प्रेरितो कै काम 8:3 - Sirmouri

³ शाऊल ऐ तेसी बख्त्ते कलीसिया के लोग सताँऐ लुऐ थिऐ, अरह् से घरह्-घरह् दा जूरे घुसरियों थिया, अरह् तेथै जेसी घरह् दी कुँऐं तिरंई हों, भाँव कुँऐ मंरोद् हों; से तिनू सोभी खींच़ी-खीच़ियों कंय्द खाँनें दे पाऐ दियों थिया।

सिरमौरी नौवाँ नियम

³ पौरौ शाऊले कलीसिया कै लोगौ खै सोताए लौवै थिए, औरौ घोरे-घोरे घोसेयो मर्दो औरौ बैटमाणिशौ कै घोसिटै घोसिटैयौ कोयदखाने दै पाए दैंव थिया।

प्रेरितो कै काम 8:3 ပူးပေါင်းရင်းမြစ်များ

प्रेरितो कै काम 16:19

जबे तियाँरे माँलिक ऐ ऐजो देखो, के अमाँरी कंमाँई का जरीया ऐबे खत्त्म हऐ गुवा; तअ तेने संत्त-पौलुस अरह् सीलास थाँहम्बड़ियों चराई बाटो दे मुँख्या कैई खीचियों नींऐं;

प्रेरितो कै काम 22:19

मुँऐ बुलो; ‘हे प्रभू! ऐजे लोग ऐजो जाँणों ऐ, के हाँव ही सेजा आदमी असो; जुण्जा बिश्वाषी लोग ऐक नाँम यहूदी च़ौत्रे शे बाँनियों आँणू थिया; अरह् तिनदे कोड़ो मंराऊँ थिया।

प्रेरितो कै काम 7:58

अरह् तेसी स्तिफ़नुस तिन्ऐं आप्णें नंगर शा बाँईडा गाड़ियों तेस गाशी पंथराच़ दित्ती; अरह् तिनू सोभिऐं तेस्की हंत्त्या करी दित्ती, अरह् तेसी बख्त्ते तिनू लोगे ऐं आप्णें बाईले खोट्णों खुलियों शाऊल नाँव के जवाँन के लात्तो कैई थंऐयों छ़ूड़ी दिते।

प्रेरितो कै काम 8:2

भगत्त लोगे तेसी स्तिफनुस खात्ती-कबर दा दाबी दिता, अरह् तेस्के ताँईऐ तिनू भगत्त लोगे ऐं बैजाऐ रूणा-धुणाँ करा।

प्रेरितो कै काम 9:21

तबे बादे शुँण्णों वाल़े लोगो के तुरंबाँणच़ूटे, अरह् से ऐजो बुल्दे लागे; के “कियों ऐजा सेजा ही आदमी आथी ने, जुण्जा आदमी यरूशलेम दे ऐसी नाँव का जाप कर्णो वाल़े भगत्त लोगों का नाँष करह् थिया? कियों ऐ ईथै ईन्दें खे आऐ ने रंई थी; के तिनू लोग बाँनियों मुँख्या-याजकों कैई नीयों?”

1 कुरिन्थियों 15:9

किन्देंखे के तिनू प्रभू यीशू के खास-चैले मुँझ्शा हाँव सोभी शा छुट्टा असो, अरह् प्रभू यीशू के खास-चैला बुल्णों ज़ूगा भे हाँव आथी ने, किन्देंखे के मुँऐं पंणमिश्वर की कलीसिया सताऐ थऐ।

गलातियौं 1:13

यहूदी मत्त शा जू आगे मेरी चाल-ढाल थी, तिन्दे के बारे दो तुँऐं शुणी थो, के हाँव पंण्मिश्वर की कलीसिया बैजाऐ ही सताऊँ थिया, अरह् नाँष कर्णो की कोशिष करू थिया।

फिलिप्पियों 3:6

यहूदी धर्म दा ऐत्रा पाक्का थिया, के हाँव कलीसिया का सताँणों वाल़ा थिया; अरह् शिक्क्षा धार्मिक्त्ता के बारे दा जे बुलो तअ बै-कसूर असो।

1 तीमुथियुस 1:13

हाँव तअ आगे पंण्मिश्वर की नीदया कर्णो वाल़ा, सताणों वाला, अरह् अ-नियाँई कर्णो वाल़ा थिया; तबे भे तिन्ऐ मुँह गाशी दया-रंय्म करी, किन्देंखे के अ-बिश्वाष की दशा दा बिना सुच्चै-संमझे हाँव ऐजी काँम करू थिया।

याकूब 2:6

परह् तुँऐं तेसी गरीब कंगालो कि बैस्ती करी ने, कियों सैठ-सऊँकार तुँओं गाशी अनियाँऐं कर्दें ने, कियों से तुँओं दाल़त्ती-कचौरी दे खीचियों नींदे ने।