प्रेरितो कै काम 6:3 - Sirmouri

³ तअ तबे: हे मेरे भाऐ-बंईणों! तुऐं लोग आपु ही मुँझ्शे सात्त आच्छ़ै चाल-चल़्ण वाल़े मरोद् च़ूणीं-छ़ाँटी दियों; जुण्जे के पबित्र-आत्त्मा अरह् बुद्धी शे भे भर-पुर हले; जिनू आँमें ऐसी काँम-काज़ खे तैयार करी सको।

सिरमौरी नौवाँ नियम

³ इथकारिए ओए रै बिशवाशी भाईयों, आपी मुंजीदै सात इजतदार मर्दो कै जू पवित्र आत्मा औरौ बुध्दि शै भौरेयौंदे हौंव, जिनकै बारै मुंजी सौबै जोणे जाणौ हौलै, चोणे पाव, कै आमु तिनु ऐसी कामौ कै जुमैवारै सौंपै सौकु।

प्रेरितो कै काम 6:3 ပူးပေါင်းရင်းမြစ်များ

मत्ती 23:8

परह् तुँऐं आपु खे गुरू ने बणें, किन्देखे के तुवाँरा गुरू सिर्फ ऐक ही असो, अरह् तुँऐं बादे आपु मुँजी भाऐ ही भाऐ असो।

यूहन्ना 21:23

ईन्देंखे बिश्वाषी भाऐ-बंईणों मुँझी सेजी बात फऐली गऐ, के ऐजा चैला कंद्दी ने मंर्दी, तबे भे प्रभू यीशू ऐ तेस्खे ऐजो ने बुली; के तू कंद्दी ने मर्दी; परह् तिन्ऐ ऐजो बुलो, के “जे हाँव चहाँऊ, के ऐ मेरे पाछू आणों तोड़ी ईथी रंह्दा, तअ तेरे ईन्दें शो का लणों?”

प्रेरितो कै काम 1:15

ऐक देस, जबे के ऐक षौ, बींष बिश्वाषी भाऐ-बंईणों के लग-भग लोग कंट्ठै थिऐ; तअ संत्त-पतरस तिनू सोभी के बीच दे खह्ड़े हंऐयों बुल्दे लागे।

प्रेरितो कै काम 1:21

“ईन्देंखे जैतोड़े देसो तोड़ी प्रभू यीशू अमाँरी गईलो आँदे-ज़ाँदे रूऐ, मंतल्व संत्त-यूहन्ना नहाँण-कराँणों वाल़े शे ऊँडे, अरह् तिनू अमाँरे बीच शे ऊँबे थाग्णों तोड़ी जुण्जे लोग बरा-बुर अमाँरी गईलो रूऐ,

प्रेरितो कै काम 10:22

तिन्ऐं ऐजा जबाब दिता, “सुबेदार कुरनेलियुस जुण्जा धर्मी, अरह् प्रभू! का भगत्त, अरह् पंण्मिश्वर का डर-भय माँनणों वाल़ा असो; अरह् तेस्का बादे यहूदी लोग, भे आदर-ईज्जत्त करह्, अरह् तेस्खे ऐक पबित्र स्वर्गदूत्त ऐं अज्ञाँ देऐ थंऐ; के से तुओं आप्णें कागी बंईदो, अरह् से तुओं कैई शे बचन की खुषख्बरी शुँणों।”

प्रेरितो कै काम 15:23

अरह् तिनके हाथै ऐजी पत्री डेयाल़ी जिन्दो लिखी थो थियों: के “खास-चैले अरह् यहूदियों के ठह्गड़ै लोग; तुओं सोभी भाऐ-बंईणों खे, अनताकिया, सीरिया, अरह् किलिकिया, के गऐर-यहूदी, भाऐ-बंईणों खे नमंष्कार करह्।

प्रेरितो कै काम 16:2

अरह् लुस्त्रा अरह् इकुनियुम के भाई-बंईणों मुँझी से जाँणा-गिंणा आदमी थिया।

प्रेरितो कै काम 2:4

सेजे बादे लोग पबित्र-आत्त्मा शे भरे गुऐ, अरह् पबित्र-आत्त्मा के जाँणें बुल्णों के शक्त्ति शे से अपरियाँण भाषा का बरदाँन लई साँत्त-भाँत्ती भाषा बुल्दे लागे।

प्रेरितो कै काम 22:12

“तबे हनन्याह नाँव का ऐक आदमी तेथै आया, से ऋषी मूसा खे भेटे गुऐ अज्ञाँ-निय्म के मुँताबिक चाल्णों वाल़ा, भगत्त अरह् सोभी यहूदियों मुँझी माँना-गीणा आदमी थिया;

प्रेरितो कै काम 28:14

तेथै अमाँरी बिश्वाषी भाऐ-बंईणों आरी भेंट हंऐ, अरह् आँमें तेथै तिनके ढंह्लयाँणों लई, सात्त देसो तोड़ी, तिनकी गंईलो रूऐ; अरह् ऐसी हाल्त्त आरी आँमें आखिरकार रोम नंगर दे पंह्ऊँचीं ही गुऐ।

प्रेरितो कै काम 6:2

ईन्देंखे बारंह् खास-चैले ऐं आपु मुँझी खुम्ल़ी बंईठाल़ियों बुलो, “ऐजो ठीक आथी ने, के आँमें खियाँणों-पीयाँणों की सेवा खे पंण्मिश्वर का बचन शुँणाँणा छ़ुड़ी दियों।

प्रेरितो कै काम 6:5

तबे ऐजी बात तियों बादी मंड्ल़ी के लोगों के आच्छ़ी लागी, अरह् तिन्ऐ स्तिफनुस नाँव का ऐक आदमी जुण्जा बिश्वाषी अरह् पबित्र-आत्त्मा शा भरा अँदा थिया; अरह् फ़िलिप्पुस, प्रोखुरूस, निकानोर, तीमोन, परमिनास, अरह् अन्ताकिया का रंहणों वाल़ा; जुण्जा के यहूदी मंत्त दा आऐ रूवा थिया, जेस्को नाँव निकोलास थियों तेसी भी तियों सेंवा खे च़ूणीं-छ़ाँटी पाया।

प्रेरितो कै काम 6:6

अरह् तबे तिन्ऐं च़ूणें-छ़ाँटे अँदे लोग खास-चैले कैई हाजीर करे, अरह् खास-चैले ऐं तिनखे प्रार्थना करी; अरह् आप्णें हाथ तिनके मुँढों गाशी थंऐयों तिनखे आशिर्बाद दिता।

प्रेरितो कै काम 9:30

जबे बिश्वाषी भाऐ-बंईणों कैई ईयों बातो का पता चाला, तअ तिन्ऐं शाऊल कैसरिया नंगर दा नींया; अरह् जेथै शा तिन्ऐं तेसी तरसुस खे डेयाल़ी दिता।

1 कुरिन्थियों 12:8

जैष्णी के ऐकी खे पबित्र-आत्त्मा के जाँणें बुद्धी की बातो देंई, अरह् ओकी खे तियों ही पबित्र-आत्त्मा के जाँणें ज्ञाँन की बातो देई ज़ाँव।

1 कुरिन्थियों 16:3

अरह् जबे हाँव आँऊबा, तअ जिनू तुँऐं चहाले तेसी कैई हाँव पत्री डियाल़ी देऊँबा के से तुवाँरा दाँण यरूशलेम दा पंहिचाल़ो।

इफिसियों 5:18

अंगुरोह् के शाड़े अँदें रंस शे मंतवाल़े ने बणें, किन्देंखे के ईदे लई लूचपंण हों, परह् पबित्र-आत्त्मा शे भरपूर हंदे ज़ाव,

1 तीमुथियुस 5:10

अरह् जिऐं आप्णें भले काँम-काज़ लंई आपु खे नाँव कंमाँऐ थुवा हला, जिंऐ आप्णें नहाँन्ड़िया का आच्छ़ा पालना-पोष्ण करी थुवा हला; अरह् जिऐ पाँऊँणें-पंई का आच्छ़ा आदर-संत्तकार करी थुवा हला, अरह् जिऐं पबित्र लोगो के लात्त धोऐ थुऐ हंले; अरह् कोसी दींन, दु:खिया की मंद्दत्त करी थंऐ हली, अरह् जुण्जी सोभी आच्छ़ै काँम-काज़ दी मंगन रंह् हले।

याकूब 1:17

बादे आछै दाँण, अरह् बादे शुद्ध बर्दांण, ऊपरोह् शे मतल्व स्वर्गो के पिता कैई शे भेंटो: जेने सर्गों के त्तैज-प्रकाष बंणाँऐं; अरह् जिदा ना किऐ बद्ल़ाव हंदा, अरह् ना किऐ साटा-बाटा हंदा।

3 यूहन्ना 1:12

दिमेत्रियुस के बारे दी सोभी लोगे आछ़ी गुवाऐ-शाज़्त दिती; ऐथै तोड़ी के सच्चाऐ आपु भी ऐष्णों करह्; अरह् हाँव भे तिनके बारेदे ऐजी ही गुवाऐ-शाज़्त देऊँ, अरह् तुँऐं भे जाँणोंऐं के अमाँरी गुवाऐ-शाज़्त साच्ची असो।