प्रेरितो कै काम 5:42 - Sirmouri

⁴² तबे से रोज देऊँठी अरह् घरह्-घरह् दे ज़ाऐयों, लागातार शिक्क्षा देंदे रूऐ; अरह् से प्रभू यीशू के खुषख्बरी शुँणाँदें रूऐ; के यीशू ही मसीया असो।

सिरमौरी नौवाँ नियम

⁴² इथकै बाद चोणेयौंदे चैलै हर दूस मन्दिरो दै औरौ घोरो-घोरो दै जायौ लगातार उपदैश शिखांदै औरौ सुसमाचार का प्रचार कौरौ थिए कै यीशु ही मसीह औसौ।

प्रेरितो कै काम 5:42 ပူးပေါင်းရင်းမြစ်များ

लूका 21:37

प्रभू यीशू देसो तअ देऊँठी दे शिक्क्षा दियों थिऐ, परह् रात्ती खे से नंगर शे बाँईडे ज़ाऐयों जैतून नाँव की धारो गाशी रात्त बिताँव थिऐ।

लूका 22:53

जबे हाँव देऊँठी दा रोज तुँवारी गईलो थिया, तअ तेथै तअ तुँऐं मुँह्दा हाथ भे लाई ने, परह् ऐजा तुवाँरा बख्त असो, अरह् ईन्दे गाशी अंन्धकार का हंक-अधिकार असो।”

प्रेरितो कै काम 11:20

परह् तिनू मुँझ्शे कुँऐ साइप्रंस वासी अरह् कुरनी थिऐ, जू अन्ताकिया दे आऐयों यूनानियों खे भे प्रभू यीशू की खुषख्बरी की बातो शुँणाँदे लागे।

प्रेरितो कै काम 13:32

“आँमें तुँओं लोगो कैई शी ऐजी खुषख्बरी शुँणाँव, के पंण्मिश्वर ऐं अमाँरे पुराँणियाऐं कैई जुण्जा बाय्दा करा थिया;

प्रेरितो कै काम 17:18

तबे इपिकूरी अरह् स्तोईकी दर्शण देख्णों वाल़े लोग, भे तेस्की गईलो सवाल जबाब कर्दे लागे; अरह् कंई लोगे ऐ बुलो, “ऐजा बकबादी का बुल्णों चहाँव?” परह् ओकी ऐ बुलो, के “ऐ कोसी ओकी देव्त्ते का प्रचार कर्णो वाल़ा हंणाँ” किन्देंखे के संत्त-पौलुस प्रभू यीशू का अरह् दुज़ाल़िऐं ऊबे जीऊँणों की खुषख्बरी शुँणाँव थिया।

प्रेरितो कै काम 17:3

अरह् ऐजो साबित्त करी दितो, के मसीया खे दु:ख्ह-भोगणाँ, अरह् मँरे अँदे मुँझ्शो पाछ़ू ऊबो जीवणों; जरूरी थियों, “सेजे ही यीशू जिनका हाँव तुवाँरे बीच दा प्रचार करू, से ही मसीया असो।”

प्रेरितो कै काम 2:46

सेजे बादे बिश्वाषी लोग रोज ऐक मंन हऐयों देऊँठी दे कट्ठै हों थिऐ, अरह् घरह्-घरह् प्रभू भोज की रोटी खाँव थिऐ; अरह् से खुशी-आँनन्द मंनाँव थिऐ; अरह् नींष-कपट् मंन शो से बादे झोणें साथी भोजन करह् थिऐ।

प्रेरितो कै काम 20:20

अरह् जुण्जी-जुण्जी बातो तुवाँरे भलाई की थी, सेजी बादी बातो बुल्णों खे; मुँऐ किऐ झ़ीझ्क ने करी, परह् मुँऐं सोभी के सहाँम्णें अरह् घरह्-घरह् ज़ाँऐयों मुँऐ तिन्दे के बारे दे पुरी-पुरी शिक्क्षा दिती।

प्रेरितो कै काम 4:20

किन्देंखे के आँमें जुण्जो देखी, अरह् शुँणीं थो; ईन्देका कियों आँमें बखाँण करह् ने, ऐष्णों ने हंदी।”

प्रेरितो कै काम 4:29

प्रभू! ऐबे तुऐं तिनकी धंम्कियों गाशी ध्याँन दियों, अरह् आप्णें सेंवकों खे ऐजी दीड़-हिमम्त्त दे; के से निंडर हंऐयों तेरा बचन शुँणाँव।

प्रेरितो कै काम 8:35

तबे: फिलिप्पुस ऐ बुल्णों शुरू करो, अरह् पबित्र-ग्रन्थों के ऐसी पाठ की आड़ दो; प्रभू यीशू के खुषख्बरी का प्रचार करा।

प्रेरितो कै काम 8:5

तबे: फिलिप्पुस सामरिया के ऐक नंगर दा ज़ाऐयों लोगों मुँझी मसीया का प्रचार करदा लागा।

प्रेरितो कै काम 9:20

तबे: शाऊँल तेख्णी यहूदी चौत्रे दा यीशू का प्रचार करदा लागा, के से ही पंण्मिश्वर का बैटा असो।

1 कुरिन्थियों 2:2

किन्देंखे के मुँऐं ऐजो ठाणी पाव थियो, के तुँओं मुँझी यीशू मसीया जिनू शुँल़ी-फ़ाँशी चढ़ाऐं गुवे थिऐ; हाँव तिन्के सुवाऐ ओकी किऐ बात ने जाँणू।

गलातियौं 1:16

जबे पंण्मिश्वर के ऐजी हिछ़ा हऐ, के मुँदा आप्णें बैटे का ज्ञाँन पर्गट करा, के बै-बिश्वाषी लोगो मुँझी खुषख्बरी का प्रचार करू, तेसी बख्ते मुँऐं कोसी आदमी की सलाह्-मशोहरा ने करी।

गलातियौं 6:14

परह् ऐशो ने हऐयों के हाँव अंण-जाँण कोसी बातो गाशी तारीफ करू, परह् सिर्फ अमाँरे प्रभू यीशू मसीया के शुँल़ी-फ़ाँशी का, जिन्दें लई संईसारी मेरी नंजरी दे अरह् हाँव संईसारी के नंजरी दा शुँल़ी-फ़ाँशी चड़ाया गुआ।

2 तीमुथियुस 4:2

के तू बचन का प्रचार करह्, अरह् कोसी भी हाल दा तैयार रंह्, हर ढंग के संऐनशिल्त्ता, अरह् शिक्क्षा आरी, हिमम्त्त दे, अरह् डाँट-झाड़ अरह् संहमझाऐ दे।