् धर्ती की, देखी भाँव ना देखी, का सिगाँस्ण, अरह् का हंक-अधीकार, राजा भाँव हाकम सब-कुछ़ तिनकी ही ताँईऐं बंणाँऐं थुओ।

कुलुस्सियों 2:10

अरह् तुँऐं तिनही दे भर-पुर हंऐ गुऐ, जुण्जें हाकम अरह् हंक-अधिकारियों का मुँख्या असो।

इब्रानियों 2:14

ईन्देंखे के अलाद लंह्ऊँ अरह् माँस के हों, अरह् तबे मसीया यीशू भे लंह्ऊँ अरह् माँस के बंणीं गुऐ, के मऊँती के कारण से तेसी मतल्व शैतान जेस्दे मंऊँत्ती के शक्त्ति थी, तेसी तिन्ऐ नाँष करी दिता।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 20:10

तबे शैतान, जेने तिनकी गंईलो छ़ल करा थिया; तेसी आग अरह् गंन्धक की झ़ील दा फ़ेरकाऐ दिता, जेथै सेजो खराब बुणेंर अरह् झ़ुठै ऋषी भे फ़ेरकाऐ थुऐ थिऐ; तेथै तिनकी ज़ूगौ-ज़ूगौ खे चोरी करी ज़ाली, अरह् से तड़फंदे रंह्ले।