प्रेरितो कै काम 8:40 - Sirmouri

⁴⁰ फ़िलिप्पुस के भे सुईणों जियों लागो, अरह् जबे तेने आप्णीं आखी खुली; तअ तेने का देखो के हाँव अश्दोद नंगर दा असो, अरह् से कैसरिया पंह्ऊँच़्णों तोड़ी बादे नंगर दे खुषख्बरी का प्रचार करदा लागा।

सिरमौरी नौवाँ नियम

⁴⁰ पौरौ फिलिप्पुसे आपी खै अश्दोद शहर दा पोऊवा औरौ जांव तौड़ी कैसरिया शहर दा ना पोऊंची, तांव तौड़ी तैणै हर गांव दै सुसमाचार का प्रचार कौरदै बैई ऐक जौगैह शै ओकी जौगैह आपणी यात्रा जारी राखै।

प्रेरितो कै काम 8:40 ပူးပေါင်းရင်းမြစ်များ

प्रेरितो कै काम 10:1

कैसरिया नंगर दा कुरनेलियुस नाँव का ऐक आदमी थिया, जू इतालियान नाँव के पल़ट्ण का सुबेदार थिया।

प्रेरितो कै काम 10:24

जबे से दुज़े देसे कैसरिया दे पंह्ईचे, तअ सुबेदार कुरनेलियुस आप्णें टाबरे-कुड़्बे अरह् आप्णें खास प्यारे दोस्तो आरी संत्त-पतरस की ठह्ल़णाँई दे तेथै कंट्ठै थिऐ।

प्रेरितो कै काम 11:11

तबे तेसी ही बख्ते तेख्णी जेसी घरह् दा हाँव पाँऊणा थिया, तेथै च़ींन आदमी आऐ, जू कैसरिया शे मुँह कैई डेयाल़ी थुऐं थिऐ।

प्रेरितो कै काम 12:19

जबे राजा हेरोदेसे ऐ संत्त-पतरस की खोज करी लऐ थी, अरह् तेस्का किऐ भे पता ने लागो थिया; तअ तेने तिनू पंऐरेदारों कैई शी बादी पुछ-ताछ़ करियों तिनखे मुँऊत्ती की सजा देणों की अज्ञाँ दिती, अरह् आपु सेजा राजा हेरोदेस तेथै शा यहूदिया ईलाका छ़ोड़ियों कैसरिया नंगर खे हुटा, अरह् से तबे तैथी रंह्दा लागा।

प्रेरितो कै काम 18:22

अरह् कैसरिया के टापू दा ऊदा ऊत्रियों (यरूशलेम खे) हुटा, अरह् कलीसिया खे नमंष्कार करियों महाँ-नंगर अन्ताकिया खे हुटा।

प्रेरितो कै काम 21:16

कैसरिया के किऐ चैले अमाँरी गईलो आऐं, अरह् आँमों कुप्रुस के रंहणों वाल़े मनासोन नाँव के आदमी के घरह् दे हुटे; अरह् सेजा मनासोन शुरू के देसो दा चैला बंणी रूवा थिया, अरह् आँमें तबे तेसी कागी रंहणों वाल़े थिऐ।

प्रेरितो कै काम 21:8

दुज़े के आँमें तेथै शे हाडियों कैसरिया दे पंह्ईचें, अरह् तबे आँमें फिलिप्पुस खुषख्बरी देणों वाल़े के घरह् दे हुटे, अरह् तैथी रूऐ, अरह् से “सात्ती सेवकों” मुझ्षा ऐक सेवक थिया;

प्रेरितो कै काम 23:23

तबे तेने सुबेदार ऐ आप्णें दो सपाई खे बऐदियों बुलो, “ऐत्त्लो रात्ती नौ बाजे तोड़ी कैसरिया ज़ाँणों खे दो षौ सपाऐ, सत्तर घूड़-शुवार, अरह् दो षौ भाले वाल़े जवाँन तैयार थुऐ।

प्रेरितो कै काम 23:33

तिनू घूड़-शुवारे कैसरिया पंह्ऊँचियों, तेसी हाकम फेलिक्स कैई सेजी सुबेदार की पत्री दिती, अरह् संत्त-पौलुस भे तेस्के सहाँम्णें हाजिर करी दिता।

प्रेरितो कै काम 25:1

आप्णें प्रदेश दा पंह्ईच़णों गाशी च़ींन देसो बित्त्णों गाशी, फ़ेस्तुस कैसरिया शा यरूशलेम खे हुटा।

प्रेरितो कै काम 25:13

किऐ देसो बित्त्णों गाशी, राजा अग्रिप्पा अरह् तेस्की बंईण बिरनीके कैसरिया नंगर दे आऐयों हाकम फेस्तुस कैई भेंट-मील कर्दे आऐ।

प्रेरितो कै काम 25:4

हाकम-फेस्तुस ऐ जबाब दिता, “संत्त-पौलुस कैसरिया के कंय्द दा अरह् पऐरे दा असो; अरह् हाँव आपु शीघा तेथै खे ज़ाँऊबा।

प्रेरितो कै काम 25:6

हाकम-फ़ेस्तुस किऐ आठ-दष देसो तोड़ी तिनके बीच दा रंऐयों पाछ़ू कैसरिया दा आया; अरह् दुज़े देसे से नियाँव के सिंगाँस्हणों गाशी बंईठा; अरह् तेने आज्ञाँ दिती, के तेसी पौलुस मुँह कैई हाजिर करो।

प्रेरितो कै काम 8:25

तबे: संत्त-पतरस अरह् संत्त-यूहन्ना आप्णी गुवाह्-शाज़्त्त देऐयों, अरह् प्रभू का बचन अरह् खुषख्बरी शुँणाँऐंयों पाछ़ू यरूशलेम खे हुटे, अरह् सामरियों के भहित्ते गाँव दे से समाँचार शुँणाँदे लागे।

प्रेरितो कै काम 9:30

जबे बिश्वाषी भाऐ-बंईणों कैई ईयों बातो का पता चाला, तअ तिन्ऐं शाऊल कैसरिया नंगर दा नींया; अरह् जेथै शा तिन्ऐं तेसी तरसुस खे डेयाल़ी दिता।

रोमियों 15:19

अरह् चींन-निशाँणी अरह् बड़े काँम-काज़ की शक्त्ति शी अरह् पबित्र-आत्त्मा की शक्त्ति शी मेरे जाँणें करी; ऐतै ज़ूगी के मुँऐ यरूशलेम शी ऊँडी चौऊँँ ढबे इल्लुरिकुम तोड़ी मसीया की खुषख्बरी का पुरा-पुरा प्रचार करा।