प्रेरितो कै काम 6:7 - Sirmouri

⁷ तबे पंण्मिश्वर का बचन फऐल्दा लागा, अरह् तबे यरूशलेम दी चैले की गिनती बैजाऐ बड़्दी लागी; अरह् तबे बैजाऐ याजकों ऐं भे बिश्वाष करियों तिनका मंत्त माँनी पाया।

सिरमौरी नौवाँ नियम

⁷ औरौ पौरमेशवर का वचन फौयल़दा गौआ औरौ यरूशलेम शहर दै चैलै कै गिनती बैजाए बौढ़दै गौए औरौ बौड़ी संख्या दै यहूदी पुरोहिते बै यीशु मसीह पांदी बिशवाश कौरणौ कै ऐसी सौंदेश कै मानै पोऊवा।

प्रेरितो कै काम 6:7 ပူးပေါင်းရင်းမြစ်များ

मत्ती 19:30

परह् कऐयों जुण्जे आगे असो, तिनू पाछ़ू करे ज़ाले, अरह् जुण्जे पाछ़ू असो, तिनू आगे करे ज़ाले।

लूका 2:34

तबे तेने धर्मी-भगत्त शमौन ऐ आशिष देऐयों, तेसी बालक की माँ मरियम खे बुलो, “दे:ख, ऐ तअ इस्राएल दा भहिते के रिड़ोणो, अरह् खड़ा कर्णो खे, अरह् ऐक ऐशा च़ींन हंणों खे बंणाऐ थुवा, जेस्के बीरोध दी बातो करी ज़ाली

यूहन्ना 12:42

हाकमों मुँझ्षा भे भहित्ते लोगे ऐ, प्रभू यीशू गाशी बिश्वाष करा; परह् से यहूदी भाट्-बाँम्णों के कारण सोभी के सहाँम्णें खुह्लमं-खुह्ले बिश्वाषी ने बंणीं सकी; किन्देंखे के से ऐशे डरह् थिऐ, के कंद्दी ऐशो ने हंईयों के आँमों यहूदी च़ौत्ते शे ऐजे लोग आगु ने गाड़ी दियों।

प्रेरितो कै काम 12:24

परह् पंण्मिश्वर का बचन बढ़दा अरह् फऐल्दा लागा।

प्रेरितो कै काम 13:8

परह् सेजा बार-यीशू नाँव का आदमी, जेस्को छुटो नाँव एलिमास (मतल्ब जादूगर) थियों, तेने तिनू खास-चैले का बिरोध करा; अरह् से तेसी हाकम सिरगियुस-पौलुस बिश्वाष कर्णो शा रूक्णाँ चहाँव थिया।

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

प्रेरितो कै काम 19:20

ऐशा दाँई प्रभू का बचन जोर-शोर शा दूरे-दूरे तोड़ी फईल्दा लागा।

प्रेरितो कै काम 2:47

सेजे बादे बिश्वाषी लोग पंण्मिश्वर की अरार्धना-धन्यबाद करिया करह् थिऐ, अरह् तेथै की बादी जंनत्ता तिनका बैजाऐ माँन-संमाँन करह् थिऐ; अरह् प्रभू हर-रोज तिनकी मंडल़ी दे नुंऐं लोग मिलाँव थिऐ, जिनू लोग आप्णें पाप शा छ़ूट्कारा-मुँक्त्ति भेटो थी।

प्रेरितो कै काम 21:20

तिन्ऐं ऐजी बात शुँणिंयों पंण्मिश्वर की बड़ियाऐं करी, अरह् संत्त-पौलुस खे बुलो; “भाऐ! तुऐ देखी लो, के हजारो यहूदियों ऐ बिश्वाष करी पाया; अरह् से बादे निय्म पाक्कै माँनणों वाल़े भे असो।

प्रेरितो कै काम 6:1

तोदी तिनू देसे जबे चैले की तादाऐत-गिन्त्ती बैजाऐ बड़्दी लागी, तबे यूनानी भाषा बुल़्णों वाल़े यहूदी बिश्वाषी लोग, इब्रानी भाषा बोल़्णों वाल़े बिश्वाषी यहूदी लोगो के बिरूध दे तुड़-खुड़ाऐ के रोज की सेंवकाई दी अमाँरी बिध्वायों के किऐ भे सुद्धी-खबर ने लंऐ ज़ाँदी।

रोमियों 1:5

तिनके जाँणें आँमों कृपा अरह् प्रभू यीशू के खास-चैला बंण्णों खे मुका भेटा, के तिनके नाँव के जाँणें बादी गऐर यहूदी के लोग बिश्वाष करियों तिनकी बष दे हों,

रोमियों 16:26

परह् ऐबे पर्गट हऐयों ज़ूगौ के पंणमिश्वर की अज्ञाँ शे जू ऋषियों की कताबे के जाँणें सोभी जात्तियों खे बुली गई, के से बिश्वाष शे अज्ञाँ माँनणों वाल़े हऐ ज़ाँव,

गलातियौं 1:23

परह् से लोगो कैई शो ऐजो ही शुणों थिऐ, के “आगे जुण्जा आदमी आँमों सताँव थिया, से ऐबे तेसी ही मत्त अरह् बिश्वाष की खुषख्बरी शुणाँव, जियों खुषख्बरी से नाष कर्णो की कोशिष करह् थिया।

गलातियौं 6:10

ईन्देंखे जेथै तोड़ी मोंक्का भेंटो, आँमें सोभी आरी भलाऐं करह्, प्रभू यीशू के करियों बिश्वाषी भाऐ-बऐणी आरी।

कुलुस्सियों 1:6

जू तुँओं कैई पऐची रूआ, अरह् जेष्णाँ संईसारी दा भे फल़ लेआँव अरह् से बढ़दा ज़ाँव, तेष्णा ही जेस देसो शे तुँऐं तेसी बचन शुँणा अरह् सच्चाई शी पंण्मिश्वर की कृपा जाँणी, अरह् सोत्तिखे सम्झ़ी पाऐ।

2 थिस्सलुनीकियों 1:8

अरह् जू पंण्मिश्वर ने पछयाँणदे, अरह् अमाँरे प्रभू यीशू की खुषख्बरी ने माँन्दे, तिनूशा से बद्ल़ा लोंदा।

2 तीमुथियुस 2:9

जिन्देकी ताँईऐं हाँव कू-कर्णी के जिऐ दु:ख भुगतू, जिन्दें के ताँईऐ हाँव कंय्दी भे असो; परह् पंण्मिश्वर का बचन कय्द ने आथी।

इब्रानियों 11:8

बिश्वाष ही के कारण जबे बाबा-अब्राहम पंण्मिश्वर ऐ बईदा, तअ से आप्णें घरह्बार अरह् कुँड़बा छ़ुड़ियों ओकी देश खे तिनकी अज्ञाँ का पाल़्ण करियों; तेसी देश खे हुटा, जुण्जा देश पंण्मिश्वर तेस्खे हंकदार बाँणियों देणों वाल़े थिऐ; अरह् बाबा-अब्राहम कैई ऐजा पता ही ने थी, के मुँऐ केथै ज़ाँणों; से बस चाल पड़ा।

इब्रानियों 5:9

अरह् सीद्ध बंणियों आप्णें बादे अज्ञाँ माँनणों वाल़े की ताँईऐं सदा खे छ़ुट्कारा देणों वाल़े बंणें;

यहूदा 1:20

परह् हे प्यारों! तुँऐं आपु आप्णे आप के बैजाऐ पबित्र बिश्वाष दे बढ़्दे ज़ाव, अरह् पबित्र-आत्त्मा दे प्रार्थना कर्दे रंह्।

यहूदा 1:3

हे प्यारों! जबे हाँव तुँओं खे तैसी छुट्कारे के बारे दो लिख्णों खे बैजाऐ मेंह्नत्त कर्णो के कोशिष दा थिया, जिन्दें आँमें बादे साजी असो, तअ मुँऐं ऐजो जरूरी जाँणों के तेसी बिश्वाष खे जरूरी कोशिष करह्, जू पबित्र लोगो खे ऐकी ही बई देऐ थुवा।