कुलुस्सियों 1:29 - Sirmouri

²⁹ ईन्देंखे हाँव तिनकी तियों शक्त्ति के मुँताबिक, जुण्जी मुँदी तागत आरी असर पाँव, तिन्देंखे हाँव तन-मंन लाऐयों मेंह्नत भे करू।

सिरमौरी नौवाँ नियम

²⁹ औरौ ऐजौ पूरु कौरणौ कारिए हांव कड़ी मैहनत औरौ संघर्ष कौरु, तियौं अनौखी शौकतै कै इस्तैमाल कौरदै बैई जू मसीह दैंव औरौ जू मैरै भीतरै काम कौरौ।

कुलुस्सियों 1:29 ပူးပေါင်းရင်းမြစ်များ

लूका 13:24

“साँगड़ी देओल़ी दो भिटो ज़ाणों कठींण हो, परह् तुँऐं भे कोशिष करह्; किन्देंखे के हाँव तुँओं खे बुलू, के कोशिष कर्णो गाशी भे भहिते लोग तिन्दें दाखिल ने हऐ बल़्दे।

रोमियों 15:20

परह् मेरे मंन के हिछ़या ऐजी असो, के जेथै-जेथै मसीया का नाँव ने लईदा तेथै ज़ाईयों खुषख्बरी शुणाँऊ, ऐशो ने हईयों के ओकी की तल़ी-पह् गाशी घर बंणाँऊ।

रोमियों 15:30

हे भाऐ बंईणों, अमाँरे प्रभू यीशू मसीया के अरह् पबित्र-आत्त्मा को पियार चित्ते कराऐयों हाँव तुँओं खे ढाल-अरज करू के मेरी ताँईऐं पंणमिश्वर शी प्रार्थना कर्णो खे मेरी गईलो मीलियों मंगन रूऐ

1 कुरिन्थियों 12:11

परह् ऐजी बादी शक्त्ति-शाली काँम-काज़ तियों ही ऐक पबित्र-आत्त्मा शा दिया ज़ाँव, अरह् से जेस्खे जुण्जों किऐं देंणों चहाँव सेजो बाँडा-बाँडियों दियों।

1 कुरिन्थियों 12:6

अरह् शक्त्तिशाली काँम-काज़ भे बैजाऐ असो, परह् पंणमिश्वर ऐक ही असो, जू सोभी दा साँत्त-भाँता आप्णा असर पय्दा करह्।

1 कुरिन्थियों 15:10

परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

2 कुरिन्थियों 11:23

कियों सेही मसीया के दास असो; हाँव झाले को जैष्णों बुलू, हाँव तिन शा बड़ियों असो! जादा मेंह्नत्त कर्णो दा; बार-बार कय्द हंणों दा; कोड़े खाँणों दा; बार-बार मंऊँती के मुँहों दा;

2 कुरिन्थियों 13:3

किन्देंखे के तुँऐं तअ ईन्दें का नंतीजा जाँणोंऐं, के मसीया मुँह कैई बुलोऐ; जू तुँओं खे कंंमजोर ने परह् तुँओं दा शक्त्तिशाली असो।

2 कुरिन्थियों 5:9

ईन्देंखे अमाँरे मंन के ऐजी हिछ़ा असो, के आँमें साथी रंह् भाँव ज़ई, परह् आँमें तिनू भाँदे रंह्।

2 कुरिन्थियों 6:5

कोड़े खाँणों दे, कय्द हंणों दे, हारकुँण्जी दे, मेहन्त्त दे, बीऊँजी रंहणों दे, बरत कर्णो दे,

इफिसियों 1:19

अरह् तिनकी शक्त्ति जू आँमों खे देऐ थई, तिन्दे के बरा-बरी तुल्णा किनदी आरी ने हंदी; अरह् से बैजाऐ बड़ी असो, सेजी शक्त्ति आप्णी बड़ी असरदार लई कैत्री महाँन असो।

इफिसियों 3:20

ऐबे जुण्जा ऐष्णा शँक्त्तिशाली असो, के अमाँरे ढाल-अरज अरह् सम्झ शे बैजाऐ बड़े काँम-काज़ करी सको, तियों शँक्त्ति के मुँताबिक जुण्जी आँमों दे काँम-काज़ करह्;

इफिसियों 3:7

पंण्मिश्वर ऐ आप्णी शँक्त्ति के अधिकार शे मुँखे ऐजी कृपा देऐ थऐ, के हाँव तेसी खुषख्बरी का दास बणू;

फिलिप्पियों 1:27

सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

फिलिप्पियों 1:30

अरह् तुँओं ऐष्णा ही मुकाब्ला करणा पड़ला; जेष्णाँ मुकाब्ला तुँऐं मुँह कर्दें देखी थुवा; अरह् हाँव हेबी भी सेजा ही मुकाब्ला करू, जिन्दे के बारे दो तुँऐं शुँणों हले।

फिलिप्पियों 2:13

पंण्मिश्वर आप्णी आच्छ़ी हिछ़या पुरे कर्णो खे, तुँओं दी तेस्की हिछ़ा पय्दा करह्; अरह् तिन्दे के मुँताबिक शा काँम-काज़ कर्णो के तागत भे दियों।

फिलिप्पियों 2:16

अरह् जीवन देणों वाल़ी खुषख्बरी शुणाँदें रंह्, तेशे दाँई मसीया के आँणों वाल़े देसे ईयों बातो गाशी हाँव तारीफ करूबा के मेरी भाग-दोऊँड़ अरह् मेरी मेंह्नत बै-कार ने गंई।

कुलुस्सियों 2:1

हाँव चहाऊँ के तुँऐं जाँणी पाव, के तुवाँरे अरह् तिनखे जुण्जे लौदीकिया नंगर दे असो, अरह् तिनू सोभिखे जिन्ऐं मुँह आँम्णें-सहाँम्णें ने देखी थई, के हाँव केष्णी मेंह्नत्त करू।

कुलुस्सियों 2:12

अरह् जबे तुँऐ नहाँण-नहाँणों लई तिनकी गंईलो दाबे गुऐ; तअ तिनही की गंईलो बिश्वाष दे तुओं ऊँबे भे जीयाल़े गुऐ; जुण्जो के पंण्मिश्वर की शँक्त्ति लंई हों, जिन्ऐं मसीया भे मँरे अंदे मुँझ़्शे पाछ़ु ऊँबे जीयाल़ी थुऐ।

कुलुस्सियों 4:12

भाऐ-इपफ्रास, जू तुँओं मुझ्षा असो, अरह् मसीया का दास असो, तुँओं खे नमंष्कार बुलो, अरह् सदा तुँओं खे प्रार्थना दा लागा अंदा रंह, जिन्दे लई तुऐ लोग बादी बातो दे पंण्मिश्वर के हिछ़या पुरी करियों, पुरी कर्णो दे पाक्के बंणों।

1 थिस्सलुनीकियों 2:9

किन्देंखे के, हे भाऐ-बंईणों, तुँऐं अमाँरो छियाँईतोंण अरह् चरी चित्ते करह्; आँमें रात-देस काँम कर्दे तुँओं मुझी पंण्मिश्वर की खुषख्बरी शुँणाँऐं के तुँओं कोसी गाशी भी आँमें बोझ़ ने बंणों।

2 थिस्सलुनीकियों 3:8

अरह् कोसी की रोटी फाल़्तू दी ने खाँई; परह् मेह्न्त अरह् कष्टे शी रात-देस काँम-काज़ करियों, के आँमें कोसी ओकी गाशी बोह्झ़ ने बंणों।

2 तीमुथियुस 2:10

ईन्देंके कारण हाँव च़ूंणें-छाटे अंदें लोगो की ताँईऐं सब-कुछ सऐन करू, के से भे तेसी छ़ुट्कारा जुण्जा के मसीया यीशू दा असो; से तेसी भे सदा की बड़ियाई आरी पाँव।

इब्रानियों 12:4

हेबी तोड़ी तुऐं आप्णें पाप शो लड़्दी बई आप्णों लह्ऊँ ने बुवाऐ थिंई।

इब्रानियों 13:21

तुँऐं हर ऐक आच्छ़ी अरह् भली बातो खे साच्चै बणों, तिन्दे लई तुँऐं पंण्मिश्वर की हिछ़या पुरी करह्, अरह् जू कुछ तिनू आछो लागो, सेजो प्रभू यीशू मसीया के कारण आँमों दो पर्गट करह्, तिनकी ही बड़ियाऐ सदा ज़ूगौ-ज़ूगौ तोड़ी हंदी रंह्। आमीन।

प्रकाशितवाक्य 2:3

तुऐं धीरज-सबेर थुऐ, अरह् मेरे नाँव खे दु:ख्ह भोग्दे-भोग्दे तुँऐं खड़िन्दें ने आथी।