कुलुस्सियों 1:12 - Sirmouri

¹² अरह् परंम-पिता पंण्मिश्वर का धन्यबाद कर्दे रह्, तिन्ऐ आँमों ईन्देंखे ज़ुगे बाँणी थुऐ, के चंम्क-तेज दे पबित्र लोगो की गईलो हंकदार के साथी बंणों।

सिरमौरी नौवाँ नियम

¹² औरौ पिता पौरमेशवर का धन्यवाद कौरदै रौंव जैणै तुऔं ऐसी लायक बाणै राए कै तुऐं तैसी विरासत दै शामिल हौंव जू तैणै पेयाशै कै राज्य दै आपणै पवित्र लोगौ कारिए तैयार कौरे राए।

कुलुस्सियों 1:12 ပူးပေါင်းရင်းမြစ်များ

मत्ती 25:34

“तबे राजा आप्णी सुऐं ढबे के लोग दे: खियों बुल़्ला, ‘मेरे पिता के जाणें कृपा वाल़े लोग! तेसी राज्य के हंक-अधिकारी बंणों, जुण्जे तुओं खे सृष्टी की स्थापंना के बख्ते शी तियार करी थंऐ।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 20:17

प्रभू यीशू ऐ तियों खे बुलो, “मुँह, ने छुऐं! किन्देंखे के हाँव ऐभी तोड़ी आप्णें बाबा कैई ऊँबा ने हुटी रंई”; परह् मेरे भाईयों कैई ज़ाऐयों ऐजा शुझ़ा दे, के “हाँव आप्णें बाबा, अरह् तुवाँरे बाबा, अरह् आप्णें पंण्मिश्वर, अरह् तुवाँरे पंण्मिश्वर कैई ऊबा ज़ाँदा लागा।”

यूहन्ना 4:23

परह् सेजा बख्त आँदा लागा मतल्व आऐ रूआ, जबे साच्चै आरार्धना कर्णो वाल़े भगत्त लोग, आत्त्मा अरह् सच्चाई शी परंम-पिता की आरार्धना कर्ले; किन्देंखे के परंम-पिता पंण्मिश्वर ऐष्णें ही आरार्धना कर्णों वाल़े चहाँव।

प्रेरितो कै काम 20:32

ऐबे हाँव, तुँओं लोग पंण्मिश्वर के कृपा अरह् बचन की देह्ख-रेह्ख दे देऐ देऊँ; किन्देंखे के तिन्ऐं तुवाँरी बड़ोत्री कर्णो खे; अरह् तुवाँरी गईलो पबित्र-आत्त्मा के सहाजी हंणों खे, मीरास पाँणों खे थंऐ थुऐ।

प्रेरितो कै काम 26:18

हाँव तिनकी आखी खोल्णों खे, तिनू ईनाँरे शे ज्योत्ति की ढंबै फ़ेर्णो खे; मतल्व शैतान की शक्त्ति शे दुर्के करियों; पंण्मिश्वर की ढबै कर्णो खे, ताँव तिन कैई डेयाल़ूबा; जिन्दें लंई से मुँदा बिश्वाष कर्णो के कारण आप्णें पापों की माफी पाँव, अरह् पबित्र करे अंदे भगत्तों आरी से भे मीरास पाँव।’

रोमियों 11:17

जे किऐं डाल़ी च़ूड़ियों ज़ई करी थंई, अरह् तुँऐं लोग जू बाड़ूई तेरमोंल़ी जेष्णें असो, अरह् जे तुँवारी तिनू डाल़ी के जागें दी कलंम लाईली, जू तुँऐं भे तेरमोंल़ी के पाचै तेरमोंल़ों के हिस्सेदार बंणों।

रोमियों 15:27

तिनू आछो तअ लागो, परह् सेजे लोग यरूशलेमं के पबित्र लोग तिनके कर्जदार भे असो, किन्देंखे के जे गऐर यहूदी के लोग तिनकी आत्त्मिक घरोऊँची के हिस्सेदार बंणें, तअ तिनू गऐर यहूदी खे आप्णी कमाई वाल़ी घरोंऊँची लई, तिनकी सेवा कर्णी पंड़ो।

रोमियों 8:17

अरह् जे अलाद असो, तअ आँमें पंणमिश्वरो के बारिस भे असो, अरह् मसीया की गईलो सग्गै वारिस असो, के जे आँमें तिनू आरी दु:ख भुगबे तअ तिनकी गईलो आँमों बड़ियाऐ भे जरूर भेट्दी।

रोमियों 9:23

पंणमिश्वर ऐष्णों ईन्देंखे करह्, के से दया-रंय्म के तिनू बासंणों गाशी, आप्णी बड़ियाऐ के शाँन-शक्त्त पर्गट करणी चहाँव थिऐ, जिनू तिन्ऐ आप्णे संईसारी के शुरू शे ही आप्णी बड़ियाऐ खे ही तियार करी थुऐ थिऐ।

1 कुरिन्थियों 8:6

परह् आँमों खे तअ ऐक ही पंणमिश्वर असो: मतल्व परंम-पिता पंणमिश्वर जिनके जाँणें बादी चींजो असो, अरह् आँमें तिनके ही असो। अरह् ऐक ही प्रभू असो, मतल्व प्रभू यीशू मसीया जिनके जाँणें बादी चींजो बंणी, अरह् आँमें तिन्हीं के जाँणें असो।

1 कुरिन्थियों 9:23

हाँव ऐजो सब-कुछ खुषख्बरी की ताँईऐं करू, के ओकी आरी भे खुषख्बरी का हिस्सेदार बंणी ज़ाऊँ।

2 कुरिन्थियों 11:14

ऐजी किऐ हरानी की बात ने आथी, किन्देंखे के शैतान आपु भी प्रकाषमाँन स्वर्गदूत्त का रूप धारण करह्।

2 कुरिन्थियों 5:5

जिन्ऐं आँमों ईयों बातो खे तियार करी थुऐ, से पंण्मिश्वर ही असो, जिन्ऐं बयाने दी आँमों खे पबित्र-आत्त्मा देऐ थऐ;

इफिसियों 1:11

तिनही दे तिनके पलान के मुँताबिक, जुण्जे आप्णी हिछ़्या के मुँताबिक संब-कुछ़ चलाँव, आँमों आगे ही तिन्ऐं चूणीं-छ़ाँटियों बाबा की जजाऐत्ती दे हंकदार बाँणें।

इफिसियों 1:18

हाँव प्रार्थना करू, के आप्णें मंन की आखें के त्तेज-प्रकाष शो तुऐं जाँणी पाँव, के तिनका बुलावे के कारण, तुँओं लोगों का भूर्षा कैत्रा बंडा असो; अरह् तिनू पबित्र लोगो के जजाऐत्त की बंड़ियाई को धंन कैष्णों असो।

इफिसियों 2:18

किन्देंखे के तिन्ही के जाँणें आँमों दुन्नै डूँग ऐक पबित्र-आत्त्मा दे मीलियों स्वर्गो के परमं-पिता पंण्मिश्वर कैई पऊँची सको।

इफिसियों 3:6

सेजा गुप्त भेद् ऐजा असो, के खुषख्बरी के जाँणें यहूदियों की गईलो गऐर यहूदी लोग भे पंण्मिश्वर के राज्य के बारीस, अरह् पुरे हंकदार बंणी गुऐ; अरह् से दुन्ने ड़ूंग ऐक ही देह्-शरीर का अंग असो, अरह् प्रभू यीशू मसीया के जाँणें करे गुऐ बाय्दे के साथी बंणें।

इफिसियों 4:6

ऐक ही पंण्मिश्वर असो, जुण्जा सोभी का पिता असो; अरह् सोभी गाशी, अरह् सोभी आरी, अरह् सोभी दे बंसे अँदे असो।

इफिसियों 5:11

जुण्जे लोग ईनाँरे के नीषफल़ काँम-काज़ करह्, तुँऐं भे तिनके साथी ने बंणे; परह् तिनखे ऐजो बुलो, के ऐजे बुरे काँम-काज़ तुऐं भे ने करे; अरह् तुँऐं तिनू भे सम्झाऐ,

इफिसियों 5:20

अरह् सदा बादी बातो खे अमाँरे प्रभू यीशू मसीया के नाँव शे पंण्मिश्वर का धन्यबाद कर्दे रंह्।

इफिसियों 5:4

अरह् ना बैशर्मी ना मुँरूख्ता की बात-चीत्त की, ना ठाठै के; किन्देंखे के ऐजी बादी बातो आछ़ी ने लागदी, बलकी तुँऐं लोग पंण्मिश्वर का धन्यबाद ही देईया करह्।

इफिसियों 5:8

किन्देंखे के तुँऐं तअ आगे ईनाँरे दे थिऐं, परह् ऐबे प्रभू के त्तेज-प्रकाश दे असो; तअ: त्तेज-प्रकाश की अलाद के संमाँन चालो;

कुलुस्सियों 2:2

जू तिनके मँन खे होंसला भेटो, अरह् से ओका ओकी के प्यारो दा बंदी ज़ाँव; अरह् बिश्वाष का सेजा बादा धंन जुण्जा साच्चै ज्ञाँन शा भेटो, सेजा धंन तिनू भेटो, मतल्व पंण्मिश्वर की भेद् का साच्चा ज्ञाँन हों; जुण्जा आपु मसीया असो।

कुलुस्सियों 3:15

मसीया की शाँण्त्ति तुवाँरें दिल-सासो दो राज करह्, ईयों ही शाँण्त्ति खे; तुँऐं ऐक देह्-शरीर के अंग बणियों बय्दी थुऐ, अरह् तुँऐं सदा धन्यबाद कर्दे रंह्।

कुलुस्सियों 3:17

तुँऐं भाँव किऐ बुलो, भाँव किऐ करह्, सब-कुछ प्रभू यीशू के नाँव शो करिया करह्, तुँऐं तिन्ही के जाँणें पिता पंण्मिश्वर खे धन्यबाद देंदे रंह्।

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

इब्रानियों 12:23

पंण्मिश्वर की जैठी अलाद जिनके नाँव स्वर्गो दे लिखी थुऐं, तिनकी खुम्ल़ी के नंजीक आऐ रंह्, अरह् सोभी का नियाँव कर्णो वाल़ा पंण्मिश्वर अरह् तिनके कारण सीद्ध करे अंदे धर्मी की आत्त्माऐं तिन कैई आऐ रंह्।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

याकूब 3:9

दे:खो, ईयों ही जीभों लई, आँमें प्रभू अरह् परंम-पिता पंणमिश्वर के स्तुति करह्; अरह् ईयों ही जीभो लई आँमें आदमी खे जिन की रंचणाँ पंणमिश्वरे आप्णें सरूप दी करी थऐ, तिनखे आँमें ईयों ही जीभो के जाँणें श्राँप-फींटकारा दियों; अरह् आशिर्बाद-आशीष दुईनें ईन्दी लई दियों।

1 पतरस 5:1

तुँओं मुँझी जुण्जे ठग्ड़ै आदमी असो, हाँव, तिनू जैष्णा ठग्डा अरह् मसीया के दु:खों का गुवाह्-शाज़्त अरह् पर्गट हंणों वाल़ी बड़ियाऐं दा साजी हऐयों तिनू ऐशे सम्झाऊँ

1 यूहन्ना 1:3

जू किऐ आँमें दे:खो, अरह् शुणी थुओ, तिन्दे की खुषख्बरी तुँओं खे भे दियों, ईन्देंखे के तुँऐं भे अमाँरी गईलो अमाँरे साजी बंणों; अरह् अमाँरो ऐजो साथ सर्गो के परमं-पिता पंण्मिश्वर अरह् तिनके बैटे प्रभू यीशू मसीया आरी असो।

प्रकाशितवाक्य 21:23

तेसी नंगर दी पीयाषे खे सुरूज अरह् चाँद टीक्की की भे किऐ जरूरत ने आथी; किन्देंखे के पंण्मिश्वर का त्तेज-प्रकाष तिन्दा पीयाषे खे चंमम्कों थिया; अरह् छ़ैल़्टे का त्तेज-प्रकाष तेसी नंगर दा दिवें जेष्णाँ चंमम्कों।

प्रकाशितवाक्य 22:14

“भागोईंत्त असो! सेजे जिन्ऐं आप्णें चाल-चल्ण के खोट्णों जिऐ धूई पाँऐ; किन्देंखे के से जीवन के डाल़ो के हंकदार, अरह् से कुवाड़ो बाटी सुऐं करियों तेसी नंगर दे हाजीर हंदें।

प्रकाशितवाक्य 22:5

तेथै हजो कोद्दी भे रात्त ने पड़्दी; अरह् तिनके दीवे अरह् सुर्जो के भे कोद्दी जरूरत्त ने पड़्दी, किन्देंखे के प्रभू पंण्मिश्वर आपु तिनखे आप्णाँ त्तेज-प्रकाष देंदे, अरह् से तेथै ज़ूगौ-ज़ूगौ तोड़ी राज कर्दे।