कुलुस्सियों 1:2 - Sirmouri

² सेजे पबित्र भाऐ, बईणों जू मसीया गाशी बिश्वाष करियों कुलुस्से नंगर दे रंह् थिऐ, तिनखे अमाँरे पिता पंण्मिश्वर की ढबे शी कृपा, अरह् शान्त्ति भेट्दी रंह्।

सिरमौरी नौवाँ नियम

² ऐजै चिट्टी मसीह दै तिनु पवित्र औरौ भोरोशे लायक भाईयों खै नांव औसौ जू कुलुस्‍से शहर दै रौंव। अमारा पिता पौरमेशवर तुऔं अनुग्रह औरौ शान्तै दैंदा रौंव।

कुलुस्सियों 1:2 ပူးပေါင်းရင်းမြစ်များ

प्रेरितो कै काम 9:13

परह् हनन्याह ऐ बुलो, “हे प्रभू! मुँऐ कंई लोगों कैई शो शुँणीं थो; के ऐने आदमी ऐं यरूशलेम दे तुवाँरे भगत्तों गाशी अत्त्याचार करी थुवा।

रोमियों 1:7

तिनू सोभी के नाँव जू रोम दे पंणमिश्वर के प्यारे असो, अरह् पबित्र लोग बण्णों खे बय्दी थूऐ: अमाँरे परमं-पिता पंणमिश्वर अरह् प्रभू यीशू मसीया की ढबे शी तुँओं खे कृपा अरह् शाँण्त्ति भेट्दी रंह्।

1 कुरिन्थियों 1:2

पंणमिश्वर की तियों कलीसिया खे जुण्जी कुरिन्थिस नगर दे असो, मतल्व तिनखे भे जुण्जे मसीया यीशू दे पबित्र करे गुऐ, अरह् पबित्र हंणों खे बईदे गुऐ; अरह् तिनू सोभी खे भे जुण्जे हर जागें दी अमाँरे प्रभू अरह् तिनके प्रभू यीशू मसीया के नाँव शी प्रार्थना करह्।

1 कुरिन्थियों 4:17

ईन्देंखे मुँऐं तीमुथियुस जू प्रभू दा मेरा प्यारा अरह् बिश्वाषों ज़ूगा बैटा असो, तेसी मुँऐं तुँओं कैई डियाल़ी थुवा। से तुँओं कैई शी मसीया दे मेरी चाल-ढाल चिते कराँदा, जैष्णी के हाँव ढीको हर जागे दी बादी कलीसिया खे शिक्क्षा देऊँ।

गलातियौं 1:3

परंम-पिता पंण्मिश्वर अरह् अमाँरे प्रभू यीशू मसीया के ढबे शी तुँओं खे कृपा अरह् शाँण्त्ति भेंटी चेंई।

गलातियौं 3:9

ईन्देंखे सेजे लोग जू बिश्वाष कर्णो वाल़े असो, सेजे बिश्वाषी भे अब्राहम की गईलो आशिर्बाद पाव।

इफिसियों 1:1

इफिसुस नंगर के भगत्तों अरह् यीशू मसीया दे साच्चै बिश्वाषियों के नाँम संत्त-पौलुस के पत्री, जेसी पंण्मिश्वर की हिछ़्या शा प्रभू यीशू मसीया का खास-चैला बंणाँया गुवा:

इफिसियों 6:21

तुखिकुस, जू प्यारा भाऐ, अरह् प्रभू दा बिश्वाष ज़ूगा दास असो, से तुँओं कैई बादी बातो बुल्दा, के तुँऐं भे मेरे हाल जाँणों के हाँव केष्णा रंह्ऊँ।

फिलिप्पियों 1:1

मसीया प्रभू यीशू के दास संत्त-पौलुस अरह् तीमुथियुस के ढबे शे बादे फिलिप्पियों के पबित्र लोग मसीया प्रभू यीशू आरी बिश्वाष करियों रंह्, कलीसिया के अगवाँल़ अरह् कलीसिया दे सेंवा कर्णों वाल़े सोभी लोगो खे ऐजी पत्री लिखी थऐ थी;

1 पतरस 1:2

अरह् परमं-पिता पंणमिश्वर के हंणों वाल़े ज्ञाँन के मुताबिक, पबित्र-आत्त्मा के पबित्र कर्णो के जाँणें, प्रभू खे ज़ई करी थुऐ, सेजे मसीया प्रभू यीशू के अज्ञाकारी बंणों, अरह् तिनके लह्ऊँ का छ़िड़काँव लों: अरह् तुओं कृपा, अरह् शाँन्त्ति बैजाऐ भेटदी रंह्।

2 पतरस 1:2

पंण्मिश्वर के अरह् अमाँरे प्रभू यीशू के ज्ञाँन शी कृपा अरह् शान्त्ति तुँओं दे बैजाऐ बड़दी ज़ाँव।

यहूदा 1:2

कृपा, दया-रंय्म, शाँण्त्ति अरह् पियार तुँओं खे बैजाऐ भेंटो चेंई।

प्रकाशितवाक्य 1:4

संत्त-यूहन्ना की ढबे शी आसिया ईलाके की सात्तों कलीसियाव खे जुण्जी आसिया प्रदेश दी असो: तिनकी ढबे शी कृपा, अरह् शाँण्त्ति, भेटो, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो; अरह् तिनू सात्त आत्त्माओं की ढबे शी जुण्जी तिनके सिंगास्हणों के सहाँम्णें असो।