प्रेरितो कै काम 9:22 - Sirmouri

²² परह् शाऊल हजो भे तागतबर हंदा गुवा, ईयों बातो का परमाँण देऐ-देऐयों के मसीया ऐजा ही असो; तेने दमिश्क दे रंहणों वाल़े, यहूदियों के बुलती बन्द करी दिती।

सिरमौरी नौवाँ नियम

²² पौरौ शाऊल हौजौ बै जादा ताकतवर हौंदा लागा औरौ इयौं बातौ का सबूत दैय दैयौ यकीन दिलांदा लागा कै यीशु ही मसीह औसौ, औरौ दमिश्क शहर कै रौणौवाल़ै यहूदी लोगौ का मुँह बोन्‍द कौरदा रौआ।

प्रेरितो कै काम 9:22 ပူးပေါင်းရင်းမြစ်များ

लूका 21:15

किन्देंखे के हाँव तुँओं खे ऐशो बुलू, के हाँव तुँओं खे ऐशा बोल, अरह् ज्ञाँन-बुद्धी देऊँबा के तुवाँरा बिरूध कर्णों वाल़ा; भे तुवाँरा किऐ बिरूध ने करी सको।

प्रेरितो कै काम 17:3

अरह् ऐजो साबित्त करी दितो, के मसीया खे दु:ख्ह-भोगणाँ, अरह् मँरे अँदे मुँझ्शो पाछ़ू ऊबो जीवणों; जरूरी थियों, “सेजे ही यीशू जिनका हाँव तुवाँरे बीच दा प्रचार करू, से ही मसीया असो।”

प्रेरितो कै काम 18:5

जबे सीलास अरह् तीमुथियुस मकीदुनिया शे आऐ, तबे संत्त-पौलुस बचन शुँणाँणों की लगंन दा यहूदियों खे गुवाऐ-शाज़्त्त देंदा लागा, के यीशू ही मसीया असो।

प्रेरितो कै काम 28:23

तबे: यहूदियों ऐ संत्त-पौलुस की गईलो ऐक देस बंईठणों खे पाक्को करो, अरह् बैजाऐ लोग कंट्ठै हुऐ; अरह् तबे संत्त-पौलुस झ़ीषों शा पुंडा फ़ीरे तोड़ी तिनू आरी बात-चींत्त करदा रूवा; अरह् पंण्मिश्वर के राज्य के बारे दी आप्णीं गुवाऐ-शाज़्त्त देंदे रूवा; अरह् ऋषी मूसा खे भेटे गुऐ अज्ञाँ निय्म, अरह् ऋषियों के पबित्र-ग्रन्थों के मुँताबिक तिन कैई प्रभू यीशू के बारे दे संहम्झाँणों की कोशिष करदा रूवा।

प्रेरितो कै काम 9:20

तबे: शाऊँल तेख्णी यहूदी चौत्रे दा यीशू का प्रचार करदा लागा, के से ही पंण्मिश्वर का बैटा असो।

प्रेरितो कै काम 9:21

तबे बादे शुँण्णों वाल़े लोगो के तुरंबाँणच़ूटे, अरह् से ऐजो बुल्दे लागे; के “कियों ऐजा सेजा ही आदमी आथी ने, जुण्जा आदमी यरूशलेम दे ऐसी नाँव का जाप कर्णो वाल़े भगत्त लोगों का नाँष करह् थिया? कियों ऐ ईथै ईन्दें खे आऐ ने रंई थी; के तिनू लोग बाँनियों मुँख्या-याजकों कैई नीयों?”

प्रेरितो कै काम 9:23

जबे बैजाऐ देसो बिती गुऐ, तअ यहूदी लोगे ऐ मीलियों शाऊल मार्णो का कैड़ा करा।

प्रेरितो कै काम 9:27

परह् बरनबास ऐ शाऊल आप्णी गईलो खास-चैले कैई नींया, अरह् तेने खास-चैले खे बुलो, के ऐसी बाटो पुडा कैशा दाँई प्रभू का दर्शण भेंटा; अरह् केशी दाँई प्रभू ऐं ऐसी आरी बात-चींत्त करी; बरनबास ऐ तिन कैई ऐजों भे बुलो, के कैशा दाँई ऐने दमिश्क नंगर दा नीडर हंऐयों प्रभू यीशू के नाँव का प्रचार करा।

1 कुरिन्थियों 1:27

परह् पंणमिश्वरे तिनू लोग चूंणें-छाँटे, जिनू संईसारी के लोग मुरूख-ज़गर जाँणों थिऐ; किन्देंखे के तिनू दे:खियों संईसारी के ज्ञाँन-वाँन लोग सरमाँऐं ज़ाँव; अरह् पंणमिश्वरे तिनू लोग चूणें-छ़ाँटे जिनू संईसारी के लोग कंंमजोर जाँणों थिऐ; किन्देंखे के तिनू दे:खियों सेजे संईसारी के बल़्वान लोग भे सरमाँऐं ज़ाँव;

गलातियौं 1:18

तबे च़ींन साल पाछ़ी हाँव कैफा कैई शा भेंटिदा यरूशलेम खे हुटा, अरह् तेस कैई पुन्द्रंह् देसो तोड़ी तेथी रूआ।

फिलिप्पियों 4:13

जू मुँखे तागत दियों, तिन्दे खे हाँव सब-कुछ करी सकू।

1 तीमुथियुस 1:12

हाँव आप्णे प्रभू मसीया का जिन्ऐं मुँखे शक्त्ति देऐ थऐ, धन्यबाद करू, के तिन्ऐ मुँह बिश्वाष ज़ूगा सम्झियों आप्णी सेंवा कर्णो वाल़ा बाँणा।