प्रेरितो कै काम 9:30 - Sirmouri

³⁰ जबे बिश्वाषी भाऐ-बंईणों कैई ईयों बातो का पता चाला, तअ तिन्ऐं शाऊल कैसरिया नंगर दा नींया; अरह् जेथै शा तिन्ऐं तेसी तरसुस खे डेयाल़ी दिता।

सिरमौरी नौवाँ नियम

³⁰ तोबै बाकी चैलै खै इयौं बातौ कै बारै मुंजी पोता चाला तौ तिनिए शाऊल खै कैसरिया शहर दा निया, औरौ तिथै तैसी कारिए जहाज शै तरसुस शहर खै जाणौ का जूगाड़ कौरा, जू तैसका आपणा शहर थिया।

प्रेरितो कै काम 9:30 ပူးပေါင်းရင်းမြစ်များ

मत्ती 10:23

जबे से तुँओं ऐकी नंगर दे सताले तअ ओकी नंगर खे भागी ज़ाऐ। हाँव तुँओं खे खास बात बुलू, के जबे तुँऐं इस्राएल के बादे नंगर दे रिटी-फिरी ज़ाले, ताँव-तोड़ी आदमी का बैटा भे आऐ ज़ाला।”

मत्ती 16:13

प्रभू यीशू कैसरिया, फिलिप्पी के ईलाके दे आऐ, अरह् आप्णें चैले शे पुह्छदे लागे, “लोग आदमी के बैटे खे का बुलो?”

प्रेरितो कै काम 1:15

ऐक देस, जबे के ऐक षौ, बींष बिश्वाषी भाऐ-बंईणों के लग-भग लोग कंट्ठै थिऐ; तअ संत्त-पतरस तिनू सोभी के बीच दे खह्ड़े हंऐयों बुल्दे लागे।

प्रेरितो कै काम 11:25

तबे ईन्दें पाछ़ी बरनबास शाऊल जुह्दा तरसुस खे हुटा।

प्रेरितो कै काम 17:10

बिश्वाषी भाई-बंईणों ऐ तेख्णी रात्ते-रात्त संत्त-पौलुस अरह् सीलास बिरीया नंगर खे डेयाल़ी दित्ते; अरह् तेथै पंह्ऊँचियों से यहूदियों के च़ौत्रें दे हुटे।

प्रेरितो कै काम 17:15

संत्त-पौलुस के साथिऐ तेसी एथेंने नंगर तोड़ी डेयाल़ा, अरह् संत्त-पौलुस के ईयों अज्ञाँ आरी पाछ़ू आऐ; के जैतड़ी शिघवाँत्त हऐ सको, सीलास अरह् तीमुथियुस मुँह कैई पाछ़ू आँव।

प्रेरितो कै काम 28:14

तेथै अमाँरी बिश्वाषी भाऐ-बंईणों आरी भेंट हंऐ, अरह् आँमें तेथै तिनके ढंह्लयाँणों लई, सात्त देसो तोड़ी, तिनकी गंईलो रूऐ; अरह् ऐसी हाल्त्त आरी आँमें आखिरकार रोम नंगर दे पंह्ऊँचीं ही गुऐ।

प्रेरितो कै काम 8:40

फ़िलिप्पुस के भे सुईणों जियों लागो, अरह् जबे तेने आप्णीं आखी खुली; तअ तेने का देखो के हाँव अश्दोद नंगर दा असो, अरह् से कैसरिया पंह्ऊँच़्णों तोड़ी बादे नंगर दे खुषख्बरी का प्रचार करदा लागा।

प्रेरितो कै काम 9:11

प्रभू ऐ तेस्खे बुलो, “हेभी ‘सीधी’ नाँव की गल़ी दा ज़ा; अरह् यहूदा के घरह् दा तरसुस का रंहणों वाल़ा, शाऊल का पता ला; से ऐसी बख्त्ते प्रार्थना करदा लागी रूवा।

गलातियौं 1:21

ईन्दें पाछी हाँव सीरिया अरह् किलिकिया के इलाके दा आया।