प्रेरितो कै काम 7:35 - Sirmouri

³⁵ “जेसी ऋषी मूसा तिनू इस्राएली लोगे ऐ ऐजो बुलियों फिट्कारी थिया, के ‘ताँव आँमों गाष्ला हाकम अरह् नीयाँईच़ू कुँणें बाणी थुवा?’ तेसी ही ऋषी खे पंण्मिश्वर ऐ जल़्दी झाड़ी मुँझी दर्शण देंणों वाल़े स्वर्गदूत्त के कारण हाकम अरह् तिनू सोभी खे मुँक्त्ति अरह् छुड़ाणों वाल़े के रूप दा तिन कैई डेडयाल़ी दिता।

सिरमौरी नौवाँ नियम

³⁵ “ऐजा सैजाई मूसा औसौ जैसीकै इस्राएल देश कै लोगै ना अपनाए रैई थी औरौ बौल़ौ राए थियु, ‘ताखै कुणै आमु पांदी औधिकारी औरौ न्याय कौरणौवाल़ा ठोहराए राए?’ पौरमेशवर कै जैसी स्‍वर्गदूतै मूसा कै जोल़ेयौंदे झाड़ी मुंजी दर्शन दिया, तैणैई मूसा कै इस्राएली लोगौ का औधिकारी औरौ छुड़ाणौवाल़ा ठोहरायो भैजा।

प्रेरितो कै काम 7:35 ပူးပေါင်းရင်းမြစ်များ

मरकुस 12:26

जेथै तोड़ी मरे अंदे के दुज़ाल़िऐं जीऊँणों का सुवाल असो, कियों तुऐं ऋषी-मूसा की कताबे दो पढ़ी ने थंई, जींदा जल़्दी झाड़ी का जिंगर असो? किन्देंखे के पंणमिश्वर ऐ ऋषी-मूसा खे बुलो थियों, के हाँव कथा दो पढ़ी ने थऐ, के पंणमिश्वर ऐ तेस्खे का बुलो, के ‘हाँव अब्राहम, का पंणमिश्वर इसहाक, का पंणमिश्वर अरह् याकूब का पंणमिश्वर असो?’

लूका 19:14

परह् तेसी सैठो की गईलो तेसी नंगर के रंहणों वाल़े लोग तैसी आरी बंईर करह् थिऐ; ईन्देंखे तिनू लोगे तैसी पाछ़ी ऐक ओका दास लोगो का दल़ डेयाल़ा अरह् तिन कैई ऐजा शुझ़ा दिता, के ‘आँमें कुँऐं ने चहाँदे के ऐजा आदमी आँमों गाशी किऐ राज शाषंन करह्।’

यूहन्ना 18:40

तबे तिन्ऐ लेरंह् मारियों बुलो, “ऐसी ने! परह् आँमों खे बरअब्बा छुह्ड़ी दे” अरह् सेजा (बरअब्बा ऐक ऊग्रबादी थिया।)

यूहन्ना 19:15

ईन्दें गाशी से लेल्याँऐं दे लागे, के ऐसी ईथै शा “आगू नींयों! आगू नींयों! ऐसी शुँल़ी-फ़ाँशी चढ़ाव!” हाकम-पिलातुस ऐ तिनखे बुलो, “कियों हाँव तुवाँरा राजा शुँल़ी-फ़ाँशी चड़ाऊँ?” मुँख्या-याजकों ऐं जबाब दिता, “रोमन महाँ राजा कैसर के सुवाऐं ओका कुँऐं भे अमाँरा राजा ने आथी।”

प्रेरितो कै काम 2:36

“इस्राएल का बादा घराना ऐजो पाक्को जाँणी पाँव, के जिनू यीशू तुऐं लोगे ऐ शुँल़ी-फ़ाँषी गाशी चड़ाऐ; तिनू ही पंण्मिश्वर ऐ प्रभू अरह् मसीया बंणाँऐ दित्ते।”

प्रेरितो कै काम 3:22

ऋषी मूसा ऐं बुलो थियों, ‘तुवाँरा प्रभू पंण्मिश्वर तुवाँरे भाईयों मुँझ्षा तुवाँरी ताँईऐं ऐक मुँह जेष्णाँ ऋषी पय्दा करला; से जुण्जो किऐ तुँओं खे बुल़्ला, तुऐं तिन्दा ही ध्याँन दिऐ।

प्रेरितो कै काम 5:31

तबे पंण्मिश्वर ऐ तिनू ही प्रभू अरह् मुँक्त्ति-दाता का पंद्-भार देऐयों, आप्णें सुँऐं ढबै बंईठाल़ी दित्ते; के से इस्राएलियों खे मंन बद्ल़्णों के शक्त्ति अरह् पापों की माँफी दियों।

प्रेरितो कै काम 7:30

“अरह् जबे ऋषी मूसा खे तेथै रंह्ऐयों च़ाल़ीष साल्ह पुरे हुऐ, तअ सीनै धारो गाशी शुन-शाँन जागा दा ऋषी मूसा के ऐक जल़्दी झाड़ी के घंयाँने दा स्वर्गदूत्त देखाई पड़ा।

प्रेरितो कै काम 7:51

“ओ, मंन के हठावणें, अरह् काँनों शे जाऐरे लोगों! तुऐं सदा ही पबित्र-आत्त्मा का बिरोध करह्, जेष्णों के तुवाँरे पुराँणिऐं भे करह् थिऐ।

कुलुस्सियों 1:15

से तअ छाँई-माई पंण्मिश्वर का देखाई पढ़णों वाल़ा रूप असो, अरह् बादी संईसारी का जैठा असो।

इब्रानियों 2:2

पंण्मिश्वर आप्णे स्वर्गोदूत्तो के जाँणें, इस्राएली लोगो खे आप्णी अज्ञाँ दिती, सेजी बादी अज्ञाँऐं बैजाऐ दब-दबे वाल़ी थी, परह् इस्राएली लोगे तिनकी सेजी अज्ञाँ ने माँनी, ईन्देंखे पंण्मिश्वर ऐ तिनखे ठीक संजा दिती;

प्रकाशितवाक्य 15:3

से पंण्मिश्वर के दास ऋषी-मूसा को गीत्त, अरह् तेसी छ़ैल़्टे को गीत्त गाऐ गाऐयों बुलो थिऐ: “हे सर्ब-शक्त्तिमाँन प्रभू पंण्मिश्वर, तेरे काँम-काज़ बड़ी नंखै असो; हे ज़ूगौ-ज़ूगौ के राजा, तेरी चाल ठीक अरह् साच्ची असो।”