प्रेरितो कै काम 9:31 - Sirmouri

³¹ ऐबे बादे यहूदा, गलील, अरह् सामरी ईलाके दे कलीसिया खे शाँण्त्ति भेटी, अरह् कलीसिया का निर्माण बड़दा रूवा; अरह् से प्रभू के डर-भय शे, अरह् पबित्र-आत्त्मा की शाँण्त्ति दे चाल्दे अरह् बढ़्दे रूऐ।

सिरमौरी नौवाँ नियम

³¹ ऐशैकैई सारै यहूदिया प्रदेश औरौ गलील जिले औरौ सामरिया प्रदेश दा कलीसिया कै लोगौ कै चैन भैटा औरौ तिनकी बोढ़ोतरी हौंदै लागै; औरौ सै प्रभु कै डौर औरौ पवित्र आत्मा कै मौदद लैई बौहितै लोगै प्रभु यीशु पांदी बिशवाश कौरा।

प्रेरितो कै काम 9:31 ပူးပေါင်းရင်းမြစ်များ

प्रेरितो कै काम 12:24

परह् पंण्मिश्वर का बचन बढ़दा अरह् फऐल्दा लागा।

प्रेरितो कै काम 16:5

ऐशी दाँई कलीसियाँ ऐ बिश्वाषो दी पाक्की हंदी गई, अरह् से गिनती दे रोज बढ़्दे गुऐ।

प्रेरितो कै काम 2:47

सेजे बादे बिश्वाषी लोग पंण्मिश्वर की अरार्धना-धन्यबाद करिया करह् थिऐ, अरह् तेथै की बादी जंनत्ता तिनका बैजाऐ माँन-संमाँन करह् थिऐ; अरह् प्रभू हर-रोज तिनकी मंडल़ी दे नुंऐं लोग मिलाँव थिऐ, जिनू लोग आप्णें पाप शा छ़ूट्कारा-मुँक्त्ति भेटो थी।

प्रेरितो कै काम 20:32

ऐबे हाँव, तुँओं लोग पंण्मिश्वर के कृपा अरह् बचन की देह्ख-रेह्ख दे देऐ देऊँ; किन्देंखे के तिन्ऐं तुवाँरी बड़ोत्री कर्णो खे; अरह् तुवाँरी गईलो पबित्र-आत्त्मा के सहाजी हंणों खे, मीरास पाँणों खे थंऐ थुऐ।

प्रेरितो कै काम 5:11

तबे बादी कलीसिया दा अरह् तिनू बादी घट्णाँ देख्णों, शुँण्णों वाल़े के डरो के तुरंबाँणच़ूटे।

प्रेरितो कै काम 6:7

तबे पंण्मिश्वर का बचन फऐल्दा लागा, अरह् तबे यरूशलेम दी चैले की गिनती बैजाऐ बड़्दी लागी; अरह् तबे बैजाऐ याजकों ऐं भे बिश्वाष करियों तिनका मंत्त माँनी पाया।

प्रेरितो कै काम 8:1

शाऊल भे तियों हंत्त्या का साथी धिया। तेसी ही देसे यरूशलेम दी कलीसिया गाशी बैजाऐ बड़ा-अंत्त्याचार शुरू हुवा, अरह् खास-चैले के सुवाऐ, बादे के बादे बिश्वाषी जंण; यहूदा अरह् सामरी ईलाके दे खिदर-बिदर हऐ गुऐ।

रोमियों 14:17

किन्देंखे के पंणमिश्वर को राज खाँणों-पिणों ने, परह् नियाँव, अरह् मेल-मिलाप, अरह् सेजा आँनन्द-खुशी असो, जू पबित्र-आत्त्मा शा हों।

रोमियों 14:19

ईन्देंखे आँमें ईनू बातो दे लागे रंह्, जिन्दे लई मेल-मिलाप अरह् ओका ओकी के भे बिश्वाष दी बढ़्त्री हों।

रोमियों 15:13

पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

रोमियों 5:5

अरह् भूर्षें दी निराषा ने हंदी, किन्देंखे के पबित्र-आत्त्मा जू आँमों खे देऐ थऐ, तिन्दे लई पंणमिश्वर को पियार अमाँरे मंन दो पाँऐ थो।

1 कुरिन्थियों 14:12

ईन्देंखे जबे तुँऐं भे आत्त्मिक बर्दांनों की लगंन दे हों, तअ ऐशी कोशिष करह्, के तुवाँरे बर्दांनों की बड़ोत्री लई, कलीसिया की आत्त्मिक बड़ोत्री हों।

1 कुरिन्थियों 14:26

ईन्देंखे हे भाऐ बंईणों, का कर्णो पड़ो? के जबे तुँऐं कठे हों, तअ ऐकी नाँमों के मंन दा भजन के शिक्क्षा, के प्रकाष के अंण-जाँण भाषा, अरह् अंण-जाँण भाषा का मतल्व सम्झाँदा रंह्। सब-कुछ कलीसिया की आत्त्मिक बड़ोत्री खे हुओ चेंई।

2 कुरिन्थियों 10:8

किन्देंखे के जे हाँव तेसी हंक-अधिकार के बारे दा किऐं जादा शियाँगीऊँ, के किऐ दे:खावा करू, जुण्जा प्रभू ऐ तुँओं बिगाड़्णों खे ने, परह् तुँओं बंणाँणों खे आँमों खे देऐ थुवा; तअ हाँव तिन्दा शर्मिन्दा ने हंदी।

2 कुरिन्थियों 12:19

तुँऐं हेभी तोड़ी समझी रूऐ हले, के आँमें तुँओं कैई सफाऐ देऐ लऐ। आँमें तअ पंण्मिश्वर हाजिर जाँणिंयों मसीया दो बुलो; अरह् हे प्यारे, भाऐ बंईणों बादी बातो तुँवारी ही बड़ोत्री खे करह्।

2 कुरिन्थियों 13:10

मुँऐं दुर्के रंऐयों ऐजी बातो ईन्देखे लिखी लई, के तेथै हाजीर हणों गाशी मुँह प्रभू के जाँणें दिते गुऐ हंक-अधिकार ईसत्तेमाल़ शक्त्ती शा ने करणा पड़ो; ऐसी हंक-अधिका का मंतलव बड़ोत्री असो, नाष करणा ने आथी।

2 कुरिन्थियों 7:1

तअ: हे प्यारे, जबे के आँमों ऐजा बाय्दा भेटी रूवा, तअ आओ, आँमें आपु-आप्णी देह्-शरीर आत्त्मा की बादी गंन्दगी शे शुद्ध करह्, अरह् पंण्मिश्वर का डर थईयों पबित्रता साच्ची बाँणों।

इफिसियों 4:12

जिन्दें लंई पबित्र लोग सीद्ध बंणीं ज़ाव, अरह् सेवा का काँम-काज़ करा ज़ाँव; अरह् ईन्दें लंई मसीया की देंह्-शरीर बंड़ोत्री पाँव,

इफिसियों 4:16

मसीया दी ही बादी देह्-शरीर खे तागत भेटो, अरह् देह्-शरीर के बादे अंग जुड़दे ज़ाँव, अरह् ऐक नाँम अंग आप्णा-आप्णा काँम-काज़ ठीक-ठीक करह् जुण्जा तिन्दे का हों; अरह् से आप्णें आप बड़दे ज़ाँव, के से प्यार दे भे बड़्दे ज़ाँव।

इफिसियों 4:29

किऐ गाँदी बात तुँवाँरे मुँहों शी ने निकल़ो, परह् जरूरत के मुँताबिक सेजी ही बात तुवाँरे मुँहों शी ओकी की भलाई के ताँईऐं तिनकी आत्त्मिक बड़ोत्री खे नीकल़ो, जू तिन्दे शुँण्णों वाल़े गाशी कृपा हों।

इफिसियों 5:21

मसीया के आदर-ईज्जत दे ओका ओकी के बंष दे रंह्।

फिलिप्पियों 2:1

तअ: जे तुँओं मसीया के नाँव दा किऐ होंसला असो, अरह् प्यारो शी पय्दा हऐ अंदी किऐ ढैह्ट, अरह् पबित्र-आत्त्मा दी किऐ हिस्सेदारी अरह् प्यारो के किऐ भावना के हिछ़या,

कुलुस्सियों 1:10

जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

1 थिस्सलुनीकियों 5:11

ईन्देंखे ओकी खे होंस्ला दियों, अरह् ओकी की बड़ोत्री का कारण बंणों; जेष्णों के तुँऐं करी भे लुओ।

1 तीमुथियुस 1:4

अरह् तिनू कथा-काँणियों अरह् चाली अंदी गड़ी-पिड़ी की बातो दा आप्णाँ मंन ने लाऐ, जिन्दे लई बाद-बिबाद हों, अरह् अमाँरे छुट्कारे खे पंण्मिश्वर ऐ जुण्जी योजना बाँणीं थंऐ; से तियों आगे ने बड़णों देंदी, जू बिश्वाष के मुँताबिक शो असो, तैष्णों ही हजो भे बुलू।

इब्रानियों 4:9

तअ: जाँणी पाव के पंण्मिश्वर के लोगो खे, बिषाँव को देस हजो भे माँनों ज़ाँव;

यहूदा 1:20

परह् हे प्यारों! तुँऐं आपु आप्णे आप के बैजाऐ पबित्र बिश्वाष दे बढ़्दे ज़ाव, अरह् पबित्र-आत्त्मा दे प्रार्थना कर्दे रंह्।