कुलुस्सियों 1:10 - Sirmouri

¹⁰ जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

सिरमौरी नौवाँ नियम

¹⁰ औरौ आमै ऐजै प्रार्थना कौरु कै तुऐं ऐशैखै आपणै जिन्दगी जियौं जैशै प्रभु चांव, औरौ तुऐं प्रभु कै सौबी बातौ दा खुश कौरे सौकौ। तुऐं लगातार हर भान्त कै भले काम कौरदै रौंव, औरौ पौरमेशवर कै बारै मुंजी लगातार जादा शै जादा जाणदै रौंव।

कुलुस्सियों 1:10 ပူးပေါင်းရင်းမြစ်များ

यूहन्ना 15:16

तुँऐं मुँह ने चूणीं-छ़ाँटी थंई, परह् मुँऐं तुँओं चूणी-छाँटी थुऐ; अरह् तुँओं पाक्कै ठाली थुऐ, के तुँऐं संईसारी दे ज़ाऐयों फल़ आँणों; अरह् तुवाँरा फ़ल़ ऐशा हुवा चैई, जुण्जा पाक्का बंणाँ अंदा रंह्; जिन्दें लंई तुऐं मेरे नाँव शो जुण्जो किऐ माँगों, सेजो बाबा तुओं खे देऐ दियों।”

यूहन्ना 15:8

तुवाँरे फल़ की बड़ोत्री दे मेरे बाबा के बड़ियाऐ हों, अरह् तुवाँरा मेरे चैले बंण्णों का ऐजा पाक्का सबुत्त हंदा।

यूहन्ना 17:3

अमर-जीवन ऐजा ही असो, के तुँऐं सिर्फ ऐक साच्चै पंण्मिश्वर असो; जिन्ऐं आप्णाँ बैटा यीशू मसीया जेसी तुऐं डेयाल़ी थुवा, तिनू सेजी बादी जात्ती, अरह् बादे प्राँणीं जाँणों अरह् पंह्छ़ियाँणों।

रोमियों 1:13

हे भाऐ बंईणों, हाँव ने चहाँदा के तुँऐं ईन्दें अंण-जाँण रंह्, के मुँऐं बार-बार तुँओं कैई आँणों चहाँव, के जेष्णें ओके गऐर यहूदी मुझ़ शी बिश्वाष दे लोग आऐं, तेष्णें ही तुँओं मुझ़ शी भे लोग बिश्वाष दे आऐ चैईं थिऐ। परह् हेभी तोड़ी मुँह रूका गुवा।

रोमियों 4:12

अब्राहम खतना करे अंदें का बाबा, ना के सिर्फ बिना खतने करे अंदें का बाबा असो, परह् तिनका भे बाबा असो, जुण्जे तेसी बिश्वाष की बाटो दे चाला, जुण्जा अमाँरे बाबा अब्राहम ऐ बिना खतने की दषा दा धारण करा थिया।

रोमियों 6:4

आँमें यीशू मसीया की मऊँत्ती दे नहाँण-नहाँणों शो आँमें भे तिनू आरी ईन्देंखे दाबी थुऐ, के जेशे दाँई यीशू मसीया परमं-पिता पंणमिश्वर की बड़ियाऐ वाल़ी शक्त्ति शे मरे अंदे मुझ्शे ऊबे जीऐं, तेष्णें ही आँमें भे ऐक नुवा जीवन पाऐ थुवा।

2 कुरिन्थियों 2:14

परह् पंण्मिश्वर का धन्यबाद हों, जू मसीया दी सदा आँमों खे जय की खुशी दे नियों फिरह्, अरह् आप्णें ज्ञाँन की खुष्बू अमाँरे जाँणें ढिक्को हर जागे दी फईलाऐ दियो।

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

2 कुरिन्थियों 5:9

ईन्देंखे अमाँरे मंन के ऐजी हिछ़ा असो, के आँमें साथी रंह् भाँव ज़ई, परह् आँमें तिनू भाँदे रंह्।

2 कुरिन्थियों 9:8

पंण्मिश्वर हर प्रकार की कृपा तुँओं खे बैजाऐ देऐ सको, जिन्दी हर बात दी अरह् हर बख्ते, सब-कुछ, जू तुँओं खे जरूरी हों, तुँओं कैई रंह्; अरह् हर ऐक भले काँम-काज़ खे तुँओं कैई किऐ बंच्ची ज़ाँव।

इफिसियों 1:17

के अमाँरे प्रभू यीशू मसीया का पंण्मिश्वर जू शक्त्तिशाली पिता असो; से तुओं खे ज्ञाँन अरह् बखाँण के आत्त्मा दियों; जिन्दें लंई तुऐ सोत्तिखे पंण्मिश्वर आच्छ़े ढंग शा जाँणीं सको।

इफिसियों 2:10

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

इफिसियों 4:1

ईन्देंखे हाँव जू प्रभू खे कय्दी असो, तुँओं खे ढाल-अरज करू; के जेसी बुलावे शे तुँओं बय्दी थुऐ, तिन्दे ज़ूगी तुऐ चाल भे चालो,

इफिसियों 4:13

जाँव तोड़ी के आँमें बादे के बादे पंण्मिश्वर के बिश्वाष दे अरह् पंण्मिश्वर के बैटे के ज्ञाँन दे ऐक साच्चै सीद्ध-पाक्कै आदमी ने बंणी ज़ाँव, अरह् मसीया के पुरी बड़ियाऐ तोड़ी ने बड़ी ज़ाँव।

इफिसियों 5:10

अरह् ऐशो परख-अजमाँव के प्रभू के का आच्छ़ो लागो।

इफिसियों 5:15

ईदेखे सुओं करियों देखो, के तुँऐं केष्णी चाल-चालो, बैसम्झ के जैष्णें ने, परह् बुद्धी-माँन के सँमान चालो।

इफिसियों 5:2

प्यार की बाटो दे चालो, जेष्णों मसीया ऐ तुँओं आरी प्यार कोरो, अरह् आच्छ़ी खुष्बू बणियों आपु अमाँरी ताँईऐं पंण्मिश्वर के साम्णिऐं भेंट बंणियों बल़ीदाँण करी दियों।

फिलिप्पियों 1:11

प्रभू यीशू मसीया के कृपा लऐयों, तुँऐं प्रभू के नंजर दे बैजाऐ आच्छ़ै काँम-काज़ करह्, जिन्दें लंई पंण्मिश्वर के बड़ियाऐ हों, अरह् तिनकी संत्तुति हों।

फिलिप्पियों 1:27

सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

फिलिप्पियों 4:18

मुँह कैई सब-कुछ असो, परह् बैजाऐ भे असो, जुण्जी चींजो तुँऐं भाई-इपफ्रुदीतुस कैई डियाल़ी थी, तिनू भेंटियों हाँव छ़क्की गुआ, से तअ सु:खदाय्क खुशबू-दार बंल़ीदाँण असो; जू पंण्मिश्वर के आछ़ा लागो।

कुलुस्सियों 2:19

ऐष्णाँ आदमी सेजो मुँढ पाक्कों ने थाँम्बड़ियों थंदा, जिन्दें लंई बादी देह्-शरीर जोड़ अरह् माँस आरी, साँस लंणों वाल़े अंग के जाँणें पाल़्ण-पौष्ण लंई सब कंट्ठै हंऐयों पंण्मिश्वर की तरफ़ शे बड़्दे ज़ाँव।

कुलुस्सियों 2:6

ईन्देंखे के तुऐं जेष्णाँ मसीया यीशू धारण करी थुवा; तअ तुऐं आप्णाँ जीवन भे तिनही आरी जीयों।

कुलुस्सियों 3:20

हे नहाँन्ड़िया, बादी बातो दे आप्णे माँ-बाबा की अज्ञाँ माँने, किन्देंखे के प्रभू ईन्दें शे ही खुशी हों।

कुलुस्सियों 4:5

बख्त्त-मुक्का किम्त्ती जाँणियों बाईले आरी बुद्धीमाँनी शा बर्ताव करे।

1 थिस्सलुनीकियों 2:12

के तुँवारी चाल-ढाल पंण्मिश्वर ज़ूगी हों, जुण्जे तुँओं आप्णे राज अरह् बड़ियाई खे बईदो।

1 थिस्सलुनीकियों 4:1

ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्।

2 तीमुथियुस 2:4

जबे कुँऐं ज़ूद्धा लड़ाई करदा ज़ाँव, तअ से ऐशी कोशिष करह्; के आप्णें भर्त्ती कर्णो वाल़ा हाकम खुशी करी सको; ईन्देंखे से आपु आप्खे संईसारी के काँम-धाँन्धै दा ने फंशाँदा।

तीतुस 3:1

लोगो कैई शो चिते करा, के हाकमों अरह् अधिकारी के अधीन रंह्, अरह् तिनकी अज्ञाँ माँनों, अरह् ऐक नाँम आच्छ़ै काँम-काज़ कर्णो खे तैयार रंह्,

तीतुस 3:14

अमाँरे लोग भे जरूर्तो पुरी कर्णो खे आच्छ़ी काँम-काज़ दो लागो रंहणो शिखो, जू नि-षफल़ ने रंह्।

इब्रानियों 11:5

बिश्वाष के कारण भगत्त-हनोक ऊँबा अस्माँनों दा थागा गुवा, जू से तैस कैई मंऊँत्ती का पता ही ने लागों, के मंऊँत्त केष्णीं हों; अरह् से तबे हजों कंद्दी भे कसी के देखाई दा ने पड़ी, किन्देंखे के पंण्मिश्वर ऐ तेसी ऊँबा अस्माँनों दा थागा; किन्देंखे के पबित्र-ग्रन्थ तेस्के बारे दो ऐशो भे बुलो, के ऊबे थागे ज़ाँणों शा आगे तेने पंण्मिश्वर खुशी करी थुवा थिया।

इब्रानियों 13:16

भलाऐ कर्णी अरह् दया-रंय्म देखाणी ने बिसरे, किन्देंखे के पंण्मिश्वर ऐष्णे बल़ीदाँण शे खुशी हों।

इब्रानियों 13:21

तुँऐं हर ऐक आच्छ़ी अरह् भली बातो खे साच्चै बणों, तिन्दे लई तुँऐं पंण्मिश्वर की हिछ़या पुरी करह्, अरह् जू कुछ तिनू आछो लागो, सेजो प्रभू यीशू मसीया के कारण आँमों दो पर्गट करह्, तिनकी ही बड़ियाऐ सदा ज़ूगौ-ज़ूगौ तोड़ी हंदी रंह्। आमीन।

2 पतरस 1:8

किन्देंखे के जे ऐजी बातो तुँओं मुँझी हंदी रंह, अरह् बड़्दी ज़ाव, तअ ऐ तुँओं अमाँरे प्रभू यीशू मसीया की पछ़याँण दे निकारे अरह् निषफल़ ने हणों देंदी।

2 पतरस 3:18

परह् अमाँरें प्रभू अरह् बंचाँणों वाल़े, प्रभू यीशू मसीया की कृपा अरह् पछ़याँण दे बढ़्दे ज़ाव। तिन्ही की बड़ियाऐ ऐबे भे हों; अरह् सदा ज़ूगौ-ज़ूगौ तोड़ी हंदी रंह्। आमीन।

1 यूहन्ना 3:22

तअ जबे आँमें तिन कैई शी, बिनती करह्, तअ तिन कैई शो आँमों भेटी ज़ाँव; किन्देंखे के आँमें तिनकी अज्ञाँ का पाल़्ण करह्; अरह् तिनकी हिछ़या के मुँताबिक आप्णा सभाव थंह्।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।

3 यूहन्ना 1:6

से कलीसिया के साम्णें तुवाँरे पियार के गुवाह्-शाज़्त असो, ठीक ऐजो असो, के तुँऐं ईनू ठीक-ढंग शे बिदा करह्, जुण्जो पंण्मिश्वर के माँन्णों ज़ूगौ हों।