प्रेरितो कै काम 8:22 - Sirmouri

²² ऐबे तू आप्णें पाप-बुराई शा मंन बद्ल़ अरह् पस्तावा करियों प्रभू शी प्रार्थना करह्, जिन्दें लई तेरा दूच़ींत्ता मंन अरह् तेरी बुराऐ माँफ करी ज़ाँव।

सिरमौरी नौवाँ नियम

²² इथकारिए आपणी इयौं बुराई शै पाप कौरणै छोड़े दै औरौ प्रभु शै प्रार्थना कौर जै हौए सौकौ तौ पौरमेशवर तैरै ऐसी बुरै विचारो कै माफ कौरे दैंव।

प्रेरितो कै काम 8:22 ပူးပေါင်းရင်းမြစ်များ

प्रेरितो कै काम 17:30

“पंण्मिश्वर ऐ अज्ञाँनी का जबाना, अण-देखा करी थुवा; अरह् ऐबे तिनकी अज्ञाँ ऐजी असो; के हर ऐक आदमी पस्ताँवा करह्।

प्रेरितो कै काम 2:38

संत्त-पतरस ऐ तिनखे ऐजा जबाब दिता, के “आप्णा मंन बद्ल़ो अरह् तुँओं मुँझ्षे ऐक नाँम आप्णे-आप्णे पापो खे पंस्तावाँ करियों माँफी माँगो; अरह् यीशू मसीया के नाँव शो नहाँण-नहाँव; तबे ऐशा दाँई तुओं पबित्र-आत्त्मा का दाँण-बरंदाँण भेंट्ला।

प्रेरितो कै काम 3:19

तअ तबे: तुऐं लोग पस्तावा करह्, अरह् आप्णा मंन बद्ल़ियों; पंण्मिश्वर कैई पाछू फीरियों आओं, जिन्दे लंई तुवाँरे पाप मिट्टी ज़ाँव।

प्रेरितो कै काम 8:20

परह् संत्त-पतरस ऐ तैस्खे बुलो, “ऊँगल़ी ज़ाँव तेरो, अरह् नाँष हों तेरा धंन-दोल्त्त, अरह् छतिया नाँष हो तेरे रूपिया! किन्देंखे के तुँऐं पंण्मिश्वर का बर्दाण रूपिया लई खर्दोणों का बिचार करा।

प्रेरितो कै काम 9:11

प्रभू ऐ तेस्खे बुलो, “हेभी ‘सीधी’ नाँव की गल़ी दा ज़ा; अरह् यहूदा के घरह् दा तरसुस का रंहणों वाल़ा, शाऊल का पता ला; से ऐसी बख्त्ते प्रार्थना करदा लागी रूवा।

रोमियों 2:4

कियों तू तिनकी दया-रंय्म, अरह् सय्नशिल्ता, अरह् धीरजरूपी धन, बै-कार जाँणें? कियों तू ऐजो जाँण्दा ने, के पंणमिश्वर की दया-रंय्म ताँव कैई शी बुरे काँम-काज़ शा मंन बद्ल़्णों शिखाँव?

इब्रानियों 4:12

किन्देंखे के पंण्मिश्वर का बचन जीऊँदा, शक्त्ति-शाली, अरह् ऐक नाँम दू-धारी तरवारी शा भे बैगे पंईना असो; अरह् से पराँण, आत्त्मा, अरह् अमाँरे भेत्रें के बादे अंग छीन-भीन करियों आर-पार करह्; अरह् अमाँरे मंन की भाँवना अरह् मंन के बिचारो की परख करह्।

प्रकाशितवाक्य 2:21

मुँऐ तियों खे मंन बद्ल़्णों खे मुक्का दिता, परह् से आप्णे कू-कर्म बिचका-काँम शा मंन बद्ल़्णा ने चहाँव थी।