प्रेरितो कै काम 7:60 - Sirmouri

⁶⁰ तबे: से घुडकुँणिऐं बंईठा, अरह् तेने जुराल़ी लेरंह् मारियों बुलो, “हे प्रभू! ऐजा पाप ईन्दा ने लाऐ!” अरह् ऐजो बुलियों तेने प्राण छुड़ी दित्ते; अरह् सेजा शाऊल भे तेस्के माँर्णो दा संह्ऐम्त्त थिया।

सिरमौरी नौवाँ नियम

⁶⁰ हौजौ घुंडू नियुड़ायो जोर सै बौल़ौ, “ओए रै प्रभु, ऐसी पाप कारिए इनु माफ कौर।” ऐजौ बौलेयौ सै मौरे गौआ।

प्रेरितो कै काम 7:60 ပူးပေါင်းရင်းမြစ်များ

मत्ती 27:52

अरह् खात्ती-कबरो खुली गई, अरह् मरे अंदे पबित्र लोगो के बैजाऐ मुँड़्दे ऊबे जींऐं;

मत्ती 5:44

परह् हाँव तुँओं खे बुलू, के आप्णें बऐरी शो पियार थुऐं, अरह् आप्णे सताँणें वाल़े खे प्रार्थना करह्,

लूका 22:41

तबे प्रभू यीशू चैले शे दाँणिंक आगुड़े हुटे, अरह् घुंन्डकुँणिऐ प्रार्थना कर्दे लागे।

लूका 23:34

(प्रभू यीशू ऐ बुलो, “हे परंम-पिता! ईन खे माँफ करे, किन्देंखे के ऐ ने जाँण्दें के ईन्ऐं का करी लो।”) अरह् तिन्ऐं “पार्ची पाऐयों प्रभू यीशू के खोट्णों आपु मुँझी बाँडी पाऐ।”

लूका 6:28

अरह् जुण्जा तुओं खे श्राप-फिट्कारा दियों; तैस्खे तुऐं आशिर्बाद दियों। अरह् जुण्जा तुँओं आरी बुराबरताव करह्, तैस्खे तुऐ प्रार्थना करह्।

यूहन्ना 11:11

ईन्दें पाछ़ी प्रभू यीशू ऐ चैले खे बुलो, “मेरा दोस्त्त लाज़र सुत्ती गुवा; हाँव ज़ादा लागा, के तेसी नींज़ौ शा ऊबा बीऊँजाल़ू।”

प्रेरितो कै काम 13:36

“किन्देंखे के दाऊद तअ पंण्मिश्वर की हिछ़या के मुँताबिक शे आप्णे ज़ूगौ दे सेवा करियों मँरी गुऐ, अरह् आप्णे पुराँणियाऐं की गईलो खात्ती-कबर दे थुऐ गुऐ, अरह् शँड़ी-गल़ी भे गुऐ।

प्रेरितो कै काम 20:36

ऐतोड़ो बुलियों संत्त-पौलुस ऐं तिनू सोभी आरी आप्णें घुन्डू नाँऐयों प्रार्थना करी।

प्रेरितो कै काम 21:5

जबे तेथै शा अमाँरे ज़ाँणो का बख्त्त पुरा हुवा; अरह् आँमें बिदा हंऐयों जाँदे लागे, तअ बादे लोग तिरंई अरह् नहाँन्ड़िया आरी, नंगर शे बाँईडे आँमों डेयाल़्दे आऐ; अरह् आँमें संमुँन्द्रो के काटल़ो गाशी आप्णें घुण्डू नाँऐयों प्रार्थना कर्दे लागे।

प्रेरितो कै काम 9:40

तबे संत्त-पतरस ऐ बादे लोग तेथै शे बाँईडे गाड़े, अरह् तेने घुडकुँणिऐं प्रार्थना करी; ईन्दें पाछ़ी तिन्ऐ तेसी मुँड़्दे के ढबै पाछ़ू फीरियों बुलो, “तबिथा, बीऊँज!” तबे तिऐं आप्णी आँख खुली, अरह् संत्त-पतरस देखियों से ऊँबी बंऐठी।

1 कुरिन्थियों 11:30

ईन्देखे तुँओं मुँझी बैजाऐ भहीते कंंमजोर, अरह् रूगी असो, अरह् बैजाऐ भहीते मरी भे गुऐ।

1 कुरिन्थियों 15:18

तअ जुण्जे मसीया दे बिश्वाष करियों हेबी तोड़ी मरी गुऐ, से भे नंष्ट हऐ गुऐ।

1 कुरिन्थियों 15:20

परह् मसीया सत्तिखे मरे अंदे मुझ्शे ऊबे जियाल़ी थुऐ, अरह् ऊबे जियाल़े अंदे मुंझ्शे से आगला ही फल़ असो।

1 कुरिन्थियों 15:51

दे:खो, हाँव तुँओं कैई ऐक राज भेद् की बात बुलू: आँमें बादे ने मर्दे परह् बादे बद्ल़ी ज़ाँदे,

1 कुरिन्थियों 15:6

तबे से पाँच षौ शे जादा बिश्वाषी भाऐ बंईणों कैई शे ऐक साथ देखिऐ; जिन मुझ्शे ऐत्लो भे कऐयों लोग जींऊँदी असो, अरह् कऐयों लोग मरी गुऐ।

1 थिस्सलुनीकियों 5:10

प्रभू यीशू ऐ अमाँरी ताँईऐं प्राँण ईन्देंखे दित्ते, के आँमें जीऊँदे असो, भाँव मँरी ज़ाँव, परह् जबे से हजो पाछू आँव; तअ आँमें तिनकी गईलो जीऊँदें रंह्।

2 तीमुथियुस 4:16

शुरू दा जबे मुँऐं आप्णा बंचाव करणा चाया, तअ मेरी ढबे शा कुँऐं भे मेरी मंद्दत्त करदा ने आई; परह् सोभिऐ मुँह ऐकली छुड़ा, पंण्मिश्वर ऐशो करह् के कोसी भे तिन्देका किऐ भे लेखा-ज़ोंखा ने देणाँ पड़ो!

2 पतरस 3:4

जुण्जे ठाटे पाड़ियों ऐजो बुल़्ले के “कियो रे प्रभू के दुज़ाल़िऐ आँणों के बाय्दें को का हुवो? अमाँरे बुड़े बुजूरग बुढ़ाईको शो ऊबो ऐष्णो ही सब-कुछ चाली रंहो, जेष्णों के संईसारी के शुरू शो ऊबो थियों?”