कुलुस्सियों 1:27 - Sirmouri

²⁷ जिन कैई पंण्मिश्वर ऐ पर्गट करणा चाया, के तिन कैई ऐजा ज्ञाँन हों, के गऐर यहूदी कैई तेसी भेद् की बड़ियाऐ का मोल का असो, अरह् से ऐजो असो, के मसीया जेस्दा बड़ियाऐ का भूर्षा असो, से तुँओं दे बास करह्।

सिरमौरी नौवाँ नियम

²⁷ जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

कुलुस्सियों 1:27 ပူးပေါင်းရင်းမြစ်များ

मत्ती 13:11

तबे प्रभू यीशू ऐं जबाब दिता, “तुँओं खे स्वर्गो के राज्य के भेद् की संम्झ देऐ थंऐ, परह् ईनखे ने देऐ थंई।

लूका 17:21

कोऐं भे लोग ऐजो ने बुली सक्दे के ‘दे:खो, से ईथै असो’, के ‘से ऐथै असो’; किन्देंखे के पंण्मिश्वर को राज्य तुँवारी बिचो दो ही असो।”

यूहन्ना 14:17

सच्चाई की आत्त्मा, जियों ईऐ संईसारी ऐ धारण ने करी; किन्देंखे के संईसारी ना तअ तियों देख्दे, अरह् ना तियों जाँण्दे; परह् तुँऐं तअ तियों जाँणों ऐ, किन्देंखे के से तुओं दा बास करह्; अरह् से तुओं दी हमेशा बंसी अंदी रंह्दी।

यूहन्ना 14:20

तेसी देसे तुँओं कैई ऐजा पता लागला, के हाँव आप्णें बाबा दा असो; अरह् तुऐं मुँह्दें असो, अरह् हाँव तुओं दा बसा अंदा असो।

यूहन्ना 14:23

प्रभू यीशू ऐ तेस्खे जबाब दिता, “जुण्जा कुँऐं मुँह आरी प्यार करला, से मेरे बचन का पाल़्ण करदा; अरह् मेरा बाबा तेसी आरी प्यार करदा, अरह् आँमें तेसी कैई आऐयों तेस्की गंईलो रंह्ऊँबे।

यूहन्ना 17:26

मुँऐ तुओं तिनू गाशी पर्गट करी पाऐ, अरह् पर्गट करदा रंह्ऊँबा; के जेसी प्यार शो तुऐं मुँह आरी प्यार करी थों, तेष्णों ही प्यार तिन मुँझीं भे बंसी ज़ाँव, अरह् हाँव भे तिन दा बास करू।”

यूहन्ना 6:56

अरह् जुण्जा मेरी देह्-शरीर खाँव, अरह् मेरो लह्ऊँ पीयों, से सदा मुँदा बास करदा, अरह् हाँव तेस्दा बसा अंदा रंह्दा।

रोमियों 11:33

आहा! पंणमिश्वर को धन, अरह् बुद्धी, ज्ञाँन का ही बड़िया असो! तिनके बिचार कैशे अथाऐं, अरह् तिनकी बाटो ऐत्री शुभाल़ी असो जिन्दें का किऐं बखाँण ने करा ज़ादा!

रोमियों 2:4

कियों तू तिनकी दया-रंय्म, अरह् सय्नशिल्ता, अरह् धीरजरूपी धन, बै-कार जाँणें? कियों तू ऐजो जाँण्दा ने, के पंणमिश्वर की दया-रंय्म ताँव कैई शी बुरे काँम-काज़ शा मंन बद्ल़्णों शिखाँव?

रोमियों 5:2

जेस्के जाँणें बिश्वाष के कारण तियों कृपा तोड़ी जिन्दें आँमें बंणें अंदें असो, अरह् तिन्दी अमाँरी पहऊँच भे हंऐ, अरह् पंणमिश्वर की बड़ियाऐ की भूर्षें गाशी आँमें आँनन्द करह्।

रोमियों 8:10

पाप के जाँणें तुवाँरा देह्-शरीर मंरा अंदा असो; तबे भे मसीया तुँओं दा बास करह्, जे मसीया तुँओं दा बास करह्; तअ तुँऐं पंणमिश्वर की नंजरी दे बै-कसूर बंण्णों के जाँणें जींऊँदे असो।

रोमियों 9:23

पंणमिश्वर ऐष्णों ईन्देंखे करह्, के से दया-रंय्म के तिनू बासंणों गाशी, आप्णी बड़ियाऐ के शाँन-शक्त्त पर्गट करणी चहाँव थिऐ, जिनू तिन्ऐ आप्णे संईसारी के शुरू शे ही आप्णी बड़ियाऐ खे ही तियार करी थुऐ थिऐ।

1 कुरिन्थियों 3:16

कियों तुँऐं जाँण्दे ने के तुँऐं पंणमिश्वर के देऊँठी असो; अरह् पंणमिश्वर के आत्त्मा तुँओं दी बास करह्?

2 कुरिन्थियों 2:14

परह् पंण्मिश्वर का धन्यबाद हों, जू मसीया दी सदा आँमों खे जय की खुशी दे नियों फिरह्, अरह् आप्णें ज्ञाँन की खुष्बू अमाँरे जाँणें ढिक्को हर जागे दी फईलाऐ दियो।

2 कुरिन्थियों 4:17

किन्देखे के अमाँरा ऐगड़ी का दाँणिंक जिया कल़ेष आँमों खे बैजाऐ प्रभू यीशू के अरह् हमेशा की बड़ियाऐं पय्दा करदा ज़ाँव जिन्दें बरा-बरी ने करी ज़ादी;

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

2 कुरिन्थियों 6:16

अरह् मुर्तियों आरी पंण्मिश्वर की देऊँठी का नाँता का असो? किन्देंखे के आँमें तअ जीऊँदें पंण्मिश्वर की देऊँठी असो; जैष्णों पंण्मिश्वर बुलो, “हाँव तिनू दा बास करूबा; अरह् तिनू मुझी चाला फिरा करूबा; अरह् हाँव तिनका पंण्मिश्वर हंऊँबा; अरह् से मेरे लोग हंदे।”

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

गलातियौं 4:19

हे मेरे नहाँन्ड़िया! जाँव तोड़ी तुँऐं मसीया का रूप जिया ने बणे, ताँव-तोड़ी मुँऐं सुणों की जेई पिड़ो सह्ऐ लई।

इफिसियों 1:7

अरह् तिनही दे आँमों खे बैजाऐ कृपा के मुँताबिक तिनके ही लंह्ऊँ के जाँणें छ़ुट्कारा अरह् अमाँरे अपराधों की माँफी भेटी।

इफिसियों 2:22

अरह् तिनही के जाँणें तुँऐं लोग भे पबित्र-आत्त्मा दे पंण्मिश्वर खे ऐक रंहणों की जागा बंणों।

फिलिप्पियों 4:19

मेरा पंण्मिश्वर भे आप्णे तेसी धन के मुँताबिक शो जू बड़ियाऐ लई, मसीया यीशू दा असो, तुँवारी ऐक नाँम घटी पुरी कर्ले।

कुलुस्सियों 1:5

तुवाँरा बिश्वाष अरह् प्यार तियों भुर्षें गाशी असो, जू स्वर्गो दो तुँओं खे असो, अरह् जिन्दे के बारे दो तुँऐं साच्ची खुषख्बरी के प्रचारो दो शुँणी थो;

कुलुस्सियों 2:3

जिन्दे बुद्धी अरह् ज्ञाँन के भंडार छ़ुप्पै असो,

कुलुस्सियों 3:11

तिदा ना तअ कुऐं यूनानी रंई, अरह् ना यहूदी; ना खतना वाल़े, अरह् ना खतना के बिना, ना जागल़ी, ना स्कूती, ना दास, अरह् ना अजाद: सिर्फ मसीया ही सब-कुछ असो, अरह् सोभी दा बसा अंदा असो।

1 तीमुथियुस 1:1

संत्त-पौलुस के ढबे शा, जू अमाँरे मुँक्त्ति देणों वाल़े पंण्मिश्वर, अरह् अमाँरे भुर्षें के मुँताबिक शा मसीया यीशू की अज्ञाँ शा खास-चैला बंणी रूआ,

इब्रानियों 6:19

सेजा बिश्वाष अमाँरे पराँणों खे पाक्ड़ असो, जू अट्ल़ अरह् पाक्का असो, अरह् तेसी पड़्दे के भित्त्ले शे भित्त्ले जागें दे पंईचाल़ी दियों।

1 यूहन्ना 4:4

हे प्यारे नहाँन्ड़िया, तुँऐं पंण्मिश्वर के असो, झूठे ऋषी तुँऐं हराऐ पाऐ; किन्देंखे के जुण्जा तुओं दा बास करह्, से तैच़्छ़ा बड़ा असो; जुण्जा संईसारी दा असो।

प्रकाशितवाक्य 3:20

देख, मुँऐं देऊँल़ी कैई खड़े हऐयों दुवार ठक-ठकाऐ लुवो; जे कुँऐं मेरो ठकठकाँणों शुँणियों मुँखें दुवार खुल़्ला, तअ हाँव तेसी कैई भिटा आऐयों, तेस्की गईलो भोजन करूबा अरह् से भे मेरी गईलो भोजन करला।