प्रेरितो कै काम 9:1 - Sirmouri

¹ शाऊल तबे भे प्रभू के चैले धंम्काँणें, अरह् माँरी देंणों की धुनं-लंगन दा हों थिया; तबे तेने महाँ-याजक कैई ज़ाऐयों,

सिरमौरी नौवाँ नियम

¹ एसी बीच मुंजी शाऊल प्रभु यीशु कै चैलै खै धमकाणौ औरौ मारणौ कै धमकी दैंव थिया औरौ सै महायहूदी पुरोहित कै धोरे हौटा।

प्रेरितो कै काम 9:1 ပူးပေါင်းရင်းမြစ်များ

प्रेरितो कै काम 7:58

अरह् तेसी स्तिफ़नुस तिन्ऐं आप्णें नंगर शा बाँईडा गाड़ियों तेस गाशी पंथराच़ दित्ती; अरह् तिनू सोभिऐं तेस्की हंत्त्या करी दित्ती, अरह् तेसी बख्त्ते तिनू लोगे ऐं आप्णें बाईले खोट्णों खुलियों शाऊल नाँव के जवाँन के लात्तो कैई थंऐयों छ़ूड़ी दिते।

प्रेरितो कै काम 8:3

शाऊल ऐ तेसी बख्त्ते कलीसिया के लोग सताँऐ लुऐ थिऐ, अरह् से घरह्-घरह् दा जूरे घुसरियों थिया, अरह् तेथै जेसी घरह् दी कुँऐं तिरंई हों, भाँव कुँऐ मंरोद् हों; से तिनू सोभी खींच़ी-खीच़ियों कंय्द खाँनें दे पाऐ दियों थिया।

1 कुरिन्थियों 15:9

किन्देंखे के तिनू प्रभू यीशू के खास-चैले मुँझ्शा हाँव सोभी शा छुट्टा असो, अरह् प्रभू यीशू के खास-चैला बुल्णों ज़ूगा भे हाँव आथी ने, किन्देंखे के मुँऐं पंणमिश्वर की कलीसिया सताऐ थऐ।

गलातियौं 1:13

यहूदी मत्त शा जू आगे मेरी चाल-ढाल थी, तिन्दे के बारे दो तुँऐं शुणी थो, के हाँव पंण्मिश्वर की कलीसिया बैजाऐ ही सताऊँ थिया, अरह् नाँष कर्णो की कोशिष करू थिया।

फिलिप्पियों 3:6

यहूदी धर्म दा ऐत्रा पाक्का थिया, के हाँव कलीसिया का सताँणों वाल़ा थिया; अरह् शिक्क्षा धार्मिक्त्ता के बारे दा जे बुलो तअ बै-कसूर असो।

1 तीमुथियुस 1:13

हाँव तअ आगे पंण्मिश्वर की नीदया कर्णो वाल़ा, सताणों वाला, अरह् अ-नियाँई कर्णो वाल़ा थिया; तबे भे तिन्ऐ मुँह गाशी दया-रंय्म करी, किन्देंखे के अ-बिश्वाष की दशा दा बिना सुच्चै-संमझे हाँव ऐजी काँम करू थिया।