प्रेरितो कै काम 5:27 - Sirmouri

²⁷ तबे तिन्ऐ खास-चैले तेथै बंड़ी खुम्ल़ी के सहाम्णें करे, अरह् महाँ-याजक ऐं तिन कैई शो ऐजो पुछ़ो।

प्रेरितो कै काम 5:27 ပူးပေါင်းရင်းမြစ်များ

मत्ती 5:22

परह् हाँव तुँओं खे ऐजो बुलू, के जू कुँऐं आप्णें भाई गाशी कुरूध करला, से दाल्ती दा सजा ज़ुगा हला। अरह् जुण्जा कुँऐ आप्णें भाई खे निकारा बुल्ला, से बड़ी खुम्ल़ी दा सजा ज़ुगा हला, अरह् जुण्जा कुँऐं बुलो, के ‘ओ मुरूख’, से नंगरक की आगी की सजा ज़ुगा हला।

लूका 22:66

जबे देस आव, तअ लोगो के ठगड़े, अरह् मुख्य-याजकों, अरह् यहूदी-निय्म के शिखाँणों वाल़े लोग कट्ठै हुऐ; अरह् तिनू आप्णी बड़ी खुम्ल़ी दे नीऐयों तिनू पुछ़्दे लागे।

प्रेरितो कै काम 22:30

दुज़े देसे सुबेदार ऐ ऐजो ठीक-ठीक जाँण्णों की हिछ़या शो के ऐजे यहूदी लोग ऐसी ऐत्रा दुषी-कसूर बार कैई बाणों ऐजो जाँण्णों खे तेने संत्त-पौलुस के बाँनणों खुली दिते, अरह् मुँख्या-याजकों अरह् बड़ी खुम्ल़ी कंट्ठी कर्णो के अज्ञाँ दिती; अरह् तेने संत्त-पौलुस आँणिंयों तिनके सहाँम्णें खह्ड़ा करी दिता।

प्रेरितो कै काम 4:7

तबे: तिन्ऐ संत्त-पतरस, अरह् संत्त-यूहन्ना बीच़ ठाई खह्ड़े करे; अरह् तिन कैई शी ऐशी पुछ़-ताछ़ करी, के “तुऐं लोगे ऐं कियों शक्त्ति शे, अरह् कंस्की नाँव शे ऐजे काँम-काज़ करी थुऐ?”

प्रेरितो कै काम 5:21

ऐजो शुँणियों से झ़ीषौ भेंयासरो दे ही देऊँठी दे हुटे; अरह् लोगों खे शिक्क्षा देंदे लागे। तबे महाँ-याजक अरह् तिनके साथी ऐ आऐयों बड़ी खुम्ल़ी करी, अरह् इस्राएलियों के बादे पुराँणियाँ कठै करे, अरह् कय्दी खाने खे ऐजा शुज़ा दिता के खास-चैले उडे आँणों।

प्रेरितो कै काम 5:34

परह् गमलीएल नाँव का ऐक यहूदी भाट-बाँम्ण थिया, जुण्जा रित्ती-रूवाज अरह् यहूदी-निय्म का माँष्टर थिया; अरह् बादी जंन्त्ता तेस्की आदर-ईज्त्त करह् थिऐ, तबे से खुम्ल़ी दा ऊँबा खह्ड़ा हुवा; अरह् तेने खास-चैले खे ऐग्ड़ी बाँईडे नींहणों के अज्ञाँ दिती।

प्रेरितो कै काम 6:12

अरह् ऐशे दाँई लोगों के दाँने-माँने अरह् यहूदी निय्म के शिकाणों वाल़े लोग भड़्काणों पाछ़ी तिन्ऐं ऐक-दंम स्तिफनुस थाँहम्बड़ियों बड़ी खुम्ल़ी के सहाँम्णें आगु नींयाँ।