प्रेरितो कै काम 6:14 - Sirmouri

¹⁴ आँमें ऐसी आदमी ऐजो बुल्दे शुँणीं थुवा, के सेजा ही यीशू नासरी ईयों जागा ढाल़ी देंदा; अरह् सेजी अज्ञाँ-निय्म जुण्जी के ऋषी-मूसा खे भेटी रंऐ थी, से तियों भे बद्ल़ी देंदा; जुण्जी तिन्ऐं आँमों खे देऐ थंऐ थी।”

सिरमौरी नौवाँ नियम

¹⁴ जिथुखै आमुए ऐसी ऐजौ बौलदै बैई शौणै राए कै ऐजा नासरत गांव का यीशु ऐसी मंदिर कै ढाल़ै दैंदा, औरौ तिनु भौवारो खै बौदलै दैंदा जू मूसाए आमु कै दैय राए।

प्रेरितो कै काम 6:14 ပူးပေါင်းရင်းမြစ်များ

मत्ती 26:61

अरह् तिन्ऐ बुलो, के “ऐने ऐजो बुली थो, के हाँव पंणमिश्वर की देऊँठी ढाल़ी देऊँबा अरह् तियों च़ीज़ै देसो दी पाछू बाणूबा।”

मरकुस 14:58

“आँमें ऐसी ऐजो बुल्दे शुणा, के हाँव ऐजी हाथो के बाँणी अंदी देऊँठी ढाल़ी देऊँबा, अरह् च़ीज़े देसो भीतरी हजो ऊकी देऊँठी बाँणूबा, जू हाथो के बंणी अंदी ने हों।”

लूका 21:24

ईनू लोग तरवारी लई माँरी देईले, अरह् ईनू बाँनियों आगू सोभी देशो के लोगो मुँझ़ी नींदे; अरह् यरूशलेम नंगर गऐर यहूदियों के जाँणें घिंजणों खे पाव ज़ाँदो; जाँव तोड़ी के गऐरी यहूदी लोगो का बख्त पुरा ने हऐ ज़ाँव।

लूका 21:6

“जिनू च़ीजो के तुँऐं तारीफ भे करी लऐ, ऐक देस ऐशो भे आलो, के ऐसी भवन का ऐक भे पाथर ओकी पाथरो गाशी ने भेंटो; किन्देंखे के ऐक नाँम पाथर धनियों ढाल़ा अंदा हंला।”

यूहन्ना 2:19

प्रभू यीशू ऐ तिनखे जबाब दिता, “ईयों देऊँठी ढाल़ी दियों, अरह् हाँव ईयों देऊँठी च़ीज़े के हजो पाछ़ू खह्ड़ी करियों देखाँऊबा।”

यूहन्ना 4:21

प्रभू यीशू ऐ तियों खे बुलो, “ओ तिरंई! मेरी बातो का बिश्वाष करह्, के सेजा बख्त आँदा लागा, जबे तुँऐं लोग ना तअ ईयों धारह् गाशी, ‘पंरम-पिता पंण्मिश्वर के आरार्धना कर्ले; अरह् ना यरूशलेम दी।’

प्रेरितो कै काम 15:1

तबे किऐ लोग यहूदिया ईलाके शे बड़े नंगर अन्ताकिया दे आऐ, अरह् आऐयों तिन्ऐं बिश्वाषी भाऐ-बंईणों कैई शो ऐजो शिखाव: के “जे तुवाँरा ऋषी मूसा खे भेटे गुऐ अज्ञाँ निय्म के मुँताबिक खतना ने हुवा! तअ तुओं खे मुँक्त्ति-छ़ूट्कारा ने भेंटी सक्दा।”

प्रेरितो कै काम 21:21

तिन्ऐं तुवाँरे बारे दो शुँणीं थुओं, के तुऐं गऐर-यहूदियों के बीच रंहणों वाल़े; यहूदियों खे ऐजी शिक्क्षा देऐ थंऐ, के तुऐ ऋषी-मूसा खे भेटे गुऐ अज्ञाँ निय्म छुड़ी दियों; किन्देंखे के तुऐ ईनखे बुलो, के ऐ ना तअ आप्णें नहाँन्ड़िया का खतना करह्; अरह् ना पुराँणें यहूदी-रित्ती-रूवाज का किऐ पाल़्ण करह्।

प्रेरितो कै काम 25:8

संत्त-पौलुस ऐ जबाब दिता, “मुँऐं ना तअ यहूदी के रित्त-रूवाज के बिरूध, अरह् ना देऊँठी के बिरूध, अरह् ना महाँ राजा कैसर के बिरूध किऐ अपराध करी थंई।”

प्रेरितो कै काम 26:3

खास करियों ईन्देंखे के तुँऐं यहूदी लोगों के बादे रित्ती-रूवाज जाँणों ऐं, अरह् तिनके बाद-बिबाद भे तुऐं खास करियों जाँणों ऐं; मेरी तुओं शी ऐजी प्रार्थना असो, के तुऐं सुई सबेर माँरियों मेरी बातो शुँणों।

प्रेरितो कै काम 28:17

च़ींन देसो बित्त्णों गाशी, संत्त-पौलुस ऐ यहूदियों के मुख्या-बुड़े-बुजूर्गो लोग बईदे, अरह् जबे से बादे झुणें कठै हऐ गुऐ, तअ तबे संत्त-पौलुस ऐ तिनखे बुलो, “हे भाईयों! मुँऐं अमाँरी जात्ती के बिरूध किऐ भे अपराध ने करी थंई; अरह् ना आप्णें पुराँणियाऐं के रित्ती-रूवाज के बिरूध किऐ अपराध करी; तबे भे मुँह यरूशलेम दा कंय्द करा, अरह् रोमियों के हवाले करी दिता।

गलातियौं 3:19

तअ तबे भलिया मूसा खे भेटे गुऐ अज्ञा-निय्म का मतल्व ही का रूआ? अज्ञाँ टाल़्णों के कारण मूसा खे भेटे गुऐ अज्ञा-निय्म के रित्ती शा जुड़ा गुवा थिया; अरह् जुण्जा बाय्दा करा गुवा थिया, से ऐजा थिया, के तेसी वंष तोड़ी रंह् जुण्जा आँणों वाल़ा असो; से मूसा खे स्वर्गदूत्त के जाँणें देऐ गुऐ थिऐ।

गलातियौं 3:23

परह् ऐसी बिश्वाष के आँणों शे आगे निय्म के बष दे रंऐयों अमाँरी देख-भाल़ हों थी; अरह् तेसी बिश्वाष के आँणों तोड़ी, जू पर्गटा हंणों वाल़ा थिया; तिन्दें शे आगे आँमें कय्दी जिऐं मूसा खे भेटे गुऐ ज्ञाँन-निय्म दे बोंने रंह् थिऐ।