कुलुस्सियों 1:18 - Sirmouri

¹⁸ से ही देह्-शरीर मतल्व कलीसिया को मुँड असो, से ही आदी असो, अरह् मँरे अँदे मुझ्शे आगले ऊँबे जीऊँणों वाल़े भे असो; ईन्देंखे से बादी बातो दे सोभी शे आगले असो।

सिरमौरी नौवाँ नियम

¹⁸ मसीह कलीसिया कै अगुवाई तैशै कौरौ, जैशै ऐकी आदमी कु मुंड तैसकै शोरीर कै काबू कौरौ, सैजाई शुरुआत औसौ, औरौ मौरेयौंदे मुंजीदा जिंदा हौणौवाल़ौ मुंजीदा आगला औसौ, कै सौबी बातौ दा प्रधान ठौहरौ।

कुलुस्सियों 1:18 ပူးပေါင်းရင်းမြစ်များ

मत्ती 23:8

परह् तुँऐं आपु खे गुरू ने बणें, किन्देखे के तुवाँरा गुरू सिर्फ ऐक ही असो, अरह् तुँऐं बादे आपु मुँजी भाऐ ही भाऐ असो।

मत्ती 28:18

प्रभू यीशू ऐ तिन कैई आऐयों बुलो, “स्वर्गो अरह् धर्ती का बादा हंक-अधिकार मुँखे दिया गुवा।

यूहन्ना 1:1

आदि दा बचन थिया, बचन पंण्मिश्वर की गईलो थिया; अरह् बचन ही पंण्मिश्वर थिया।

यूहन्ना 1:16

किन्देंखे के तिन की भर-पुरी के कारण आँमों सोभी कृपा गाशी कृपा ही भेंटो।

यूहन्ना 1:27

से सेजा ही असो, जुण्जा मुँह पाछ़ी आँणों वाल़ा असो; हाँव तअ तिनकी लात्तों कैई बंईठणों ज़ूगा भे आथी ने, अरह् ना हाँव तिनकी जूत्तै के तंष्में खोल्णों, बानणों ज़ूगा आथी।”

प्रेरितो कै काम 26:23

मतल्व ऐजो के मसीया दु:ख्ह भोगदे, अरह् मँरे अँदें मुँझी सोभी शे आगे दुज़ाल़िऐ ऊबे पाछ़ू जीऊँदें हंऐयों, आप्णें लोगों खे, अरह् गऐर-यहूदियों खे भे ज्योंत्ति-प्रकाष के खुषख्बरी का प्रचार कर्दे देंदे रंह्दे।”

रोमियों 8:29

किन्देंखे के पंणमिश्वर ऐजा बीचार करा, के जिनू तिन्ऐं आगे ही आप्णें जाँणा, सेजे तिनके बैटे के सरूप दें बंणाँऐं ज़ाँदे; जिन्दें लई तिनका बैटा सोभी भाईयों मुँझी जैठा बंणों।

1 कुरिन्थियों 11:3

परह् हाँव ऐजो चहाँऊ, के तुँऐं ऐजो जाँणी पाव, के ऐक नाँम मंर्दो को मुँढ मसीया असो, अरह् ऐक नाँम तिरंई को मुँढ मरोद् असो; अरह् मसीया को मुँढ पंणमिश्वर असो।

1 कुरिन्थियों 12:27

तेष्णें ही तुँऐं बादे मीलियों मसीया की देह्-शरीर असो, अरह् ज़ई-ज़ई तिनके अंग असो;

1 कुरिन्थियों 15:25

किन्देंखे के जाँव तोड़ी से आप्णे बादे बऐरी आप्णी लातो थाँई ने पाव, ताँव-तोड़ी प्रभू यीशू मसीया को राज कर्णो जरूरी असो।

इफिसियों 1:10

पंण्मिश्वर का सेजा पलाण थिया के ठीक बख्त आँणों गाशी स्वर्गो की अरह् धर्ती गाशली बादी चींजो मसीया दी कंट्ठी करह्।

इफिसियों 5:23

किन्देंखे के घरवाल़ा घरवाल़ी को मूँड असो, जैष्णें के मसीया कलीसिया को मूँड असो; अरह् कलीसिया तिनकी देह्-शरीर असो, अरह् आपु ही देह्-शरीर का मुँक्त्ति देणों वाल़े असो।

कुलुस्सियों 1:24

ऐबे हाँव तिनू दु:खो के जाँणें आँनन्द करू, जू हाँव तुँवारी ताँईऐं ऊठाऊँ; मसीया ऐ आप्णी देह्-शरीर मतल्व कलीसिया की ताँईऐं जू दु:ख भोगी थुवा, तिन्दी जुण्जी किऐ कंम्मीं-पैशी रंऐ रई, हाँव तियों आप्णी देह्-शरीर दी पुरी करूबा।

कुलुस्सियों 2:19

ऐष्णाँ आदमी सेजो मुँढ पाक्कों ने थाँम्बड़ियों थंदा, जिन्दें लंई बादी देह्-शरीर जोड़ अरह् माँस आरी, साँस लंणों वाल़े अंग के जाँणें पाल़्ण-पौष्ण लंई सब कंट्ठै हंऐयों पंण्मिश्वर की तरफ़ शे बड़्दे ज़ाँव।

1 यूहन्ना 1:1

जीवन देणों वाल़े तेसी बचन के बारे दो, जुण्जा बचन आदी शा ऊबा थिया, जेसी बचन आँमें शुँणा, अरह् जेसी आँमें आप्णी आ:खिऐ मतल्व सुवाँ करियों दे:खा, अरह् जेसी आँमें आप्णें हाथे छुवाँ।

प्रकाशितवाक्य 1:18

हाँव जीऊँदी असो; हाँव मँरी गुवा थिया, परह् ऐबे देखो, हाँव ज़ूगौ-ज़ूगौ तोड़ी जीऊँदा असो; अरह् मंऊँत्ती अरह् अंधलोक की ताल़ी-कुँन्जी मेरे हंक-अधिकार दी असो।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 1:8

प्रभू पंण्मिश्वर, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो, से सर्वशक्त्तिमाँन, प्रभू पंण्मिश्वर का बचन असो: से “अल्फ़ा, अरह् ओमेगा, हाँव ही असो”

प्रकाशितवाक्य 11:15

जबे सात्ते स्वर्गदूत्त ऐ रंणशिंगें-कनाँल़ी फूकरी, तबे स्वर्गो दी साँत्त-भाँत्ती गुड़ाको की गूँह्ज शुँणाँई पड़ी: “संईसारी को राज ऐबे अमाँरें प्रभू का अरह् तिनके मसीया को राज हऐ गुओ; से ही ऐबे ज़ूगौ-ज़ूगौ राज कर्ले।”

प्रकाशितवाक्य 21:6

तबे तिन्ऐ मुँखे हजो बुलो, “सब काँम-काज़ खत्त्म हऐ गुवा; हाँव, अल्फ़ा अरह् ओमेगा असो, मतल्व शुरू अरह् अंन्त्त असो। हाँव च़ीषै खे जीवन-जल के फ़ट्वाँणीं शो, ऐई मुँझ़ी पाँणीं पीयाँऊबा।

प्रकाशितवाक्य 22:13

हाँव अल्फ़ा अरह् ओमेगा, आगला अरह् आखरी अंन्त्त, असो।”

प्रकाशितवाक्य 3:14

“लौदीकिया नंगर की कलीसिया के दूत्त खे ऐजो लिख: “जू आमीन अरह् बिश्वाष ज़ूगा अरह् साच्चा गुवाह्-शाज़्त्त असो, अरह् पंण्मिश्वर की सिर्ष्टी की उत्त्पत्ति का खास कारण असो, से ऐजो बुलो: