प्रेरितो कै काम 6:1 - Sirmouri

¹ तोदी तिनू देसे जबे चैले की तादाऐत-गिन्त्ती बैजाऐ बड़्दी लागी, तबे यूनानी भाषा बुल़्णों वाल़े यहूदी बिश्वाषी लोग, इब्रानी भाषा बोल़्णों वाल़े बिश्वाषी यहूदी लोगो के बिरूध दे तुड़-खुड़ाऐ के रोज की सेंवकाई दी अमाँरी बिध्वायों के किऐ भे सुद्धी-खबर ने लंऐ ज़ाँदी।

सिरमौरी नौवाँ नियम

¹ तिनु दूसौ दै जोबै चैलै कै गिनती बौहितै बौढ़ गौए, तोबै इब्रानी भाषा बौलणोवाल़ै यूनानी भाषा बौलणोवाल़ै यहूदी बिशवाशी कै खिलाफ हौए गौवै, कै हर दूस कै पौयसै औरौ खाणौ कै सेवकाई दै अमारै विधवाओं कै दैख रैख ना कौरे जांव।

प्रेरितो कै काम 6:1 ပူးပေါင်းရင်းမြစ်များ

मत्ती 23:13

“फींट्कारा असो! तुओं पाखंडी यहूदी भाट-बाँम्ण, अरह् यहूदी-निय्म के शिखाणों वाल़े गाशी! तुँओं खे भहित्ती सजा भेट्दी! तुँऐं आदमी खे स्वर्गो के राज्य को दुवार डाकी दियों, ना तअ आपु तिन्दे ज़ाऐ बल़्दे; अरह् ना तिन्दे कोसी ओकी ज़ाणों देंदे।”

प्रेरितो कै काम 11:20

परह् तिनू मुँझ्शे कुँऐ साइप्रंस वासी अरह् कुरनी थिऐ, जू अन्ताकिया दे आऐयों यूनानियों खे भे प्रभू यीशू की खुषख्बरी की बातो शुँणाँदे लागे।

प्रेरितो कै काम 11:26

अरह् जबे शाऊल भेटी गुवा, तअ बरनबास ऐं तेसी अन्ताकिया दा आँणा; अरह् तबे से दुईन्ने पुरे ऐक साह्ल कंट्ठै रूऐ, अरह् बैजाऐ लोगो खे शिक्षा देंदे रूऐ; अरह् सोभी शे आगे चैले खे अन्ताकिया दे ही “मसीही” बुले गुऐ।

प्रेरितो कै काम 11:29

तबे चैले ऐ ऐजा फऐंस्ला करा, के ऐक नाँम आदमी आप्णी-आप्णी कंमाँई के मुँताबिक शा यहूदिया दे रंहणों वाल़े, बिश्वाषी भाऐ-बंईणों की सहाऐता खे किऐ डेयाल़ो।

प्रेरितो कै काम 2:41

तबे: तिन्ऐं संत्त-पतरस की तिनू बातो माँनी, अरह् नहाँण-नहाँव; अरह् तेसी ही देसे किऐ च़ींन हजार आदमी बिश्वाषी भाऐ-बंईणों आरी मीली गुऐ।

प्रेरितो कै काम 2:45

सेजे बिश्वाषी लोग आप्णीं-आप्णीं जजाऐत्त, घरोऊँच़ी बीकी-बीकियों जैष्णी कोसी भी भाई-बंऐणीं खे किऐ जरूरत हों थी, तेष्णों ही तिनके जरूरत्त के मुँताबि सब-कुछ बाँडी-बाँडियों दियों थिऐ।

प्रेरितो कै काम 2:47

सेजे बादे बिश्वाषी लोग पंण्मिश्वर की अरार्धना-धन्यबाद करिया करह् थिऐ, अरह् तेथै की बादी जंनत्ता तिनका बैजाऐ माँन-संमाँन करह् थिऐ; अरह् प्रभू हर-रोज तिनकी मंडल़ी दे नुंऐं लोग मिलाँव थिऐ, जिनू लोग आप्णें पाप शा छ़ूट्कारा-मुँक्त्ति भेटो थी।

प्रेरितो कै काम 4:35

अरह् जैष्णी कंसी की जरूरत हों थी, तिनखे तिन्दें के मुँताबिक शो से ऐकी नाँमों खे बाँडी दियों थिऐ।

प्रेरितो कै काम 4:4

परह् जिनू लोगे ऐं खास-चैले कैई शे पंण्मिश्वर के बचन शुँणीं थुऐ थिऐ, तिनू मुँझ्शा भहित्ते लोगे ऐं बिश्वाष करी थुवा थिया; अरह् बिश्वाष कर्णों वाल़े मंर्दो के गीनत्ती किऐ पाँच हजार लोगों के लग-भग तोड़ी पंह्ऊँची गऐ थी।

प्रेरितो कै काम 5:14

प्रभू दा बिश्वाष कर्णो वाल़े, लोगों के गिनत्ती बैजाऐ बड़्दी रंऐ: तबे मरोद् अरह् तिरंई के ऐक बैशुमार मँडली बंणी गऐ।

प्रेरितो कै काम 5:28

“कियो आँमें तुँओं खे ऐजी पाक्की चिताँव्णीं देऐयों अज्ञाँ दिती ने थी, के तुँऐं ऐसी नाँव शी किऐ भे शिक्क्षा ने दिऐं? परह् तबे भे देखो, के तुँऐं बादो यरूशलेम आप्णी तियों ही शिक्क्षा लई भरी दितो; तअ तबे कियों? तुँऐ तेसी आदमी का खूँन अमाँरें माँथै मंड़्णाँ चहाँव।”

प्रेरितो कै काम 6:2

ईन्देंखे बारंह् खास-चैले ऐं आपु मुँझी खुम्ल़ी बंईठाल़ियों बुलो, “ऐजो ठीक आथी ने, के आँमें खियाँणों-पीयाँणों की सेवा खे पंण्मिश्वर का बचन शुँणाँणा छ़ुड़ी दियों।

प्रेरितो कै काम 6:7

तबे पंण्मिश्वर का बचन फऐल्दा लागा, अरह् तबे यरूशलेम दी चैले की गिनती बैजाऐ बड़्दी लागी; अरह् तबे बैजाऐ याजकों ऐं भे बिश्वाष करियों तिनका मंत्त माँनी पाया।

प्रेरितो कै काम 9:29

से बैधड़क हऐयों यूनानी भाषा के यहूदियों शी बात-चींत्त अरह् भंऐस करह् थिया, परह् सेजे लोग तेसी माँरी देणाँ चहाँव थिऐ।

प्रेरितो कै काम 9:39

तबे: संत्त-पतरस बींऊँजियों तेख्णीं तिनकी गईलो चाल पड़े, अरह् जबे से याफा दे पंह्ऊँचे, तअ लोगे ऐ तिनू टंकैड़ी गाशी नींऐ; तेथै बादी बिधवा रूदे-रूदे तियाँरे च़ौऊँ ढबै खह्ड़ी हंऐ रंई थी; अरह् से कुर्ते अरह् खोट्णों तिन कैई शे देखाँदी लागी; जुण्जे तिऐ दोरकास ऐ तिनकी गईलो रंह्दे बख्त्ते बंणाऐ थुऐ थिऐ।

प्रेरितो कै काम 9:41

संत्त-पतरस ऐ तियाँरा हाथ थाँम्ब्ड़ियों तियों खह्ड़ी करी, अरह् पबित्र लोग अरह् बिधवा बऐदियों दोरकास तिनू कैई शी जीऊँदी देखाऐ।

रोमियों 12:7

जे सेवा कर्णो का दाँण भेंटी रूआ, तअ से सेवा दा लागा अंदा रंह्; जे कुँऐं शिखाँणों वाल़ा असो, तअ से शिखाँदा लागा रंह्;

1 कुरिन्थियों 10:10

अरह् ना तुँऐं तुड़-खुड़ाऐ, जेष्णों तिनू मुझ्शो कईऐं कोरो, अरह् से नाँष कर्णो वाल़े के जाँणें नाँष करे गुऐ।

2 कुरिन्थियों 11:22

कियों सेही इब्रानी असो? हाँव भे असो। कियों सेही इस्राएली असो? हाँव भे असो। कियों सेही अब्राहम के बंष के असो? हाँव भे असो।

फिलिप्पियों 3:5

आठवें देसे मेरा खतना हुआ, इस्राएल के बष, शा अरह् बिन्यामीन के गोत्र का असो; अरह् इब्रानी माँ-बाब का जाया, इब्रानी असो; शिक्क्षा-निय्म के बारे दा जे बुलो तअ यहूदी भाट-बाँम्ण असो,

1 तीमुथियुस 5:3

जुण्जी तिरंई सोत्तिखे जरूरत्तबंद बिध्वा असो; तिनकी मंद्त्त करियों आदर-ईज्जत्त करे;

1 तीमुथियुस 5:9

सिर्फ तियों ही बिध्वा को नाँव लिखो, जियाँरी ऊँमर षाठ साल्ह शी जादा हों; अरह् जियाँरा ऐक ही घरवाल़ा थिया।

इब्रानियों 13:1

आपु मुझी तुऐं ओका ओकी आरी भाई-बंईणीं को जियों प्यार कर्दे रंह्।

याकूब 1:27

परंम-पिता पंणमिश्वर के साम्णें साची अरह् शुद्ध भगत्ति सेजी ही असो, जू अनाँथों अरह् बिधवा के सु:ख-दु:ख दे मंदत करह्, अरह् आपु दा किऐ संईसारिक कल़ंक ने लागणों दियों।

याकूब 4:5

कियो तुँऐं ईयो जाँणों के पबित्र-ग्रन्थों का ऐसी कथंन का किऐ अर्थ ने आथी: सेजी आत्त्मा जियों “पंणमिश्वरे आँमों दी बसाऐ थऐ, से बैजाऐ आप्णी हिछ़या शी आँमों खे ऐजी काँमना करह् जिन्दें का प्रत्ति-फ़ल़ डाह्-जल़ण हों”।

याकूब 5:9

हे, भाऐ बंईणों, ओका, ओकी गाशी दोष-बोद्दी ने किन्देंखे के नियाँव कर्णो वाल़ा तुँवारी देव्ल़ी गाशी खल़िया अंदा असो।