कुलुस्सियों 1:9 - Sirmouri

⁹ ईन्देंखे जेसी देसो शुभों आँमें ऐजो शुँणी थुओ, तेसी देसो शुँभे आँमें भे तुँओ खेे ऐजी प्रार्थना अरह् बिन्त्ती कर्णी ने छुड़्दे, के तुँऐं बादे आत्त्मिक ज्ञाँन अरह् सम्झ लई पंण्मिश्वर के हिछ़या के पछ़याँण दे डटे अंदे, अरह् भर-पुर हंऐ ज़ाव।

सिरमौरी नौवाँ नियम

⁹ इथकारिए जैसी दूसौ दो ऊबु आमुए ऐजौ शौणै राए आमै बै तुऔं कारिए लगातार प्रार्थना औरौ बिन्ती कौरु; कै पौरमेशवर कै आत्मा तुऔं ज्ञान औरौ सौमझ दैंव ताकि तुऐं तैसकै इछा कै पूरी तरह शै सौमझै सौकौ।

कुलुस्सियों 1:9 ပူးပေါင်းရင်းမြစ်များ

यूहन्ना 7:17

जे कुँऐं आदमी पंण्मिश्वर की हिछ़या पुरी कर्णो का परण करह्, तअ से ऐजो जाँणी पाँदा; के ऐजी शिक्क्षा पंण्मिश्वर की तरफ शी असो; के मेरी तरफ शी असो।

प्रेरितो कै काम 12:5

जबे संत्त-पतरस गाशी ऐष्णा पंऐरा लुवाऐ थुवा थिया, तअ कलीसिया के लोग तेस्की ताँईऐ पुरे मंन शी पंण्मिश्वर कैई प्रार्थना कर्दे लागी रूऐ थिऐ।

रोमियों 12:2

ईयों संईसारी के जेष्णें ने बंणें; परह् तुवाँरे मंन नुऐं हंणों लई, तुवाँरा चाल-चल़्ण भे बद्ल़ी दियों, जू तुवाँरे जाणियों के पंणमिश्वर तुँओं खे का चहाँव, अरह् तिनकी नंजरी दो का आछ़ो भाव्णों वाल़ो, अरह् परीपुर्ण असो।

1 कुरिन्थियों 1:5

के तिन्दें संमाऐयों तुँऐं हर बातों दे मतल्व बादे बचन दे अरह् साँत्त-भाँत्ते ज्ञाँन दे धनवाँन बंणाऐं गुऐ

इफिसियों 1:8

सेजी कृपा तिन्ऐं आँमों गाशी बैजाऐ करी, अरह् तिन्ऐ बुद्धीमाँनी अरह् संह्म्झ़दारी आँमों खे दिती।

इफिसियों 5:10

अरह् ऐशो परख-अजमाँव के प्रभू के का आच्छ़ो लागो।

इफिसियों 5:17

ईदेखे बैसम्झ ने बंणे, परह् ध्याँन शो संह्म्झों के प्रभू की हिछ़या का असो।

इफिसियों 6:6

आदमी के खुश कर्णो वाल़े जिऐ देखावे खे ने, परह् मसीया के दासो के जीऐ मंन शी पंण्मिश्वर की हिछ़या गाशी चालो;

फिलिप्पियों 1:4

अरह् जबे कभिऐ तुँओं सोभिखे प्रार्थना करू, तअ सदा आँनन्द-खुशी आरी प्रार्थना करू।

कुलुस्सियों 1:6

जू तुँओं कैई पऐची रूआ, अरह् जेष्णाँ संईसारी दा भे फल़ लेआँव अरह् से बढ़दा ज़ाँव, तेष्णा ही जेस देसो शे तुँऐं तेसी बचन शुँणा अरह् सच्चाई शी पंण्मिश्वर की कृपा जाँणी, अरह् सोत्तिखे सम्झ़ी पाऐ।

कुलुस्सियों 3:16

मसीया की शिक्क्षा ठीक-ढंग शा तुँओं दा बास करह्, तुँऐं बड़ी सम्झदारी शे ओका ओकी खे शिक्क्षा अरह् ज्ञाँन देईया करह्; अरह् आप्णें-आप्णें मंन दा कृपा आरी पंण्मिश्वर का धन्यबाद देंदे-देंदे, तिनके भजन; सतुति अरह् आत्त्मिक गीत गाया करह्;

कुलुस्सियों 4:12

भाऐ-इपफ्रास, जू तुँओं मुझ्षा असो, अरह् मसीया का दास असो, तुँओं खे नमंष्कार बुलो, अरह् सदा तुँओं खे प्रार्थना दा लागा अंदा रंह, जिन्दे लई तुऐ लोग बादी बातो दे पंण्मिश्वर के हिछ़या पुरी करियों, पुरी कर्णो दे पाक्के बंणों।

कुलुस्सियों 4:5

बख्त्त-मुक्का किम्त्ती जाँणियों बाईले आरी बुद्धीमाँनी शा बर्ताव करे।

1 थिस्सलुनीकियों 1:3

अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

1 थिस्सलुनीकियों 5:17

सदा प्रार्थना दे लागे रंह्।

2 थिस्सलुनीकियों 1:11

ईन्देंखे आँमें तुँओं खे सदा प्रार्थना भे करह्, के अमाँरा पंण्मिश्वर तुँओं ईयों बुलाट ज़ूगै सम्झो, अरह् भलाई की बादी हिछा अरह् बिश्वाष की बादे काँम-काज़ के शक्त्ति शी पुरी करह्,

फिलेमोन 1:4

हाँव सदा पंण्मिश्वर का धन्यबाद करू, अरह् आप्णी प्रार्थना दा भे ताँव चित्तै करू,

फिलेमोन 1:6

हाँव प्रार्थना करू, के बिश्वाष दा तेरा साथी बंणू, तुँवारी बादी भलाई की पछयाँण दा, मसीया की ताँईऐं असरदार बंणू।

इब्रानियों 10:36

किन्देंखे के तुँओ खे शाँन्ति-सबैर थणाँ जरूरी असो, जू पंण्मिश्वर के हिछ़या पुरी करियों तुँओं तेसी बाय्दे का प्रत्तिफल़ भेंटो।

इब्रानियों 13:21

तुँऐं हर ऐक आच्छ़ी अरह् भली बातो खे साच्चै बणों, तिन्दे लई तुँऐं पंण्मिश्वर की हिछ़या पुरी करह्, अरह् जू कुछ तिनू आछो लागो, सेजो प्रभू यीशू मसीया के कारण आँमों दो पर्गट करह्, तिनकी ही बड़ियाऐ सदा ज़ूगौ-ज़ूगौ तोड़ी हंदी रंह्। आमीन।

याकूब 1:5

परह् जे तुँओं मुँझी कोसी दे ज्ञाँन-बुद्धी कि कमी-घटी असो, तअ से पंणमिश्वर कैई शी माँगों, से तेस्खे खुशी शी दया-रंय्म करियों दियों, अरह् से तेस्खे ही देऐ ज़ाली।

याकूब 3:17

परह् जुण्जा ज्ञाँन स्वर्गो शा आँव, से आगे तअ पबित्र हों, तबे मिल्नसार, कोमल, मित्रता, दया-रंय्म, अरह् आछ़ै फल़ शा लदा अंदा अरह् बिना अप्णोंट वाल़ा, अरह् बिना कपट का शुद्ध हों।

1 पतरस 2:15

किन्देंखे के पंणमिश्वर के हिछ़या ऐजी असो, के तुँऐं भली आच्छ़ी काँम-काज़ के जाँणें मुरूख बै-अकले लोगो की बै-अकली बातो बंद करह्।

1 पतरस 4:2

ईन्देंखे से हजो आदमी की बुरी हिछ़्या के मुताबिक ने, परह् पंणमिश्वर की आछ़ी हिछ़या के मुताबिक जीवन बिताँव।

1 यूहन्ना 2:17

संईसारी अरह् तिन्दे की हिछ़या दुईनें मिटी ज़ाँव, परह् जुण्जा पंण्मिश्वर की हिछ़या गाशी चालो, से सदा-सदा पंण्मिश्वर दा बंणा अंदा रंह्दा।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।